الموضوع: تقييم الاسكودا فليشيا

التقييم مش علي الإطلاق و خصوصا لعربية مستعملة
يعني اللامبورجيني أحسن و الفليشيا زبالة
و الـ 133 أسوأ و الفيليشيا ممتازة

تقييمى للسيارة فى فئتها السعرية فى حدود 32 الى 38 الف جنية كالاتى:

1- سعر السيارة متناسب مع امكانياتها وحسب حالتها وغير مبالغ فية بالنسبة لقيمتها العملية
2- يتقاطع معها فى نفس الشريحة السعرية (الشاهين - الريجاتا - الاكسل - الاكسنت )
3- قطع غيارها اغلى من الشاهين والريجاتا ومتقارب مه الاكسل والاكسنت
4- تعتبر الامتن فى فئتها والاكثر تحملا فى كل من البودى الخارجى والعفشة
5- عفشة السيارة ممتازة وقوية وتتساوى فى خشونتها مع الشاهين والريجاتا وتقل عن الاكسل والاكسنت ولكنها اقوى من الهونداى
6- ثبات ممتاز على السرعات المرتفعة مع الملفات الصعبة
7- قوت تحمل عالية واعتمادية ممتازة
8- الصاج الخارجى ماشاء الله ممتاز قوى و متناسق
9- التقفيل الداخلى للصالون ممتاز والمكونات المستخدمة عالية الجودة
10- تابلوة شيك وزراير كهرباء شكلها ممتاز
11- الفبر - الزراير - الاوكر - التارة - الكراسى من خامات جيدة ومتينة
12- قطع غيار معمرة جدا وقطعة الغيار الاصلية تعيش عمرها التصميمى الكامل مع تنوع فى قطع الغيار حسب الاحتياج والظروف من (المانى - تشيكى - تركى - صينى )

العيوب:
1- العفشة ناشفة قليلا عن الكورى
2- قطع غيار غاليه نسبيا
3- التكييف مش قد كدا وبيؤثر على السحب
4- مروحة التكييف صوتها عالى
5- دورة التبريد تحتاج لمتابعة دورية
6- الموتور لو كان فيه منه 1500 كان يبقى ممتاز اكتر

اقصد طبعا التقييم فى نفس الفئة السعرية يعنى تدفع كام وتاخد منه قد ايه طبعا كلامك مظبوط مليون المية مش بنقارن بينها وبين الانسر او الكورولا مثلا او بينها وبين الاوكتافيا بنقارن فى فئتها

كنت عايز اعرف يا محمد باشا هيا الحراره الطبيعيه للفليشيا بتبقس كام.
لان انا بيحصل عندي موضوع غريب اوي؟
و هل طبيعي ان مؤشر الحراره يبقي في النص وهيا سخنه؟

طيب انا مؤشر الحراره عندي بيبقي في النص و بلاقي الميه بتغلي في القربه و العربيه سحبها بيقل
دا ممكن يكون ايه السبب؟
و في الحاله دي لما الميه بتغلي المروحه مش بتشتغل

ممكن اعرف اشتري سياره نوعها ايه فئه سعريه 30000 صاج متين عفشه ناعمه قطع غيار متوفره واسعارها معقوله