الموضوع: عايزين مقارنة بين الرينو الداستر 2011 و السيفيك 2007؟؟؟؟؟؟؟؟؟؟؟؟؟؟؟

من حيث كل حاجة و الاداء الرياضى

المشاركة الأصلية كتبت بواسطة ahmedhassan92

المشكلة ان الداستر لسه تعتبر جديدة فى السوق بالنسبة للسيفيك و حاسس انها شديدة بس السيفيك اكييييد تحفة
المساحة الداخلية تقريبا واحدة و الداستر تزيد فى سعة الشنطة ف كدة هيبقى قوة الموتور و قطع الغيار و التعامل مع التوكيل و اكيد الرأى عن تجربة
و العزل و اعادة البيع

الداستر مش جديده قوى يعنى هى بقالها ٣ سنوات فى مصر : هى واسعه من جوة ما شاء و عفشتها ممتازه بتاعه اكس تريل و العزل فيها جيد جدا و استهلاكها للبنزين كويس قوى و عاليه عن الارض بحيث ما تحكش فى اى مطب و دة من الاختلافات الرئيسيه بينها و بين السيفيك اللى هتتعبك من المطبات بالذات العشوائيه منها. موتورها مناسب لحجمها و بيسمح لها تشتغل جر رباعى و لو حد ما يعرفش فيها صعب انه يصدق انها ١٦٠٠ سى سى و ١٠٥ حصان فقط و بتعمل كده. من الفروق الرئيسيه غير الارتفاع عن الارض اللى لازم تاخد بالك منها ان الداستر فتيس مانيوال فقط فلو الموضوع ده هيتعبك يبقى مش هتنفع معاك.

قطع الغيار متوافره و اسعارها زى اسعار العربيات الزيرو العاديه و ارخص من السيفيك طبعا و التوكيل محترم جدا (بالمناسبه توكيل رينو و كيا مع نفس الشركه ) و بالنسبه لسعر اعاده البيع هيبقى افضل شويه لصالح السيفيك علشان الانتشار بتاعها اكبر و أيضاً لان الداستر مانيوال و ناس كتير بتفضل الاتوماتيك علشان الزحمه. بصفه عامه لا يوجد عندى اى تعليق سلبى على الداستر من واقع الاستخدام . السيفيك زى ما قلت لحضرتك لا غبار عليها كسياره سيدان سواء موتور او ثبات او صالون شيك و تبقى مناسبه لهواه الجرى مع الحفاظ على الامان لكن مشاكلها قربها من الارض و ارتفاع اسعار قطع غيارها وان كانت بتعيش طبعا إنما هى مش رخيصه لا فى مصر و لا فى اى حته تانيه