الأختيار الأخير بين كيا ريو ورينو ساديرو ...ساعدوني!

**hazemhany** · 10-03-2013 09:52 PM

يا جماعة انا خلاص الحمد لله اختصرت اختياراتي في عربيتين اتنين ومحتار بينهم بشدة ...ريو مانيوال او سانديرو .. ياريت تقولولي هل الفرق ما بينهم يستحق فرق السعر ...مع العلم اني هشتري قسط ان شاء الله ...ياريت تدلوني انهي الأفضل بينهم ...شكرا

**amr.elsayed** · 11-03-2013 01:35 AM

انا شايف حضرتك معاك مازدا 3 فنصيحة قارن بين العربيات فى نفس سعر الريو
وطلع السانديرو من المقارنة واى سيارة فى هذه الفئة لان فئة السانديرو مش حتاخد منها اداء قريب للمازدا
لكن الفئة السعرية للكيا ريو ممكن تقرب شوية للاداء

**hazemhany** · 11-03-2013 10:53 AM

لا هيا المازدا دي بتعاعت ابويا مش بتاعتي

**NaderNabil** · 11-03-2013 11:12 AM

فرق كبير بين العربيتين....أولهم السعر...أعتقد بنتكلم في 25000 على الأقل..

السعر هو الي يجاوب سؤالك...كل عربية في فئتها السعرية كويسة...بس مايتحطوش جنب بعض

**hazemhany** · 11-03-2013 12:17 PM

انا عايز ننحي السعر جانبا ...وبالمناسبة الفرق 14 الف فقط

**amr.elsayed** · 11-03-2013 03:49 PM

لا يا باشا مش 14 الف خالص
دة السانديرو الاوتو ب 93 الف فول اوبشن واقل ريو اوتو ب 118 الف يعنى فرق 25 الف جنيه ودى تعتبر ريو فاضية
الكيا ريو احسن من السانديرو و دى مافيهاش كلام بس المقارنة مش صح علشان كدة بنقولك راجع نفسك وماتستعجلش وفكر فى بكرة
علشان تكون مقتنع بعربيتك ودى حاجة اغلى بكتيييير جدا من اللى حتدفعه فى العربية
وانت الاول حدد امكانياتك يعنى معاك فلوس كام وشيل من الفلوس دى حبة فلوس كدة شيلهم على جنب لزوم الترخيص وتظبيط العربية وشوف ايه حيفضل
وبعد كدة حدد احتياجاتك من العربية مثلا اوتوماتيك ولا مانيول سيدان ولا هاتشباك والطرق اللى بتمشى فيها دايما زحمة او مكسرة او طرق سريعة
لو زحمة يبقى محتاج عربية موفرة فى البنزين
طرق مكسرة يبقى محتاج عربية عافشة قوية وفى نفس الوقت عافشة مريحة وناعمة
طرق سريعة يبقى عربية ثابتة وامانها وفراملها ممتازة ومش مهم ساعتها انها تكون عفشة ناعمة
حدد كل استخداماتك من العربية بحيث تحدد المميزات المطلوبة تكون موجودة فى العربية والعيوب والملاحظات اللى ممكن تتغاضى عنها
وقارن بين فئة سعرية واحدة لكن كدة المقارنة فيها خطا وفرق كبير فى السعر ومش حتوصل لحل