الموضوع: تجربة قيادة دودج رام

المشاركة الأصلية كتبت بواسطة Hmatchy

"]ههههههههههههههههههههههههه هههههه
فكرتونى بالموقف اللى حصل معايا على صحراوى اسكندرية بعد الثورة بشهرين
كان وقتها ولا فى عسكرى او امين شرطة على الطريق كلو فالواحد بياخد احطياتاطو ابل ما يسب الكورنيش
تفول العربية وتجيب ميتك و بيبسيك وسجايرك وتخش الحماام حتى لو مش عايز علشان بمجرد ما تمسك اول قناة السويس مش هتقف الا عند بوابة اسكندرية ثم بوابه القاهرة
كانت قيام اد ماهى صعبة كانت حلوة
لا ردار بقى ولا اى حاجة و الطريق فاضى وقت العصرية كده يعنى من الاخر لما كنت بمشى 160 يا اما ماشى فى التحويلة او مستنى اللى بجرى معاه علشان نونس بعض فى الطريق
وماشى الطريق كلو زى الفل 180-190 مبهديش الا قبل التحويلة
وعديت الماستر وكلو تمام وقربت من الحدود الارضية لمدينه القاهرة
ودخلت اخر تحويلة قبل البوابات حوالى 20 كيلو عبارة عن حاتين بس لكن متسفلته
مكدبتش خبر 160-170 وباخد الغرز اول ما بعدى من العربية علشان مبوصش فى مرايات الجنب كتير ومن وقت للتانى اشقر على مرايه الصالون
وفضلت يجى 3 كيلو اعدى من اى عربية انزل قدامها وماشى و الدنيا حلوة
قلت ابوص فى مرايه الصالون
خير اللهم اجعلو خير مش شايف منها حاجة خالص المراية سوده
افتكرت انى عملها تعتيم بس لقتها مظبوطة
ببوص فى المراية الشمال مش شايف حاجة
ببص فى اليمين لقيت حاجة سوده واخده نص المراية بس مفيش اى ملامح
و انا ماشى 170 و ابتديت اقلق فى ايه
فى حاجة غلط
ومع اول غرزة اخودها فى عربية لمحت المرايا
لقيتو الوحش الكاسر الذى يدعى الدودج الدورانجو
البيه بقى لازق فيا لدرجة انى اكتشفت ان السواد اللى فى مرايه الصلون ده شنب العربية وجزء من الكبوت
يابن المجانيييييييييين رحت كابس بنزين لحد 195 وخلاص مش راضيه تجيب اكتر من كده وكمان حاسسها عايمه كده من ورا
بقيت خايف اوى الراجل ده مالو بيا يمين شمال ورايا
غرزة ضيقىة واسعة مفييييييييييييش
والعبد لله مش بس خايف يدوس فرامل انا بقيت خايف اشيل رجلى من على البنزين لان دى لوحدها فيها 15 كيلو اول ما ارفع رجلى
لحد ما الطريق بقى فاااااااااااااااضى يجى 2 ولا 3 كيلو قدامنا
رحت ماسك يمين و الرخم ده ورايا
مرة واحده حسيت كده خير اللهم اجعله خير الشمس طلعت و مشيت و الصالون نور جامد و يطفى
طبعا مش محتاجه زكاء البيه بيقلبلى نور
كنت عايز اوطى على ايدو ابوسها و اسئلو سؤال واحد بس انت عايز ايه يا عم الحج ما عندك الشمال اهو
فرحت اديتو اشارة يمين وعرفتوا انى مريح هنا شوية براحتى يعنى مليش مزاج اشد اكتر من كده
راح جاى على شمالى
بعيد عنكم رفعت رجلى من على الدواسه شوية لحد 170-180 مش فاكر بالظبط
بس اللى فاكرو بالظبط انى كنت بنهج كأن انا اللى بجرى

وراح جاى جمبى وعمل كيك داون وبصلى كده من تحت ل تحت اصلو هو قاعد فى الدور التانى فا عمرى ما هكونلو فوق
لولا انى كنت قافل الازاز كنت طلعت قولتلو بتعمل عقلك بعقلى يا عيل

بس طبعا عقبال ما كنت هفتح الازاز كان زمانو هو عند البوابات
ولكن تشاء الظروف ويلعب القدر لعبته ويدخل ورا عربيه فى البوابه فضلت واقفة كتير وعديت انا من البوابة اللى على يمينو بس المره دى انا اللى بصتلو
جرى ورايا تانى وطلعنا المحور سوا بس كنا اختفينا عن بعض ومشيننا من غير شد[/COLOR]

المشاركة الأصلية كتبت بواسطة lanos2004

اضلا الدودج رام دى عربيه
وانا مبحبش ركوب العربيات النقل صراحه
علشان مش بحب الشغل باليوميه
ضحكه خبيئه
ههههههههههههههههه

ههههههههههههههههههههههههه هههههههههه بس يومية الرام تطلع بكام على قدة

المشاركة الأصلية كتبت بواسطة حماده المصري

ههههههههههههههههههههههههه ههههه

كان حصلي موقف شبيه شويه

كنت على الصحراوي وكان في بني ادم سئيل اوي راكب حاجات من دول بس مش فاكر ايه هي بس كل الي متاكد منه انها من الحاجات الي عدادها 160 او 180 ممكن تبقى شفر بلايزر او اي حاجه من هذا القبيل

برضو نفس الاداء ماشي وطاير والاقيه في ضهري لازق فيها

بس الضحك بقى اني كان معايا نيو اكسنت مانيوال والعربيه دي مش بتهرج خالص في الجري من 0 ل 200 ولا يهمها اي حاجه

ف قعدنا كل شويه اجري واجيبه واطلع منه عشان هو عداده 160 او 180 واهدى شويه واقعد اهييس عليه واجي جنبه يتنرفز يجري اقوم مسقط وطالع وراه وحش كاسر بس اخره 180 وانا اقوم مكمل بعديه عادي مفيش مشاكل واطلع منه

ههههههههههههههه

المشاركة الأصلية كتبت بواسطة aldesha989

قلبى الصغير لا يتحمل

دا انا يوم ما سوقت الكيا الاسبورتاج حسيت انى عملت عمله خطيره ومافيش حد قادى :d

عيب عليكم بقى بلاش تحسسونا بالنقص :d

والله وقعدت فتره مش طايق اركب اى عربيه ووقتها ماكنش معايا عربيه ونزلت من الكيا ركبت تاكسى حسيت انى كنت فى الدوار العاشر فجأه وقعت على الارض :d

كيت سبورتاج هههههههههه امل لو ركبت مثلا الرام هتنتحر

المشاركة الأصلية كتبت بواسطة manola

من أجمل العربيات الموجودة فى العالم على فكرة و الحمد لله أن كاوتشها لمس أرض مصر
بس مشكلتها أنها كبيـــــــــرة جدا جدا جدا و لو محدش عارف أبعادها و جرب يسوقها بالعميانى كدة هيدغدغ الدنيا

صح انا ربنا ستر علية الحمد للة فى الابعاد

المشاركة الأصلية كتبت بواسطة dr.hazem

مش للدرجادي يعني!!
انا بالنسبالي مش حاسس انها مميزه قوي ولا حاجة...
جايز اتعودنا عليها ايام السعودية لكن مش لدرجة انه مصدقش ان كاوتشها لمس ارض الغالية!!
تحياتي

sent from my se arc s using forum runner

صدقنى العربية تستاهل اكتر واللة العظيم فوق الوصف لو جربتة هتكرة اى عربية تانية

الدودج اصلا حرااااااام