ساعه التكيف مكسورة وايه الحل

**gomgom3** · 12-03-2013 04:27 AM

المكيف انتوا عارفين ان الصيف بدء يدخل اهو والدنيا بقيت نار المهم
جت اشغل المكيف لقيته مش شغال لعنت في ام ديه عربيه لاني في اول الشتاء كنت لسه مغير تلاجه وشاحن فريون والرحل قالي اشطه الدنيا 100 % ومفيش اي تسريب المهم
جت اشغل المكيف مفيش خالص الكلاتش مش شغال اصلا ولا اي حاجه رحت الكهربائي قعد يشيك
قالي ديه الساعه مقطومه تحت اها فايه العمل دلوقت انا حاسه بيتشغلني وهي فعلا مقطومه

**Salamonti** · 12-03-2013 10:20 AM

معنديش علم الصراحة لكن شدني الموضوع عشان اعرف يعني ايه ساعة التكييف ؟؟
حد يفيدنا احنا الاتنين بقا :)

**فادى محمد** · 12-03-2013 01:33 PM

ساعه التكييف ؟؟
ممكن
الشجره التحتانيه بيبقي عليها ساعتين تكييف (high pressor valves )
واحد وظيفته الاحساس بدرجه حراره الفريون اللي لو زادت يشغل المروحه سرعه تانيه
والتاني وظيفته ان لو حصل فقد في الفريون بيحس عن طريق قله الضغط فيفصل الكمبروسر
ويشغل المراوح علي السافتي موود
بس الساعتين دول ناس كتير بتلغيهم وتشغل المروحه ع السرعه 2 مباشر
ولو فتحت التكييف في يوم مالقيتش سقعه افصله علطول

**فادى محمد** · 14-03-2013 08:53 AM

لو فصلتهم مفيش اي مشاكل طالما هتشغل المراوح سرعه عاليه مع التكييف من الاول - تاخد بالك لو مره فتحت المكيف مالقيتش فريون افصله علطول
-الجديد كله صيني والاستيراد مش مضمون

**فادى محمد** · 15-03-2013 10:36 AM

المشاركة الأصلية كتبت بواسطة tamermadi

انا كان عندي سويتش من الاتنين دول بايظ الي هو بتاع الضغط الي فيشته مستطيله و اربعه طرف .. فصلته وعملت قفله على الفيشه بتاعته واشتغل التكييف تمام .. بعدها بفتره السويتش ده بقى بيسرب ف اشتريت واحد جديد امبارح وركبته وركبت الفيشه بتاعته تاني وزودت شحن الفريون عشان الشويه الي اتسربو
تغيير السويتش مش محتاج اعادة شحن لأن السويتش بيركب على فالف (ابرة شحن) بتقفل اول ما تفكه
انا ركبته بنفسي كل الي انت محتاجه مفتاح 14
اشتريت السويتش ب 250 جنيه جديد الراجل بيقولي انه ماليزي ... بس مفيش اي حاجه بتدل على كده واضح انه صيني

ده شكل السويتش

مشكور ياباشا

فعلا الجديد صيني
والاستيراد مش مضمون
اللي يحب يلغي السويتشات دي
الافضل انه يطببها بمسامير 13
علشان يريح نفسه من مشاكل تسريب الابره
وعلي اي حال الشحن بيبقي من الابره اللي فوق