الموضوع: هشتري فلوانس بكرة نصائحكم يا وحوش

السلام عليكم انا بعد لف كتير ومقارنات كتير استقريت على البرنسيسة الفولانس وبكرة ان شاء الله رايح اشتريها مستعمل بس من الشركة
فغايز نصايحكم يا جماعة اخد بالي من ايه وانا بفحصها واركز على ايه لاني خبرتي بالسيارات مش كبيرة
منتظر ردودكم يا وحوش

المشاركة الأصلية كتبت بواسطة mohammedaladel

مش عارف قصدك ايه بالشركة رينو يعنى ؟؟ المفروض تاخد معاها تقرير أو تكشف عليها فى التوكيل عشان تقف على حالتها

طبعا هتبص للمظهر العام من برا وهتقلب الصاج حتة حتة سنتى سنتى وتشوف لو فيه فروق فى الألوان وتبص على العتب كويس جدا والاكسدامين ورا وقدام وتشوف الفواصل بتاعتهم راكبة بالمللى ولا مفسحة شوية

أنا فى موقف زى دا هنزل ع الأرض كأنى بسجد وأشوفها من تحت برضه ... لا يكون علبة الشكمان مخبوطة ولا فيه تنشيع زيت من تحت

أفتح أبواب العربية كلها واقفلها وشوف سلاسة فتحها وقفلها وبص على الأبواب من جوا كويس ( اللون يعنى )

شوف جميع اللمبات اللى فى العربية شغالة بالكامل ولا لأ

أفتح كبوت العربية وشوف المظهر العام للموتور وحاول تبص لتحت مش من فوق بس وشوف غطاء القربة وغطاء المساحات مكانهم ولا لأ ( أنا شفت عربية مكنش فيها غطاء القربة مصيبة سودا )

دور العربية سواء بالمفتاح أو بالكارت حسب فئتها اسمع صوت الموتور على السلانسيه ... خلى حد يدوس بنزين جامد وانزل شوف لون العادم طبعا المفروض ملهوش لون

شغل التكييف وشوفه بيسقع ولا لأ على كل السرعات وشوف التكييف السخن برضه

شوف الكاسيت وجرب سى ديهاية وشوف صوت السماعات وشوفها كلها شغالة ولا لأ

لو فيها بلوتوث جرب برضه

طلع ونزل الزجاج جرب كل الزراير بتاع الزجاج فى كل الأبواب

جرب حساس المطر شغل الخاصية وهات شوية مياه كبهم على الزجاج من فوق شوف المساحات هتتحرك أوتو ولا لأ ( لازم الموتور يكون داير )

جرب الأضاءة الليلية بتبدأ تشتغل قبل المغرب بشوية كدا

لف الدركسيون على الآخر يمين وشمال وشوفه بيلف طبيعى ولا لا فيه صوت خبطة مثلا

طبعا هتجرب العربية على الطريق وتقف على حا لتها برضه وهى ماشية أى حاجة غريبة تلاحظها لازم تشك ان فيه حاجة بايظة

تتأكد من وجود الجنط و الكوريك ومفتاح العجل الأصليين وكتالوج العربية

+1111111111111111