*** اختبار قيادة دايوو / شيفورلية اوبترا ستاشين لمدة 3 ايام ****
الحمد الله اعدت 7 ايام في " مرسى مطروح " علي سبيل " التصييف " حيث اني لم اخد اجازة مصيف من العمل لمدة 3 سنوات لحد الان .
و للأسف ياريتني ماخدت الاسبوع ده و يا ريتنى مارحت اسوء مصيف رحته في مصر ..
المهم استفتد كام حاجة كدة و من اهمها اختبار قيادة السيارات شيفورليه اوبترا او دايوو نوبيرا كما يطلق عليها الاخوة الليبين القاطنين بمحافظة مطروح .
النسخة الي جربتها كات 1600 سي سي و ستاشين بس 5 راكب مش 7 زي منا كنت متخيل موديل 2007 . كانت عاملة 12000 كم فقط .
مقارنة سريعة بين الستاشين و السيدان العادية الفرق كله في المساحة الخلفية لارجل الركاب و الشنطة اكبر شوية بس و في راي الشخصي الشكل الخارجي للستاشين احلى ...
غير كدة مش شايف اي فرق يذكر او حتى يبرر فرق السعر الاعلي الي حتدفعه .
السيارة فضلت معايا 72 ساعة كاملة من مشاوير داخل مطروح و مشوار واحد الي شواطئ مطروح الخارجية و عجيبة و نصف المسافة بين مطروح و الاسكندرية .
مش حطول في الاختبار بما ان السيارة معروفة بالفعل .
- الشكل الخارجي :
في راي الشخصي الستاشين افضل من السيدان طبعا من الخلف حيف ان من الامام لم يختلفا .. الشكل عامة ظريف و لكنه اصبح شكله " قديم " او " تقليدي " شوية خصوصا مع نزول موديلات الجديدة من سيارات نفس الفئة , ولكنه شكل مقبول جدا ولا اري به اي عيوب جوهرية
3.5 من 5
---
- الشكل و الجزء الداخلي :
السيارة من الداخل عبارة عن اسوا انواع البلاستيك الخشن جدا مكسوة باسوا انواع قماش سيارات شفته في هذه الفئة .
جودة التقفيل و التصنيع جيدا جدا لكن مازات اتذكر ملمس الخامات الخشن و السيء جدا جدا خصوصا الجزء مافوق الكونسول و هي الخامة المسيطرة علي تابلوه السيارة كله
تصميم التابلوه ينتمي لفترة سابقة مثله مثل الشكل الخارجي و لكنه مقبول و عملي و لكن اللون الاسود القاتم المسيطر عليه بيديلو شكل قديم جدا مثلا سيارات ال 90ييات
لوحة العدادات اضائتها ضعيفة نسبيا بالييل و الوانها غير مميزة
السيارة مريحا نوعا ما في الجلسة الخلفية و لكن الامامية مهما حاول اتأقلم معها دائما ما احس ان الكرسي مائل زاوية قائمة 90 درجة و حسيت انه اعلي مني بكتير ( الخلفي خاصة )
لست متأكد اذا كان ده الفرش الاصلي و لا لأ بس ده اسوء نوع قماش شفته في اي سيارة في هذه الفئة .
الابواب عملية و لكنها فقيرة تصميميا و ماكينة الزجاج صوتها عالي جدا - عزل الرياح سئي و الصوت عالي
انا كنت مشغل الراديو و التكييف و كنت علي سرعة 60-70 تقريبا و صوت الموتور داخل السيارة واضح جدا و عالي مش لدرجة الازعاج يعني و لكنه محسوس .
التكييف جيد جدا و هو عادي مش Climate Control .
رفاهيات او كماليات السيارة بسيطة جدا و قليلة جدا ولكن نظرا لسعرها مقارنة مع منافسيها فهي كافية نوعا ما .
العفشة اعطتني احساس ممزوج - احيانا احس انها مريحة جدا و لكنها حتتبهدل بسرعة و احيانا احس انها ناشفة جدا و متعبة للركابت على حساب قوة تحملها و بصراحة مقدرتش اجزم اذا كانت السيارة مريحة ام متعبة خصوصا ان الطرق في مطروح افضل نسبيا من مصر .
