اللعنة على بنزين 95 ؟!!!!!!!

ازيكم يا رجالة

هو من امتى بنزين 95 بيبرجل العربية ؟

بنزينة فى المعادى على الكورنييش دخلت افول العربية مفيش 92
الموجود 95 بس... طيب قولت اكمل العربية خصوصا ان التنك مكانش فاضى
وافوق المكنة ونشوف الفرق اللى بيقولوا علية
ويا رتنى ما عملت كده
خرجت من البزينة والعربية ركبها عفريت
مكتومة جدا جدا جدا خصوصا على الأول والتانى
مفيش سحب خالص ولازم تقرص على المكنة عشان العربية تجرى

1- فكيت فلتر الهوا ونضفتة ... مفيش فايده
ركبت فلتر تانى قديم كان عندى قولت اجرب واشوف يمكن برضوا مفيش فايده

2- خلصت علبة كاملة من منظف الكربراتير .... برضوا مفيش فايده

3- غيرت البوجيهات وركب بوجيهات جديدة ... برضوا مفيش فايده

اية اللى حصل وفى اية مش فاهم حاجة
على فكرة لسة مغير فلتر البنزين ومعملش لسة 1000 كم

معقول يكون البنزين مغشوش ؟
ولا المكنة زعلت ومش متعوده تغير ؟
هل من مجيب ؟

واحد يا اخي معدته واخده على الفول و الطعميه
تاءكله كافيار و سيمون فيميه بالذمه!!!

اقتباس:

---

المشاركة الأصلية كتبت بواسطة hany63

واحد يا اخي معدته واخده على الفول و الطعميه
تاءكله كافيار و سيمون فيميه بالذمه!!!

---

هههههههههه وجت على دماغى
المكنة دى استيراد لسة مسقطها
قولت يمكن يكون الخواجة كان بيحطلها 95 ولا حاجة
شكلة مطلعش خواجة طلعت انا اللى خواجة

لو دا بنزين 95 فعلا معتقدش ان يكون المشكلة بسببه !!

فضي التنك ده وفول من بنزينه تانيه لأن شكل ده كان بنزين مخلوط بأي حاجه الله أعلم بيها وعامه متفولش من بنزينه تقولك مفيش 92 وفيه 95.

ممكن تكون المشكلة من نسبة الانضغاط للمحرك بتاع العربية بتاعتك
وعلاقته بمعامل الوكتان للبنزين

اقتباس:

---

المشاركة الأصلية كتبت بواسطة engwms

ممكن تكون المشكلة من نسبة الانضغاط للمحرك بتاع العربية بتاعتك
وعلاقته بمعامل الوكتان للبنزين

---

معنى كلام حضرتك ان غلط أحط لل 128 95 ؟

بنسبة 100% البنزين مغشوووووووووووش ...لاحظ فرق السعر يستاهل

اقتباس:

---

المشاركة الأصلية كتبت بواسطة mohammedaladel

معنى كلام حضرتك ان غلط أحط لل 128 95 ؟

---

أعتذر لتدخلي في الحوار وأستأذن من وُجه إليه الكلام في الرد:
لو حطيت 95 في عربية 28 ده مش غلط لكن كأنك بترمي فلوس في الأرض لأن المكنة قدرتها على الحرق أبطأ بكتير من كمية الطاقة المختزنة في البنزين وبالتالي المكنة هتاخد اللي تقدر عليه من الطاقة وهتعدي الباقي لنظام العادم يخرج على هيئة دخان في الهواء

احمد ربنا انها جت على اد كده انا حصل نفس الموضوع معايا عارف المشكله طلعت في ايه والله البنزين متزود مياه لما برجلي العربيه سبتها المياه صدت حتت في الكربيراتير وغيرت الكربيراتير فك الخرطوم الي واصل لفتر البنزين وخليها تفضي البنزين على الارض وعوض الله عليك ونظف الكربيراتير تاني بمنظف الكربيراتير علشان يغسل الكربيراتير من اي اثار للمياه علشان ميبوظوش

اي بنزين يتزود مياه يعمل كده يا باشا تقطع وتحس انها مكتومه ومخنوقه الغش في كل حته في البلد ربنا يتولنا برحمته

اقتباس:

---

المشاركة الأصلية كتبت بواسطة د.أبونضال

أعتذر لتدخلي في الحوار وأستأذن من وُجه إليه الكلام في الرد:
لو حطيت 95 في عربية 28 ده مش غلط لكن كأنك بترمي فلوس في الأرض لأن المكنة قدرتها على الحرق أبطأ بكتير من كمية الطاقة المختزنة في البنزين وبالتالي المكنة هتاخد اللي تقدر عليه من الطاقة وهتعدي الباقي لنظام العادم يخرج على هيئة دخان في الهواء

---

حضرته قال ممكن اوكتان البنزين لا يتوافق مع ضغط المحرك

هنا الأوكتان 95 هو فيه أعلى من 95

ولا قصده ان لو حطيت أوكتان أعلى ضرر للموتور ؟

بالنسبة للاحتراق

معتقدش ان زى ما حضرتك بتقول ان هناخد طاقة ونسيب طاقة معنى كدا ان الاحتراق غير كامل

هو انا حدمعلوماتى عن الأوكتان

كل ما رقم الأوكتان بيزيد بتقل درجة أو سرعة قابلية البنزين للاشتعال

بمعنى ان بنزين 80 يفرق بسرعة عن بنزين 90

بمعنى ان قبل ما البستون ياخد شوطه ويوصل لنقطة حدوث الاشتعال بيحصل اشتعال مسبق ودا بيخلى العربية تسقف أو تصدع أو تكركر :E_braces[1]:
الكلام دا فى المواتير اللى نسبة انضغاطها أعلى من الاوكتان اللى انت حاطه


