الموضوع: سارينة الشرطة

السرينه الهوئيه(سرينه الشرطه) ممنوعه
الابواق كمان ممنوعه و بيبقي عليها مخالفه و بيتسحب رخص العربيه و تدخل فحص فني علشان تاخد رخصك تاني.
بس انت ممكن لو عاوز تركب ركب بس ما تستعملهاش قدام اي لجنه و اي شرطه.
بس هو غلط علشان ما ترجعش تقول حازم هو اللي قالي ركب:p

ايه الحكمة من تركيبها يعنى ؟

السرينه من بابها كدا ممنوعه ( بس فى بلدك مدام معاك فلوس او تعرف حد ميبقاش ممنوع) انا واحد من الناس لما اقفل فى لاجنه لازم لازم العربيه تتفتش ( علشان منظرها ملفت جدا للنظر ) فبيلاقى السرينه فبديله 20 جنيه و احيانا 10 جنيه على حسب الى واقف قدامى و كدا اريح من انا اتصل بحد او اشيل نفسى جمايل على تفاهات
فى كذا نوع منها و كل سراين الدخليه أصوات كتير
شوفلك سرينة ونش علشان النعره بتاعتها جامده و ركبها على هورنين ( 2 مكريفون)
و شوف النتيجه عامله ازاى ( حتعمل بيها قلق )

الموضوع إني عايز اركب حاجة اعمل بيها تنبيه جامد و استخدمها في بعض الأماكن ,
يعني من كام يوم على الدائري اوتوبيس جنح عليا و مسمعش الكلاكس بتاعي و ربنا ستر و لو عندي حاجة جامدة تنبه في الطرق السريعة تبقى نوع من الحماية ,
و كمان في المناطق الشعبية تلاقي الميكروباص مبيهتمش بالكلاكس بتاعي لأن صوته ضعيف لكن لو فيه حاجة جامدة هتلاقيه يتحرك ,
انا مش عايز استخدم صوت سرينة الشرطة لكن عايز أستخدم صوت من الأصوات التانية يكون جامد ,
و حبيت اعرف تجارب الأعضاء في الموضوع ده .

انت لو ركبتها حتحس بفرق بزات مع المكروباصات ( حتلاقى مره واحده رجه تانى و دخنه هباب طالعه من الشكمان يعن فعص اكسراتير على اخره علشان يوسه ) و طبعا المكرباصات بيكون مكنها قديم و معظمه خفيف
و كمان الطريق لما بيكون واقف وقوف عشوائى بتزبطه

المشاركة الأصلية كتبت بواسطة Akram

الموضوع إني عايز اركب حاجة اعمل بيها تنبيه جامد و استخدمها في بعض الأماكن ,
يعني من كام يوم على الدائري اوتوبيس جنح عليا و مسمعش الكلاكس بتاعي و ربنا ستر و لو عندي حاجة جامدة تنبه في الطرق السريعة تبقى نوع من الحماية ,
و كمان في المناطق الشعبية تلاقي الميكروباص مبيهتمش بالكلاكس بتاعي لأن صوته ضعيف لكن لو فيه حاجة جامدة هتلاقيه يتحرك ,
انا مش عايز استخدم صوت سرينة الشرطة لكن عايز أستخدم صوت من الأصوات التانية يكون جامد ,
و حبيت اعرف تجارب الأعضاء في الموضوع ده .

كنت لسة بفكر زيك فى الموضوع دة بسبب السواقين الغشم فى الشارع و لانى عارف ان السرينة ممنوعة بفكر اضاعف الكلاكس او اركب كلاكس سيارة نقل اية رايك .

شوفوا كلاكس ديزل السكة الحــديد اذا كان بيتباع ( : ( :
فعلا صوته رهيب ومالوش حل ويخوف اي حد جنبك

ممكن تركب بووووووق القطر :) :) :) ,

لأ بجد الكلاكس البوش بيبقى جامد و كنت بفكر فيه و سألت الكهربائي قاللي ممكن يركب بزرار (سويتش) يخليه يشتغل أو يخلّي الكلاكس القديم هو اللي يشتغل علشان لو مش عايز أشغل الكلاكس البوش على طول ,
و لكن موضوع سرينة الشرطة جه بدون ترتيب و علشان كده قلت قبل ما أركبه أسألكم عليه.