الموضوع: تعبت من موضوع المياة دة

اولا : شكرا الى ا.سامح على ردة عليا يوم الاربعاء الماضى الساعة 10.3 مساءا واسف جدا على ازعاجة

ثانيا / غيرت يوم الخميس كوعة المياة ( لان الكوعة القديمة كانت دابت من المياة + الماسورة بتاعتها + خرطو م الكبير اسفل الرادياتير والميكانيكى ركب وقالى انسى موضوع المياة وبعدين قالى بص عليها الصبح وبعدين فعلا لقيتها ناقصة شوية زودت مقدار 1/2 كوب وبعدين روحت مشوار حوالى 20 ك وبعدين استنيت لما السيارة بردت بصيت تانى لقيت القربة ناقصة شوية قمت مزودها وبعدين رجعت على البيت مسافة 20 ك دة كان يوم الجمعة اللى فاتت وبعدين ببص عليها دلوقت ( الاحد الساع 3 ظهرا ) مالقيتش مياة فى القربة خالص + الرادياتير ناقص كيتير ( مقدار 1/2 الى 3/4 لتر )
مش عارف اعمل اية انا زهقت وتعبت وقرفت من المستعمل كلة ( سواء يايانى او كورى اوحتى المانى )
ملحوظة : مفغيش سخونة فى السيارة المؤشر طبيعى تحت النصف بشوية
وشكرا على سعة صدركم واسف على الازعاج

بص يا باشا

من واقع خبرتى التعبانة أوى هقولك على الآتى:-

1. حاول تجيب غطاء للردياتير أصلى 100%

2. شوف فى تسريب بيحصل من الردياتير ولا لأ؟؟

3. وده الأهم قربة المياه ممكن تكون بايظة فمش بتقلب المياه أو تقليبها ضعيف فالمياه بتتبخر

ممكن اكون مخطىء وممكن أكون مصيب والله أعلم

المشاركة الأصلية كتبت بواسطة hany_bendary

بص يا باشا

من واقع خبرتى التعبانة أوى هقولك على الآتى:-

1. حاول تجيب غطاء للردياتير أصلى 100%

2. شوف فى تسريب بيحصل من الردياتير ولا لأ؟؟

3. وده الأهم قربة المياه ممكن تكون بايظة فمش بتقلب المياه أو تقليبها ضعيف فالمياه بتتبخر

ممكن اكون مخطىء وممكن أكون مصيب والله أعلم

a شكر على سرعة الرد الرادياتير سليم واغير الغطاء حاضر

والله الواحد محرج من مستر سامح والله دة شايل منتدى الهوندا كلة الله يباركلة

المشاركة الأصلية كتبت بواسطة sameh_fouad

ياباشا على اية بس , احنا معملناش حاجة , اسأل براحتك ياباشا ولو حتى الساعة 4 الفجر , انا تليفونى مفتوح 24 ساعة

عموما ياباشا طالما القربة بتنقص وجنسبة بسيطة من الريدياتير بتنقص , يبقى كدة فية 3 احتمالات منهم واحد اكيد

1- غطاء الريدياتير الجوان بتاعة ضعف

2- فية تسريب غير مرئى مش هيبان غير مع عمل كبس لدورة التبريد

3- حالة غطاء القربة ؟؟؟ ياريت تقولى هل بيفوت مع القفل ؟؟؟

سامح باشا صباح الفل
طبعا النهاردة الصبح الساعة 8.3 وديت ابنى المدرسة وبعدين مشيت شوية لحد ( شارع الطاقة قدام سوبر ماركت المصرية ) لقيت المؤشر الحراراة بيزيد روحت راكن وفتحت الكبويت لقيت ان خرطوم السخن تقربيا الافيز ريح لان المياة خارجة بين الماسورة والخرطوم طبعا سبتها كدة وخدت تاكسى على شغلى فى مصر الجديدة وفى صديقى هايروح يجيب ميكانيكى ويزبط العيب دة ويارب يكون دة اخر تسريب مياة عشان جبت مياة من كل حتة ( الحمد لله )

ممكن يكون عندك الطبة الخاصة بمسار المياه اللى داخلة المحرك مخرومة وبتنقط ميه بسبب الصدأ وفى الحالة دى بتحتاج تتغير........