اقتباس المشاركة الأصلية كتبت بواسطة hemo444ever مشاهدة المشاركة
السلام عليكم و رحمة الله و بركاته

إن شاء الله انا كنت عايز اشتري BMW 2006 318 i بس خايف من موضوكوبونات البنزين دي فا بفكر في BMW 316i موديل 2006 فا كونت عايز نصايح الناس الخبره عشان انا لسه جديد لوسمحتم عايز اعرف كام حاجه كده
1-سعر السياره حوالي كام
2- كام حصان و هل في مشاكل في الفتيس الاوتوماتيك بتاعه
3-تكون عمله كام كيلو متر عشان متكنش متهانه و متتعبنيش في الصيانه
4-اسعار الصيانه و قطع الغيار الهامه مثل العافشه و السيور و طرمبة البنزين
5- هو الموديل ده في I-drive
6-في مشاكل معينه في الموديل ده و ايه مميزاته
7- لو حد يعرف مكان معين اشتري منه

شكرا" جدا و اسف علي الاطاله بس طمعان في كرمكم

اهلا بيك , بص اجابات اسئلتك كالتالي:

1- في حدود 160 الف ممكن اقل شويه حسب الميلو متر
2- فتيس ممتع جدا في الجري ساعات بيكون في نتشه خفيفه مع الكيك داون الجامد بس عامة مفيهوش عيوب ,,,, العربيه 150 حصان
3- عامه السيارات الفخمه بتحتفظ على حالتها العامه لفتره كبيره لكن يفضل اقل من ال100000 او لو عدت ال100 تكون صيانات توكيل بالكامل و مفيهاش الهوا
4-اسعار الصيانه العاديه : زيت و فلتر (4 و نص لتر زيت) حوالي 650 ج , سير و بليه ب1000 ج (مفيش غير سير واحد لأن الكاتينه جنزير لا تتغير) , المساعد الواحد ب 2000ج و الطامبه في حدود 2000 برده
5- مفيش ايدرايف غير من اول نصف تاني 2007
6- في عربيات كتير بتغير سربنتينه تكييف و طلمبه فاكيوم (بعد 100000)

من ناحية المميزات : امتع سيارة ممكن تسوقها و مش حتصدق القدره على التحكم عامله ازاي , السياره بتستجيب لأشارات دمتغك مش الدركسيون :) ,,,, لا انصح بأنك تشتري من تاجر عشان بيمصلحو جامد في بي ام , دور في الوسيط و كونتاكت على حاجه بيتي ,,, و لازم تطلعلها تقرير فحص من بافاريان اوتو