الموضوع: مين ألاقي عنده كلاكس سارينة هوائية

ياتري حد شاف هذه السارينة من قبل ؟
115nu llLo ud2p csChro meTrumpe tsC arV anA irHo rnK itCompress or1 | eBay

دي كلاكس هوائي زي يتاع العربيات النقل بس معاه الكمبريسور بتاعه يعني يشتغل علي أي عربية ملاكي
ياتري حد يعرف بيتباع فين ده في القاهرة؟؟ و كام سعره التقريبي ؟؟
و هل فعلا هو ممنوع في المرور ؟؟؟

متابع معاك

المشاركة الأصلية كتبت بواسطة akmm

موجود كتير منه فى التوفيقيه وباختلاف اعداد البوق .... بس مسالتش عليه بكام .. لكن موجود .

شكرا لحضرتك
هو فعلا موجود هناك و أنا أشتريت واحد 3 بوق و 2 نغمة و الأبواق بلاستيك لونها نيكل و السعر كان 150 جنيه قبل الفصال و بعد الفصال أخدته ب 130 جنيه

المشاركة الأصلية كتبت بواسطة هيثم

سؤال بعد اذن صاحب الموضوع
تركيب الكلاكس ده بيحتاج شغل فى الضفيره ???? و لو لا
بيتركب ازاى

لأ ما فيش ولا أي حاجة خالص في الضفيرة
ده بيأخد من نفس السلكة بتاعة الكلاكس الأصلي و بيعمل لك زرار تقدر تقلب منه يمين لو عايز الكلاكس العادي أو شمال لو عايز السرينة

المشاركة الأصلية كتبت بواسطة bmya

هو حضرتك عاوزه ليه هو سؤال رخم بس انا عمري ما شوفتعربيه ملاكي مركبه كسارينه نقل ؟

أنا بأسافر كتير علي الطريق الزراعي و طبعا حضرتك عارف أخلاق سواقين الميكروباصات و التك تك ده طبعا غير النقل و الأتوبيسات و الجرارات
عموما الطريق الزراعي ده عامل زي السيرك و السواقة عليه بجد مخاطرة شديدة علشان كده من وسائل الأمان أنك لما تضرب كلاكس لتنبيه أحد فتوات الطريق أنه أقل حاجة يسمعك و يحس أنك موجود (ده طبعا لو كان أصلا فايق و مش معمر الطاسة)
بس عموما أقدر أقولك أن السرينة عاملة شغل جامد جدا مع سائقي الميكروباص لأنه بطريقة غريزية بيخاف جدا من سائقي النقل فأول لما أضرب السرينة يوسع الطريق و يبطل تنطيط زي الأراجوز و طبعا ساعتها بأكون أختفيت تماما من أمامه قبل ما يستوعب أني مش راكب عربية نقل

صدقني الموضوع أنا مجربه كويس و خلاني أتفادي حاجات كتير

معلش نسيت أقول أنه لا ينصح أبدا بأستعماله داخل المدن لأن صوته عالي جدا جدا جدا
حاجة كده فوق ال100 ديسيبل يعني ممكن يسبب ضرر دائم للأذان البشرية

السؤال هل بيركب على 12 فولت ولا 24 فولت يعنى للنقل فقط..والكمبرسور هيتملى هواء منين؟؟؟
السارينة اللى فى النقل غير اللى على الرابط ده(زى بتاعة البحرية)
النقل بيركب سارنة جبااااااااااااااارة وكذا صوت.

المشاركة الأصلية كتبت بواسطة abo malek

السؤال هل بيركب على 12 فولت ولا 24 فولت يعنى للنقل فقط..والكمبرسور هيتملى هواء منين؟؟؟
السارينة اللى فى النقل غير اللى على الرابط ده(زى بتاعة البحرية)
النقل بيركب سارنة جبااااااااااااااارة وكذا صوت.

لأ يا باشا
هي بتشتغل علي 12 فولت عادي جدا للملاكي
و السرينة كاملة بالكمبريسور بتاعها و الخراطيم و حتي الكتاوت

أما سرينة النقل دي حاجة تانية خالص لأنها مجرد بوق فقط (زي البحرية) و دي بتشتغل علي كمبريسور الموتور لأنه سولار و طبعا دي بتكون صوتها أقوي كتير و أعمق من أللي عندي