عربيتك السوزوكي بتستهلك بنزين قد ايه؟؟

**dr.hazem** · 09-03-2013 04:16 PM

السلام عليكم ورحمة الله وبركاته...
كلنا عمالين نسمع عن أسعار البنزين والتكهنات الحالية والكلام كتر....
وفنفس الوقت كلنا عارفين قد ايه شركة عريقة زي سوزوكي بتتميز في صناعة المواتير الصغيره الفعاله والموفره في نفس الوقت....
فحبيت ان كل واحد يقولنا ياترى عربيته بتستهلك قد ايه؟؟
طبعا لابد ذكر الآتي
نوع العربية
الموديل
عدد الكيلومترات المقطوعه
متوسط الاستهلاك سواءاً
لتر/كم
او كيلومتر لكل 20 لتر...
وياريت يذكر نوع البنزين المستخدم وطريقة القياده ان امكن...

هبدأ بنفسي
ماروتي
2007
43000 كيلو
متوسط الاستهلاك لبنزين 80 و92(نفس الإستهلاك)
لتر لكل 15 كيلومتر والرقم ده بدون المكيف
طبيعة سواقتي للاسف شد وجري وحرق عالغيارات والشكمان عندي متغير بواحد اكبر من الهيدر للآخر...
وطبعا حمولة السياره بتلعب دور...
منتظر ردودكم وتعليقاتكم
تحياتي

Sent from my SE Arc S using Forum Runner

**Amr Axel** · 09-03-2013 04:27 PM

الماروتي و الالتو او عربيات سوزوكي هنا عامة معروفة بقلة استهلاكها للبنزين
يعني المشوار اللي تاخده بعربية 1600 سي سي و يستهلك منك 5 لتر في الماروتي ممكن مياخدش 2 لتر
يعني من الاخر عربيات ما شاء الله موفرة و اقتصادية جداا و هي اللي تنفعنا هنا

موديل العربية : سوزوكي التو
سنة الانتاج : 2008
عدد الكيلومترات المقطوعة : 140 الف ك
البنزين المستخدم : 92
متوسط الاستهلاك ما شاء الله لتر لكل 18 ك
طريقة القيادة مش ثابتة ع حسب الطريق

و ان شاء الله في تعديلات قريب و هبلغكم بالاستهلاك بعد التعديلات ديه :)

**lidosasa** · 09-03-2013 05:45 PM

ماروتى 2007
عدد الكيلوات 53700 كيلو
الإستهلاك ليتر لكل 10 كيلو
البنزبن المستخدم 92
طريقة القيادة داخل المدينة وعلى مهلى ومعظم مشاويرى فى ساعات الذروة المرورية وبقف كتير فى شوارع زحمة ومنهم شارع رخم أبن جزمة مطلع كبير وزحمة رهيبة فى نفس الوقت يعنى بكون فيه على الأول وموازن العربية بالدبرياج عشان العربية متريحش لورا وغلبت على ما عرفت أعمل الحركة دى وأول ما أتعلمت السواقة كنت بشد فرامل اليد ولما أجى أطلع العربية تفصل أو تريح على اللى ورايا وكانت فضايح الله لا يعيدها أيام وبحب أمشى على مهلى أقصى سرعة ممكن أمشى عليها 50 كيلو وعنيا فى وسط راسى نظراً لإنتشار البلطجة المرورية من سواقين الأجرة والسرفيس اللى بيمشوا كتير مخالف وبيخرجوا من شوارع جانبية بسرعة وكأنهم فى لعبة need for speed وغالباً بكون على التانى وساعات كتير بجيب التالث ونادراً لما أجيب الرابع
والأهم إنى مش بمشى بالعربية كتير يعنى بسخن الصبح وأنا رايح الشغل وأركن العربية لحد ما أخلص شغل 8 ساعات وأرجع اسخن تانى عشان أروح وبعدها بعمل مشوار واحد تانى بالليل وبتكون العربية بردت وبسخن تانى .

**eng.koussy** · 11-03-2013 03:45 PM

السيارة : التو 800 2013
البنزين : 92
الكيلومترات المقطوعة : 2200
الاستهلاك : بين 15 و 17 كيلو فى اللتر حسب الزحمة و السواقة
للاسف مبتحركش بيها كتير لان الحركة بالفسبا اسع=هل فى وسط البلد و بالتالى مبستخدمش العربية الا لو رايح اكتوبر او العبور

**islamahmed1990** · 11-03-2013 07:15 PM

سوزوكي التو 2013 800 سي سي
العداد عامل 2495
مش بحطلها غير بنزين 92
استهلاك البنزين لحد 4 تفويلات كان 18 كيلو للتر معادا تفويله واحده عملت 20 كيلو للتر بس كان اغلبها طريق مفتوح متواصل حوالي 100 كيلو مثلا
طبيعه القياده مش دايما و الله
بس في الغالب يعني مش بزود عن 90 و ساعات 100
سواقه هاديه اكتر الاوقات لكن ساعات كتير بشد

**islamahmed1990** · 11-03-2013 07:17 PM

سوزوكي ماروتي 2007
العداد عامل حوالي 64500 كيلو
متوسط استهلاك البنزين 15 كيلو لكل لتر بنزين سواء اما كنت بستعمل 80 او حاليا مع ال 92

**mohamedhagrass** · 13-03-2013 09:30 PM

ماروتي 2008
عداد:25267 ينقص او يزيد قليلا
معدل الاستهلاك:تقريبا 10-15 كيلو لكل لتر ياريت تقولولي طريقه احسب بيها لاني حاطط نسبه بينها
5 كيلو وده تفرق كتيير عاوز احسبها بشكل تقريبي اكتر شويه
نوع قياده:عنيفه ورياضيه وشد 100-130 وساعات 140 في طريق السويس
داخل البلد سواقه هاديه احيانا :d