الموضوع: استفسار هااام لاساتذه بروتون

المشاركة الأصلية كتبت بواسطة yousefsemsem

بص ياباشا اي عربيه مش اختراع يعني واي حد شاطر يشتغل فيها اهم حاجه تشخص العيب صح وتعالجه غير كده هندخل في قصه الفتي وكل عربيه ليها مشاكلها لا اللي معا 128 مرتاح وال اللي معاه بي ام مرتاح فشوف انت ناوي علي ايه وهات العربيه اللي علي مزاجك بالنسبه للي بيشتكو من التوكيل اللي هما بيجيبو زيرو لكن في مراكز بتشتغل فيها والي بيروحو للمراكز بيبقي للحلات المستعصيه اوي يعني وكل حاجه بتتحل
وانا بشتري عربيتي قالولي ما في الخمر ومش هتلاقي ومش هتعرف تطلع منها واللي قلب بيحب يسمه بقي وقررت في ساعتين اتنين والله واشترتها واهي الحمد لله كل حاجه ليها بجبها اهم حاجه اكون متمع بعربيتي وانا راكبها ولو انت من طنطا هتقابل بروتون كتييييييييييييييير اوي زيها زي الفيرنا هنا
بس ساااااااااااااااريييييييت حد يفتح لقطع غيار جديده وتكون متوفرة اوي ليها هي متوفره برضه عند مجدي موتورز بس مش كل حاجه الحاجات المستهلكه بس

ربنا يخليك ريحتنى يا اخ يوسف بص يا سيدي انا من القاهره من عابدين وشغلى هنا بس اتجوزت فى المحله واولادى هناك بنزل هناك تلات ايام كل اسبوع يعنى العربيه بالنسبالى للسفر وبس رايح جاى عشان كده شدنى اوى الجين تو لانها وسائل الامان والثبات فيها بالذات على الطريق ما يقلش عن العربيات الفخمه اللى باضعاف تمنها مقارنه طبعا بالانوس والفيرنا اللى قريبين من تمنها شويه بس طبعا بالنسباله للجين تو علب صفيح .. انا كان معايا اوبل كورسا 98 بس كانت مطلعه عيني ومش حلوه خالص على الطريق وخفيفه جداا وبعتها والحمد لله بس الجين تو فعلا راكبه دماغى اووووووى من حيث كل حاجه حتى شكلها تحفه بالنسبالى وده يمكن لانى بحب العربيات الهاتش باك .. انا بقى يا سيدي حاليا بمر بالمرحله اللى انت مريت بيها بتاعه ان كل واحد يقولى ما في الخمر ومش هتلاقي ومش هتعرف تطلع منها وسوقها وحش والحاجات دى والمشكله انى فعلا ماعنديش حد من اصحابى او الناس اللى بثق فيها راكب جين تو عشان افهم منه .. وانا بيني وبينك برضه مش بحب عك الميكانيكه والصنعيه وبحب اودى العربيه لمراكز الخدمه المعتمده حتى لو هتكلفنى اكتر بس بشرط اى اريح دماغى بعدها وما امشيش من عند الميكانيكي الاقى العيب رجع تانى يوم واروح تانى اضيع وقتى عنده .. فاهمنى ؟ ويمكن ده اللى مخليني مهتم انى اعرف الاماكن اللى لو حصل مشكله لا قدر الله معاه فى العربيه تروحلهم يجيبوا من الاخر .. والمحله ما فيهاش فحبيت اعرف طب طنطا او المنصوره نظامهم ايه .. سورى انى طولت عليك ووجعت دماغك يا باشا

المشاركة الأصلية كتبت بواسطة yousefsemsem

لا مافيش اي تعب ول اي حاجه احنا اخاوت وبنخدم بعض كلنا هنا حضرتك اللي محير نفسك طالما يتروح القاهرة يبقي محلوله في مركز عصام وصفا وامير وجوزسف دول هتعمل عندهم الصيانه الشامله لكن لو اي حاجه تانيه في مكانيكي هنا في طنطا اسمه احمد علام بيشتغل فيهم ده وانت جاي من المحله اول ماتدخل طنطا هتلاقيه علي اليمين محترم وشخصيه كويسه شوف كمان انك جايب عربيه موديل عالي وطبعا هتكشف عليها وبعدين العربيات ديه مش متهانه اوي يعني اللي بيبيع يببقي عاوز يطلع منها بس ده مش بيمنع انك تكشف علي العربيه كووووووووويس وبعدين ماتخفش من حاجه مافيش عربيه بتفتح بؤها اوي يعني الا لما تكون خربانه هههههه وبالتوفيق إن شاء الله وتوكل علي الله وهاتها انا عن نفسي عاوز ابيع واجيب جين تو بس الماديات بقي الحمد لله اهو احسن من غيرنا كتير والله العربيات ديه كويسه اوي من يومين كنت جاي من زهراء المعادي اقسم بالله ماشي مع النترا 2012 160 ويمكن هو كان خايف من ثبات العربيه عنده وعربيتي كانت ممتازه في الثبات بس كان عندي ضعف في الفرامل لغايه لمااجيب ماستر واعدلها إن شاء الله

