1- الشارع يعتبر منفعة عامة للجميع وليس لأحد أن يستولى ويغتصب مكانا ليس من حقه حتى لو كان أمام منزله. فإذا ما فعل هذا الفعل فى كل الشوارع فكيف تستطيع انت يا من فعلت ذلك أن تجد مكانا تركن فيه سيارتك عندما تتحرك بها.
1- الشارع يعتبر منفعة عامة للجميع وليس لأحد أن يستولى ويغتصب مكانا ليس من حقه حتى لو كان أمام منزله. فإذا ما فعل هذا الفعل فى كل الشوارع فكيف تستطيع انت يا من فعلت ذلك أن تجد مكانا تركن فيه سيارتك عندما تتحرك بها.
2- فى صحيح البخارى عن سعيد بن زيد رضي الله عنه: أن رسول الله صلى الله عليه وسلم قال: (من اقتطع شبراً من الأرض ظلماً طوقه الله إياه يوم القيامة من سبع أرضين) متفق عليه. يعني يجعل هذا الجزء من الأرض وما تحته إلى آخر الأرض السابعة طوقاً في عنقه.
وكذلك في الصحيحين: أن رسول الله قال: من اقتطع حق امرئ مسلم بيمينه فقد أوجب الله عليه النار وحرّم عليه الجنة قيل: يا رسول الله وإن كان شيئا يسيرا؟ قال: وإن كان قضيبا من أراك.
3- فيه اعتداء على حق الجار : فى الصحيح أن النبي صلى الله عليه وسلم قال والله لا يؤمن والله لا يؤمن والله لا يؤمن قيل من يا رسول الله قال الذي لا يأمن جاره بوائقه ،روى أبو هريرة رضي اللَّه تعالى عنه عن النبي صلى اللَّه عليه وسلم "لا يزال جبريل يوصيني بالجار حتى ظننت أنه سيورثه".
عن عبد اللَّه بن مسعود قال: قال رسول اللَّه صلى اللَّه عليه وسلم " والذي نفسي بيده لا يسلم عبد حتى يسلم الناس من قلبه ولسانه ويده، ولا يؤمن عبد حتى يأمن جاره بوائقه. قلنا يا رسول اللَّه وما بوائقه؟ قال غشه وظلمه " .
عن أَبِى هُرَيْرَةَ رضي الله عنه قَالَ: قَالَ رَسُولُ اللَّهِ صلى الله عليه وسلم (مَنْ كَانَ يُؤْمِنُ بِاللَّهِ وَالْيَوْمِ الآخِرِ فَلاَ يُؤْذِ جَارَهُ).
4- فيه اعتداء على حق الضيف الذى يأتى زائرا فلا يجد مكانا لسيارته فى حين أن كل الأماكن شاغرة ولكنها مغتصبة ممن أرادوا أن يأمنوا سيارتهم ويتركوا غيرهم يعانون من عدم وجود مكان لهم
5-فيه من الأثرة (الأنانية) ما فيه. فما هذا القبح أن تهتم بما تملك ولا تهتم بممتلكات الآخرين فالأَثَرة اصطلاحًا: أَنْ يَخْتَصَّ الإنْسَانُ نَفْسَهُ أَوْ أَتْبَاعَهُ بِالمَنَافِعِ مِنْ أَمْوَالٍ وَمَصَالِحَ دُنْيَوِيَّةٍ وَيَسْتَأْثِرَ بِذَلِكَ فَيَحْجُبَهُ عَمَّنْ لَهُ فِيهِ نَصِيبٌ أَوْ هُوَ أَوْلَى بِهِ ، عن أنس بن مالك رضي الله عنه عن النبي صلى الله عليه وسلم قال: (لا يؤمن أحدكم حتى يحب لأخيه ما يحب لنفسه) متفق عليه.