لكن نيجى لمواتير نسبة انضغاطها قليل ... لو حطلتها 80 مش هيحصل اشتعال مسبق

ولو حطيت 90 مش هيحصل اشتعال مسبق ولكن هيشتعل بالكامل بكامل قدرة المحرك لكن مش هيزيد ولا هيضيف

الفكرة كلها ان الموتور اللى نسبة انضغاطه أعلى هيديك أعلى كفاءة تشغيل مع بنزين اوكتانه عالى

والموتور اللى نسبة انضغاطه أقل لو حطتله اوكتن أعلى هيبقى بنفس الأداء ولكن مش هيبقى فيه باور مفقود لان القدرة قدرة الموتور وليس البنزين

والاحتراق هيبقى كامل واللى هيطلع فى الشكمان عادم عادى برضه ( مش طاقة مهدرة )

دى وجهة نظرى

بنزين مغشوش

يعنى يابو حمدى يوم ماتشبرق العربية ببنزين 95 تحطلها بنزين مضروب

عموما ياباشا اللى حصل عندك دة نتيجة حاجة من الاتنين :

1- يأما البنزينة كان الفلتر بتاعها سىء فدخلك البنزين ومعاة كمية شوائب كتير سدد البيكات وبوظت الدنيا

2- البنزين مخلوط

وعموما اول حاجة انت عملتها غلط انك رشيت carb cleaner فى الكاربراتير بالكمية دية كلها

وحلك الوحيد هو انك تفضى التانك كلة , وتقوم بتنظيفة ثم اعادة البنزين مرة اخرى

- موضوع بقى ان العربية مش متعودة على البنزين والكلام دة

لأ طبعا ليس لة اساس من الصحة , اى نسبة بنزين هتروح للمحرك وهية مثلا اعلى من نسبة انضغاط المحرك بتاعك , التأثير صفر فقط اللى هيحصل ان المحرك هيكون انعم فقط لاغير , لكن مافيش ضرر ولا على المحرك ولا على الاداء ولا اى حاجة

واحد صاحبي معاه الباسات الجديدة 1400 تيربو , طبعا بيمون علي طول 95
دخل محطة علي الدائري , فول 95 علشان كان راجع أسكندرية
جه يدور العربية , العربية مش عايزة تنطق

لاقيته بيتصل بيا الساعة 7 بالليل و بيقول لي ألحقني , أبعت لي ونش
أيه الموضوع ؟
البنزين ال 95 كان فيه ميه ؟

تخيلوا ؟
بنزين تمنه حوالي 6 جنيه اللتر و فيه مياه !!

معلش يا حمدى وعوضك على الله
اكيد ربنا بيفادى حاجه قصاد حاجه

اقتباس:

---

المشاركة الأصلية كتبت بواسطة د.أبونضال

بنسبة 100% البنزين مغشوووووووووووش ...لاحظ فرق السعر يستاهل

---

+11111111111111111111111111111 :crying1::crying1:

على كده بقى الحمد لله على نعمة البنزين ال 80 ولكم تحياتى !!!!
:POINTIy2[2]::POINTIy2[2]::POINTIy2[2]:

اقتباس:

---

المشاركة الأصلية كتبت بواسطة mohammedaladel

حضرته قال ممكن اوكتان البنزين لا يتوافق مع ضغط المحرك

هنا الأوكتان 95 هو فيه أعلى من 95

ولا قصده ان لو حطيت أوكتان أعلى ضرر للموتور ؟

بالنسبة للاحتراق

معتقدش ان زى ما حضرتك بتقول ان هناخد طاقة ونسيب طاقة معنى كدا ان الاحتراق غير كامل

هو انا حدمعلوماتى عن الأوكتان

كل ما رقم الأوكتان بيزيد بتقل درجة أو سرعة قابلية البنزين للاشتعال

بمعنى ان بنزين 80 يفرق بسرعة عن بنزين 90

بمعنى ان قبل ما البستون ياخد شوطه ويوصل لنقطة حدوث الاشتعال بيحصل اشتعال مسبق ودا بيخلى العربية تسقف أو تصدع أو تكركر :e_braces[1]:
الكلام دا فى المواتير اللى نسبة انضغاطها أعلى من الاوكتان اللى انت حاطه


لكن نيجى لمواتير نسبة انضغاطها قليل ... لو حطلتها 80 مش هيحصل اشتعال مسبق

ولو حطيت 90 مش هيحصل اشتعال مسبق ولكن هيشتعل بالكامل بكامل قدرة المحرك لكن مش هيزيد ولا هيضيف

الفكرة كلها ان الموتور اللى نسبة انضغاطه أعلى هيديك أعلى كفاءة تشغيل مع بنزين اوكتانه عالى

والموتور اللى نسبة انضغاطه أقل لو حطتله اوكتن أعلى هيبقى بنفس الأداء ولكن مش هيبقى فيه باور مفقود لان القدرة قدرة الموتور وليس البنزين

والاحتراق هيبقى كامل واللى هيطلع فى الشكمان عادم عادى برضه ( مش طاقة مهدرة )

دى وجهة نظرى

---

أحترم رأي حضرتك ولا أشعر بفارق بينه وبين رأيي

شكرا لذوق حضرتك ربنا يخليك

أشكركم جميعا على التفاعل والردود
وطبعا ده شئ متوقع من رجالة نايل موتورز جمعيا

البنزين مضروب يامعلم
المشكله تحصل لو حطيت اوكتان قليل في عربيه محتاجه اوكتان عالي
انما اوكتان عالي يمشي اي عربيه حتى لو كانت فيات قرده :)