نظارة شمس ب 1500 ج

**moody_687** · 10-03-2013 10:55 PM

المحل ف كارفور الاسكندرية وفاتح 5 فروع ف الاسكندرية اسمه المنسي اللي سئلت ع النظارة الشمس عنده
والمغربي كنت جايب نظارة فوج للنظر من عنده وقشرت بعد 3 سنين وكانت الصناعة صيني وكانت ب 750 ج وكان بيقولي ان الفوج بتتصنع ف الصين عشان الايدي العاملة وهكذا فمش عايز اجيب من عنده تانى

**zangry** · 10-03-2013 10:57 PM

المشاركة الأصلية كتبت بواسطة SHNORY

علي ما اظن دا كان زمان يا باشا
دلوقتي بيجيبوا كله كوبي هههههههههه

هههههههه على رأيك .. بس الصينيين فظاااع النضارة هى نفس الاصلي !! انا مسكت الاتنين معرفتش افرق

بينهم :d

**Ahmed_Adham** · 10-03-2013 11:02 PM

المشاركة الأصلية كتبت بواسطة zangry

هههههههه على رأيك .. بس الصينيين فظاااع النضارة هى نفس الاصلي !! انا مسكت الاتنين معرفتش افرق

بينهم :d

الراي بان بتبقى العدسه الشمال نفسها محفور عليها "rb" بفونت معين. مش عارف الحفر ده كمان اتقلد ولا لسه.

**SHNORY** · 10-03-2013 11:23 PM

المشاركة الأصلية كتبت بواسطة zangry

هههههههه على رأيك .. بس الصينيين فظاااع النضارة هى نفس الاصلي !! انا مسكت الاتنين معرفتش افرق

بينهم :d

انت بتقول فيها
واللي يقولك سيريال والكلام ده ماهم ممكن يعملوا نفس الموديل اللي عليه السيريال
الحل انك تشتري من التوكيل بذات نفسه

**moody_687** · 11-03-2013 07:31 AM

بصوا انا مبقتش عايز اشتري نضارة

**حماده المصري** · 11-03-2013 07:45 AM

الواحد مبقاش فاهم اي حاجه

من فتره صديق ليا جاب ساعه مش فاكر الحقيقه ماركتها ايه وفي علبه ومعاها بروشور ومانيوال وحاجه محترمه

ورحنا بيها توكيل سيتي ستارز عشان نتاكد هو جابها اصلي ولا مضروب بقى كله زي بعضه المحل مش عارف واحد يقول اصلي والتاني يقول مضروب او هاي كوبي

والبرفانات كمان نفس الكلام كتير اوي منها مضروب ضرب السنين لدرجه انه ممكن يحطلك ريحه برفان تاني اساسا ويقولك ده هاي كوبي

بس انا مش فاهم الهاي كوبي ده بيبقى برضو طالع من نفس الشركه ولا بيبقى حاجه مضروبه مالهاش علاقه بالشركه بس على نضييف ده الي نفسي اهمه

**amdd** · 11-03-2013 10:19 AM

انا هجيب نظارة بحر احسن

**A_H_M_A_D** · 11-03-2013 10:56 AM

النضارات و البرفانات و الساعات كله دلوقتى بقى بيضرب و الضرب لا يمكن تفرقه عن الأصلي

الحل في حاجه من اتنين : يا تشتري من الوكيل الرسمي للمنتج , والمفروض ان في الحاله دي انك بتشتري اصلي (لاحظ كلمة المفروض)

او الحل التاني الاسهل انك تجيب المضروب بس تبقى عارف كده و انت بتشتريه انه مش اصلي و تدفع تمن الكوبي المعقول بدل مايتضحك عليك و تشتري الكوبي بتمن الاصلي

**horeen** · 11-03-2013 11:06 AM

من الأخر وخبره فى تجاره النظارات فى مصر والسعوديه لمده 20 سنه
مفيش نظاره شمش أصلى فى مصر وتحدى
وكله شغال على الصينى
أنا أعرف وكيل ماركه شهيره فى مصر بيصنع النظارات فى الصين ويشحنها إلى إيطاليا وبعدين يعاد شحنها إلى مصر وتباع على أنها إيطالى ويعطيك شهاده إفراج جمركى وشهاده منشأ تقول إنها إيطالى
الصين فى كل مكان والتجار مكسبها فى الصينى مهول
أغلى ,اجود نظاره تصنع فى الصين هاى كوبى نمره واحد بيتحاسب عليها جمله حوالى ما يعادل 50 جنيه
وتيجى تتباع فى مصر مش أقل من الف جنيه
ولو عمل حركه الشحن ضاعف المكسب