محتار ما بين الجين ٢ و الميجان (مستعمل)

**mada0202** · 11-03-2013 09:14 PM

انا عايز اجيب عربية لاختى اوتوماتيك و رسيت على مودلين
الجين٢ من ٢٠٠٧-٢٠٠٨-٢٠٠٩
الميجان ٢٠٠٦-٢٠٠٧

الرينج اللى معايا ٦٥ الف
بس خايف من الجين ٢ علشان موضوع التوكيل السئ و قطع الغيار اللى مش موجودة و غالية
و خايف من الميجان علشان موضوع الكومبيوتر اللى ممكن يعطل فجأة و العربية تقف و علشان بنت اللى هتسوقها فخايف من الجزئية دى.
يا ريت تدونى رأيكم

**Cabrio** · 12-03-2013 12:40 AM

لو حضرتك من سكان القاهره
اشتري اي من العربيتين مش هتفرق بس المهم توديها اول ما تجيبها التوكيل و تصرف عليها شويه و تعمل الصيانه الدوريه بس تتطمن علي كل حاجه في العربيه ...
العربيه هتطلع من التوكيل متطمن منها - عشان اخت حضرتك تركبها و انت متطمن و تواظب اهم حاجه علي الصيانه في مواعيدها

لكن بخلاف ذلك العربيتين اعتقد نفس المشكله : ارتفاع اسعار قطع الغيار - قلة الصنايعية اللي بيشتغلو فيها

**S O P H O S** · 12-03-2013 02:45 AM

انا راي تفكر فالياريس ..

**holomox** · 12-03-2013 11:43 AM

المشاركة الأصلية كتبت بواسطة s o p h o s

انا راي تفكر فالياريس ..

أنا مؤيد فكرة الياريس

بس عموما لو مصمم على الخيارين دول يبقى الجين تو طبعا عشان ترحم نفسك من مصاريف الميجان
وبالنسبة لقطع غيار الجين 2 فيه قطع غيار مشتركة مع الانسر فمكن تخش منتدى الجين2 وتاخد فكرة وأكيد هتقتنع

**mada0202** · 12-03-2013 11:54 AM

الياريس عالية اقل حاجة ٧٠ الف و اللى معايا بالعافية ٦٥٠٠٠
يعنى انتوا كلكم بترشحوا الجين تو؟؟

**تامر.محمد** · 12-03-2013 12:26 PM

انا لما اتحطيت في نفس الاختيار ده اخترت الميجان , و مازلت بعد سنة و 29 الف كيلو شايف اني اخترت صح
ده لا يمنع ان الجين2 عربية كويسة برده

**تامر.محمد** · 13-03-2013 09:10 AM

اللي بتفصل في نقطة هاتقف من الواحد ولا لأ دي الحالة + الصيانة الدورية

و ارجع و اقول مافيش عربية كبيرة على انها تقف , اللانوس اللي كانت معايا قبلها رغم انها كانت بنت حلال و حالتها كويسة جدا , لكنها على مدار 3 سنين وقفت مني تقريبا مرتين او تلاتة
مرة لما جابت طرمبة بنزين و مرة لما جابت ماستر دبرياج , و مش فاكر فيه تالتة ولا لأ