الموضوع: مساعدة فى شراء شيروكي موديل تسعينات

[overline]السلام عليكم ورحمة الله وبركاته [/overline]

أخيكم أحمد زميل بالمنتدي من قسم سكودا

بفكر جدياً أغير العربية بتاعتي وكنت عاوز أجيب عربية شيروكي

موديل التسعينات
وعاوز أعرف الاتي

1- حابب أعرف معلومات عنها من حيث قطع الغيار ومدي توفرها
2- مميزات وعيوب السيارة
3- من ناحية صيانتها هل أى ميكانيكي وكهربائي يشتغل فيها
4- هل يمكن تحويل السيارة للعمل بالغاز وأخبارها اية مع الغاز مع العلم واحد صاحبي قاللي اسطوانة الغاز الكبيرة بتعمل أقل من 120 كيلو لكل تفويلة
5- ياتري العربية ضيقة من جوة زي ماشفت فى احدي السيارات
6- هل عفشة السيارة ناشفة فعلا
7- ياتري لما اشتري عربية 2400 سي سي مثلا هكون خرجت برة دعم البنزين
8 - ياتري ممكن تمش عادي ببنزين 80

أسف على الاطالة
بس بصراحة العربية دي دخلت دماغي لابعد الحدود كونها عالية عن الارض وتستحمل شوارعنا المكسرة
والاهم من دة مع الزحام الشديد فى كل مكان انا لو راكبها مش هكون خايف من سائقي الميكروباص والتكاتك ودي نقطة بالنسبالي غاية فى الاهمية

أشكركم جميعا على سعة صدوركم ومنتظر تعليقاتكم ومشاركتكم