ربنا يكرمك يا يوسف ونورت المحكمه .. وطبعا احنا اخوات وربنا يرزقك وتجيب مرسديس يا عم مش جين تو .. على فكره انا عارف الحته اللى انت وصفهتالى فى مدخل طنطا واكيد هاسأل عليه واعرف مكانه بالظبط بإذن الله .. انا كنت بتفرج على واحده النهارده 2010 عجبتى اوى بس اتوماتيك وبيني وبينك انا برتاح فى سواقه المانول اكتر عشان كده بفضل انها تكون مانول .. فقرى بقى هههههه .. بس فعلا انا برتاح فى سواقه المانول بحس كده انى انا اللى بتحكم فى العربيه مش هى اللى بتتحكم فيا ههههه .. فيه واحده تانيه 2010 برضه رايح اشوفها بكره وانا كده كده بقول لاى حد بشترى منه قبل اى حاجه هنروح التوكيل نكشف عليها هناك والمصاريف كلها عليا والحمد لله معظمهم بيوافق لكن فيه واحد رفض وقالى هات اى ميكانيكي يتفرج عليها ورفض اننا نروح التوكيل ده خااالص فقلت منه ومن عربيته وخلعت ههههه رغم انها مبدئيا كانت كويسه والله

المشاركة الأصلية كتبت بواسطة yousefsemsem

في واحد في المنتدي هنا اسمه ميدو سليمان بيبيع عربيته هي 2010 بس عربيه ممتازه وفبريكه بﻻه وجوه وعامل تعديلات كويسه فيها دور في منتدي البيع هو طالب 76 فانا مااعرغ سعرهم بالظبط لكن لو ربنا كرمك بيها هتبقي ممتازه بس هطلب منط طلب لو خدتها العربيه ديه وربنا بكتبهالك

يا باشا انت تأمر .. ممكن تبعتلى اللينك اللى هو عارض فيه العربيه يا يوسف .. انا دوخت من كتر ما دورت عليه ههه اكتبى اللينك اسهل

المشاركة الأصلية كتبت بواسطة yousefsemsem

في واحد في المنتدي هنا اسمه ميدو سليمان بيبيع عربيته هي 2010 بس عربيه ممتازه وفبريكه بﻻه وجوه وعامل تعديلات كويسه فيها دور في منتدي البيع هو طالب 76 فانا مااعرغ سعرهم بالظبط لكن لو ربنا كرمك بيها هتبقي ممتازه بس هطلب منط طلب لو خدتها العربيه ديه وربنا بكتبهالك

انا دورت كتير على ميدو سليمان مش عارف اوصل للاعلان بتاعه خالص

المشاركة الأصلية كتبت بواسطة yousefsemsem

هشفهولك حاضر

بص يا باشا انا لقيت الاعلان ده بس على منتدى تانى وبتاع واحد اسمه سامح مش ميدو سليمان ومش عارف ان كان هو ده الاعلان اللى انت تقصده ولا لأ
((سيارة بروتون جين تو موديل 2010 اتوماتك كاملة
جنوط اسبور , حساسات للركنه , الدريكسيون مالتي فانكشن , كاسيت سي دي , عدد اثنين ايرباج
فبريكا برة وجوة , عداد 25.000 كم , صيانة توكيل , اللون ازرق زهري , استعمال بيتي
السعر : 78.000 جم نهائي للجادين.)) .......... المشكله ان الحاج سامح ده لا كاتب تليفون ولا اميل ولا مكان معاينه ولا اى حاجه وانا بعتلك على المنتدى ما ردش عليا مش عارف ان كان بيتكلم جاد ولا واحد بيهزر .. كمان بيني وبينك لو كلامه فعلا صح والعربيه عدادها 25000 كيلو بس وكمان فبريكه بره وجوه تبقى تحفه بس عيبها الوحيد بالنسبالى انها اتوماتيك وانا عاوز مانول ....... قولى انت عندك فيس بوك ؟