لادا نيفا 82 او لادا سمارا ؟ ارجو المساعدة ضرورى

**max666666** · 11-03-2013 02:37 AM

السلام عليكم ... ازيكم يا اعضاء المنتدى المحترم ...انا بعد لف و دوران من النت الى سؤال الاصدقاء .. وبعد ما بعت العربية الريجاتا الى عذبتنى لمدة اربع شهور ...دلوقتى انا محتار مابين الادا النيفا و السمارة .. انا معايا 15 الف فقط و عاوز عربية قليلة الاعطال قدر الامكان ومش مهم الراحة ومش مهم الشكل المهم الاداء الى يرضى امكانياتى المتوسطة ...و ياريت اعرف عيوب النيفا والسمارا ... وشكرا لذوقكم

**max666666** · 12-03-2013 06:21 AM

المساعدة يا رجالة ضرووورى

**hobyana47** · 15-03-2013 09:05 PM

السلام عليكم
ياباشا بدون تردد النيفا افضل بكثيررر وعن تجربة
النيفا ممكن تقول كل عيوبها انها مش بور ودريكسيونها تقيل لاكنها عربية تتحمل طرق مصر اللى كلها مطبات وحفر كمان قطع غيارها موجوده ورخيصة وماتنساش ان فى منها لغاية 2012

**max666666** · 21-03-2013 02:58 AM

المشاركة الأصلية كتبت بواسطة hobyana47

السلام عليكم
ياباشا بدون تردد النيفا افضل بكثيررر وعن تجربة
النيفا ممكن تقول كل عيوبها انها مش بور ودريكسيونها تقيل لاكنها عربية تتحمل طرق مصر اللى كلها مطبات وحفر كمان قطع غيارها موجوده ورخيصة وماتنساش ان فى منها لغاية 2012

شكرا يا باشا على ذوقك هو انا فكرت انى اشتري النيفا اساسيتها كويسة جدا واصرف عليها 4 الف تركيب باور وتكيف .... ايه رايك و راى السادة الاعضاء او اشترى فيات 132 ؟

**max666666** · 28-03-2013 06:56 AM

فين رايكم يا رجالة ؟؟

**asaeed** · 05-04-2013 03:06 PM

كل واحدة من الموديلين ليها عيوب ومميزات
بس أنا عن نفسي مميزات السمارة وعن تجربة أكثر بكثيييييييييييير من النيفا....
أولاً: النيفا آخرها 100 وبعد كده تحس أنك راكب جرار زراعي أما السمارة جيبها معها لحد 150 ونعومة كاملة في المشي.
ثانيًا: النيفا عفشتها أقوى أي نعم.. لكن السمارة تنساش أنهاعلى دنجل خلفي وعضمه جمده برده.
ثالثًا: النيفا خشنة في سواقتها جاااااااامد أما السمارة يعتبر ناعمة جدًااا.
رابعًا: التبريد في السمارة أقوى بكثييير من النيفا.. بحكم أنها روسي أصلي وكمان خليجي لأنها صنعت بمعامل فاز بروسيا وكل حاجة فيها حتى غطاء قربة المياه مكتوب عليه صنع بروسيا

**max666666** · 10-04-2013 10:38 AM

شكرا يا باشا على ردك وربنا كريم هى مشكلة الادا سمارة معايا ان انا مش بشوفها فى الشارع غير نادر جدااااا وده الى مخلينى مقلق منها علشان قطع الغيار وياريت حضرتك او الاخوة الاعضاء الى معاهم السمارة يقولوا ايه اخبار قطع الخيار معاهم