الموضوع: احترس من تسرب المياه الي داخل السياره

نصيحه لكل واحد من الاخوه الزملاء انه يكشف علي الطبات الموجوده في اسفل السياره
لان الطبب دي مسئوله عن منع دخول المياه الي السياره اثناء السير في برك المياه
وطبعا الافضل انك متدخلش في البرك اللي بتقابلك في الطريق بس للاسف في اوقات بتضطر انك تمشي في المياه غصب عنك
وده اتسبب عندي في مشكله في العربيه حبيت اشاركها معاكم
لاحظت ان لمبه الصالون مش شغاله مع ابواب السياره
وبعدين اكتشفت ان جهاز الانذار بيدي انذار اثناء غلق السياره وكأن فيه باب مفتوح
فكشفت علي لمبه البيان اللي في التابلوه لقيتها مش شغاله
قولت بلاش الانذار خالص و قفلت الباب بالمفتاح لقيت الاشارات شغاله باستمرار وكان فيه باب مفتوح ففصلت جهاز الانذار لحد ما اشوف دائره الكهرباء
فبصيت علي دائره الكهرباء الخاصه باضائه لمبه الباب في التابلوه ولمبه الصالون لقيت السلك بتاعهم مختلف يعني فيه اكتر من مشكله في الكهرباء
فكشفت علي الفيوز لقيت الفيوز كله سليم فكيت الكرسي بتاع السائق لقيت الاسفنج اللي تحت فرش الارضيه غرقان ميه وكشفت علي الضفيره لقيت فيه سلكين لونهم ابيض و عليهم لون اخضر بتاع النحاس فشدتهم راحوا اتفصلوا من بعض قشرتهم ووصلت كل سلكه في مكانها وكشفت علي لمبه الباب اللي في التابلوه وكشفت علي لمبه الصالون لقيتهم اشتغلوا وعزلت الاسلاك وبحاول اجفف المياه
وقولت انقل التجربه يمكن حد يستفاد منها ومعذره للاطاله

المشاركة الأصلية كتبت بواسطة pesso

اشكرك صديقى الكريم على سرعه ردك
جزاك الله خيرا ان شاء الله

جزانا واياك يا اخي الكريم