معطر السيارات

**elmo7amed** · 10-03-2013 03:21 PM

افضل معطر للعربيات ايه يا جماعه وياريت يفضل فتره كبيره ومش مهم السعر بس يكون فعلا حلو وشكرا لحضراتكم

**mesaharaty** · 10-03-2013 03:39 PM

والله أنا شارى بخاخة إسمها (بريز) من (أون ذا ران) ريحتها حلوة لما تفتح عربيتك وتقيلة إلى حد ما .
هى يعنى مش وهمية ببس أنا مبسوط منها لأنها أحسن حاجة لقيتها لغاية دلوقتى .
فيه منها بريحة الخوخ والكيوى والفرالولة والفانيليا .
أنا جربت الكيوى لقيتها حلوة وماشى الحال .
بالتوفيق

**mesaharaty** · 10-03-2013 04:22 PM

الشكل هى عبارة عن زجاجة بلاستيك اسطوانية ولها بخاخة زى بتاعت الروائح كده .(على فكرة المنتج مصرى)
والسعر 19 جنيه

**mshmshm3** · 10-03-2013 07:13 PM

في اريون جيل في علبة كانز في منها ازرق و احمر ب 23 جنيه
انا جربت الازرق بتقعد وقت اسبوعين تبقي ملاحظ ريحتها طول ما انت في العربية و بعد كدة بتلاحظها اول لما تفتح العربية او جايز حاسة الشم عندي بعافية شوية بس انا بشمها اول لما افتح العربية بس و بعد كدة عادي و بتخلص بعد مدة طويلة ممكن شهر و نص او شهرين
في يورو جيل دي علبة بردو بس صغيرة مفعولها اكبر من الاريون ب 22 جنيه من كارفور هتلاقيها في اون ذا رن او سبينيس
لونها اصفر
سيبك من الشجرة و اريون الورقة و كل الهجص ده فاكس بتقعد يومين و بعد كدة ولا ليها لازمة و ممكن تجيب حاجة بخاخ زي اول عضو ماقال بس انا مجربتش البخاخ ماليش تقل افضل كل شوية ابخ