التقييم العام للشكل و الجزء الداخلي
2 من 5
- الاداء و الموتور :
الموتور: 1.6 E-TEC II — 108 hp
قدرته الحصانية تعتبر من اقلها في هذه الفئة و المحرك غيركفؤ بالمرة و صوته عــــــــــالي جدا و يحتاج يوصل الي لفات عالية جدا لتحس انك بتجري ! الخروج من الثبات الي الي وضع سرعة جيد و لكن الحركة بعد ذلك و خصوصا علي السرعات البطيئة سيء جدا !
ناقل الحركة يحتاج الي وقت الي التعود علي " حشر " النقلة الي انت عايزها مش مريح بالمرة - خصوصا النقلات الثلاثة الاولى
و السيارة مظلومة بصراحة بمحرك قديم و عتيد زي ده حتى النسخة ال 1800 بتاعة سيارات الشرطة في القاهرة 120 حصان فقط !! بينما في سيارات في مصر 1400 و 1600 اقوى بكثير و متقدمة عنها بكثير و كورية ايضا .
2من 5
----------------------
الامان : لا يوجد بها ABS ولا EBD ولا وسائد هوائية و لكن اختبار التصادم جيد و السيارة صاجها عامة جيد جدا و لم الاحظ اي عيوب في التقفيل خارجيا و لا في حوض الموتور .
بالنسبة لثمنها اعقتد انها عادية جدا - مش سيئة و مش جيدة في ناحية الامان
2 من 5
---------
القيمة و الاعتمادية :
السيارة حالية من ارخص السيارات في هذه الفئة و لكنا منافسيها مظمهم نزل منهم موديلات جديدة اصبحت السيارة في وضع صعب للمقارنة مثل الكورولا الجديدة و السيفيك و السكودا A5 و الجيتا و الانترا
السيارة الي قبلها النوبيرا اثبتت سوقها في مصر و هي من السيارات الاعتمادية فعلا باسثتناء بعض العيوب البسيطة اما الموديل هذا فاعتقد انه حيكمل مسيرة الاعتنادية و هي سيارة شغل قاصي فعلا .
4 من 5
--
التقييم العام تقريبا :
3 من 5
--
السيارة تقارن بالانسر الشكل القديم و هي الوحيدة حالية التي في نفس ثمنها و لكن في راي الشخصية تتفوق عليها بمراحل
الانترا ايضا تتفوع علي الاوبترا في كل شيئ تقريبا .
و اعقتد ان الوقت قد حان لاستبدالها بموديل جديد ينافس منافسيها التقليدين حيث ان السيارة اصبحت في حالة صعبة المقارنة بها و بين السيارات الاخرى لعدم "كفائة" المقارنة بين سيارة موديل قديم و سيارة موديل هذه السنة .
كسيارة عائلية - جيدة و لها شعبية جيدة في مصر ولكنها ليست احسن ما في فئتها و اعتقد الانترا الجديدة و الانسر القديمة اختيارات افضل .
ارجوا ان اكون افدتكم .
انا معاك ان كلامه على عربية بتتأجر
طبعا انا لم امتلك الاوبترا بعد و لكنى على وشك شراؤها و انا بقالى اكتر من شهر بجمع معلومات عنها حتى اتمكن من معرفة ان كانت هى الاختيار الافضل ام هناك افضل منها فى فئتها ..
و كلام الاستاذ عن العربية الاوبترا كله مخالف لما جمعته من معلومات
فموتورها قوى و صوته مش عالى و فرشها شيك و لكن تقليدى و قد تكون هذه ميزة و ذوق للبعض و هى من وجهة نظرى و آخرين ترجح على منافسيها فى فئة سعرها
و اعتقد ان كل ما تحدثت عنه حضرتك كان خاص بانك ركبت عربية بتتاجر و مستهلكة و بالتالى فاعتقد انك ظلمت العربية