العربية معايا عامله 20 الف كم و مافيش عيوب تذكر للان ما شاء الله عليها
عرض للطباعة
الحمد لله وماشاء الله عليها وربنا يزيد فى كفائتها ويباركلك فيها
طيب ممكن اعرف ال20الف دول استهلكتهم فى ظرف اد ايه ؟ يعني سنه او اكتر او اقل
حاجه تانيه ..... هل لاحظت اي تسريب هواء وانت علي سرعات عاليه من 100كم وانت طالع ؟ واخبار سماع احتكاك الهوا علي السرعات ايه ... يعني العزل اخباره ايه وانت عديت 20الف كم
شكرا للافاده
والله يا جماعه انا العربيه لغايه دلوقتى مش شايف فيها حاجه وبالنسبه للعزل انا جربت لغايه سرعه 130 مافيش صوت بس عايز الفت نظركم لحاجه بعد ماتقفل زجاج العربيه مش بيقفل للاخر بيبقى فيه حوالى مللى وده بيعمل تشويش فبيتهيالك انه سواء عزل جرب بعد ما تقفل الزجاج تدوس دوسه تانى هتلاقيه بيعمل تكه كده وبتبقى ملحوظة ساعتها مش هاتسمع حاجه
وعلى فكرة السنه الصغيره بتبقى معموله علشان درجه حراره الكبينه فى احر ماتسخنش وعلشان كده لو تلاحظو لو ركنت العربيه فتره فى الشمس مش هتلاقيها سخنه ولا الفرش سخن للدرجه دى
هل حد لاحظ الموضوع ده ولا لا
انا كمان لسه مرخص من يومين ماشالله عربية فخمة وجميلة
بس الخليجي فيه حاجات كتير عن المصري بس هي عربية تحفة وناعمة وفخمة
بس لسة مافهمتش كتير في الاوبشن لو حد يقدر يفيدنا في التشغيل
عربيه ممتازه وفخمه ربنا يباركلك فيها ويديك خرها
الله يكرمك يا اخي
العربيه مش بمشي بيها كتير لاني معايا عربيه تانيه علشان كد الرقم ده تم فى 10 شهور
موضوع احتكاك العربيه ده انا بعتبره من ابرز عيوب العربيه (اذا كنا هنعتبره عيب اصلا) لانه مسموع جدا فوق ال 150 كم/س
انا كنت متوقع مستوي عزل للعربيه افضل من كده علي السرعات العاليه بالنظر لفئه العربيه
انا ركبت E250 cgi قصه تانيه صراحه بس يبقا حرام لما نقارنهم ببعض
انا جبتها اوروبي
بس بصراحة اكتر من ممتازة
للاخوة اللي بيسالو علي الدركسيون انه تقيل انا معايا ناعم وسلس جدا مش تقيل خالص خفيف وسهل الحركة
انا بس عاوز اعرف هي ممكن اركب لها جهاز انزار وتتبع ولا التوكيل يخرجها من الضمان علي ماسمعت
وياريت كمان تفيدوني علي الاضاءة لما بعمل المفتاح علي الاوتو بيفضل النور شغال حتي في النهار
هل مفتاح الجليد شغال فيها ولا مش شغال لاانه مش بينور ولا بيعمل اي اكشن
وفعلا لو الاخوة اللي مستخدمنها مسافة كبيرة ومحصلش معاهم مشاكل فاانا فعلا بقول انها تستحق لان انا لسة 250 كيلو فيارب استرها علينا وعلي كل من اشتراها