مساعدة فى شراء شيروكي موديل تسعينات

**eleanor** · 15-03-2013 03:40 AM

المشاركة الأصلية كتبت بواسطة m!na

ماهو الشاسيه العلب في العربيات اللي زي الشيروكي بيكون جزء من العربية و مشابه جدا للشاسيه الفردتين

هقولك على طريقة سهلة عشان تعرفهم

لو نزلت تحت أي عربية شاسيه علب... زي النص نقل أو الرانجلر

هتلاقي مسامير شاسيه.... بيكونوا حوالي 9 (4 في كل ناحية و مسمار نص قدام خالص)

لو حليت كل المسامير دول... نقولك مبروك... الكابينة كدا باقت حرة :d

يعني تقدر تشيلها و تركب كابينة تانية عادي جدا....

أنا كنت بحلهم بنفسي عشان أركب قواعد كوروسليه (كاوتش)

أما بالنسبة للشيروكي... فالشاسيه جزء لا يتجزأ من الكوروسليه....

هو في الصورة عامللك highlighting على الأجزاء المقواه من الداخل عشان يبينلك منطقة الشاسيه فين....

زي بالظبط الصورة ديه...

أهو ده شاسيه عربية تويوتا كورولا (ملاكي عادية خالص)

بس الرسمة... عامللك فيها highlight على الأجزاء المقواه...

http://www.smcars.net/forums/attachm...83-chassis.jpg

أرجو أني أكون قدرت أوصللك الفكرة.... :)

يا باشا ده شاسيه مش علب العلب بيبقى زى الفيات 127 عباره عن 4 علب وبيتلحمو فى بعض لكن ده شاسيه بغض النظر انه منفصل من الكبينه او ماسك فيها

**M!NA** · 15-03-2013 04:16 AM

المشاركة الأصلية كتبت بواسطة eleanor

يا باشا ده شاسيه مش علب العلب بيبقى زى الفيات 127 عباره عن 4 علب وبيتلحمو فى بعض لكن ده شاسيه بغض النظر انه منفصل من الكبينه او ماسك فيها

مش بالضرورة العلب يكون هو النموذج اللي موجود في ال128....

لأن زي ما هو موضح شاسيه الكورولا شبيه بالشاسيه الفردتين

كمان فرق كبير بين الشاسيه العلب بتاع الملاكي ... و بين الشاسيه العلب بتاع الفور باي فور....

باختصار شديد....العلب معناها جزء لا يتجزأ من السيارة

الفردتين أو الframe chassis أو كما يطلق عليه في اللغة الدارجة ladder chassis نظرا لأنه شبيه بالسلم الخشبي....

ده الرابط الوحيد بينه و بين الكوروسليه هو المسامير.... و دمتم....

هي ديه الأنواع المعروفة من الشاسيهات (طبعا بخلاف الحاجات السبيشيال...يعني اللي نزلت في عربية موديل معين زي مثلا الفولكس البيتلز القديمة و اللي مبنية على شاسيه برقبة)