6- الظلم ظلمات يوم القيامة ، عن عبد الله بن عمر رضي الله عنهما عن النبي صلى الله عليه وسلم قال (الظلم ظلمات يوم القيامة). واتق دعوة المظلوم ، فإنها ليس بينها وبين الله حجاب فكم تأخذ من دعوات عندما يريد الناس أن ينتفعوا بمثل ما انتفعت به فلا يستطيعون.لا تظلمنّ اذا ماكنت مقتدراً ، فالظلم آخره يأتيك بالندم
نامت عيونك والمظلوم منتبه ، يدعو عليك وعين الله لم تنم
7- عدم الإغترار بكثرة من يفعلون ذلك قال تعالى : (وَلَنْ يَنْفَعَكُمُ الْيَوْمَ إِذْ ظَلَمْتُمْ أَنَّكُمْ فِي الْعَذَابِ مُشْتَرِكُونَ) .
وقال الله تعالى (وَكُلُّهُمْ آتِيهِ يَوْمَ الْقِيَامَةِ فَرْدًا)
أما والله إن الظلم شؤم ............ وما زال الظلوم هو الملوم
إلى ديان يوم الدين نمضي ............ وعند الله تجتمع الخصوم
ستعلم في المعاد إذا التقينا ............غداً عند المليك من الظلوم
:plusone2::plusone2::plusone2:
معجب جدا
هى دى مشكلتى لدرجة ان المدام بتقولى نعمل زيهم ونحجز مكان وانا معارض جدا وحاسس ان دى حاجة مش من حقى ..بس بقيت حاسس ان انا الوحيد اللى بيفكر كده..خاصة وانها بقت موضة ..انا حاسس انهم قسموا الشارع وما كنتش موجود وكل واحد خد حتة
جزاكم الله خيرا على مشاركتكم
أقترح عليكم كما سأفعل بإذن الله أن أذهب لأئمة المساجد التى فى المنطقة وأعرض عليهم الأمر وممكن تطبعوا ما جاء فى هذا الموضوع على أن يقولوه للناس بعد جلسة الإستراحة حتى يكون كل الناس المتأخرين للأسف عن الخطبة وصلوا
وأنا عن نفسى بدأت بفعل ذلك بإبلاغ إمام المسجد الكبير الذى بالمنطقة ورحب جدا واستاء كثيرا ممن يفعلون ذلك فكونوا ايجابيين ولأن يعلم أحدا بذلك فيمتنع خشية من الله فإن ذلك سيكون فى موازين الحسنات بإذن رب الأرض والسموات
جزاك الله خير على هذه المداخلات القيّمة, و التي أصّلت فيها عوار مثل هذا السلوك من الناحيتين الدينية و السلوكية, و لكن فاتك أن تضيف أن هذه البلد التي نعيش فيها سلمتنا لبعض ..اللي عايز يعمل حاجة يعملها...منذ أن سمحت لملاك العمارات ان يحولوا الجراجات الى مخازن..ثم سمحت بحجز الاماكن بهذا الشكل دون عقاب ...و وضعت الناس في مواجهة بعضهم البعض...نحن نعيش في دولة...
تحياتي
تحياتى لسيادتك وللأخوة الأفاضل
أجد ايها الأحبة أنه شئ فعلا مستغرب ان من يفعل ذلك ممكن يعيب على الناس اللى بتسرق البلد واللى مش بيراعوا ربنا وهو لو فكر سيجد أنه سرق ما استطاع ان يسرقه ولا حول ولا قوة الا بالله العلى العظيم
جزاك الله خير يارابح بك
اقتباس:
المشاركة الأصلية كتبت بواسطة alrabeh
ده حتى المساجد بقوا يعملوا حواليها مواسير حديد فى الارض وطوب
البارح كنت في المعادي عند باباجونز اللي في شارع النصر والناحيه التانيه في صالة سيارات وطبعا شاغل الرصيف اللي الناس بتمشي عليه وكمان موقف عربيات تبعه في الشارع قدامه وزميلي كان معاه عربيه وركبنها في مكان فاضي والواد طالع من الصاله يقوله متركنيش هنا وعمال يرغي كتيير ويقوله دي صاله ومش عارف ايه
في الأخر زميلي مرضيش يحركها وانا قلت للواد في عربيات واقفه اهي قالي دي تبع المعرض
قلتله خلاص اعتبر دي كمان تبع المعرض وسبته ومشيت
حتي عند البيت عندي لقيت جنب العماره في واحد نجار وبيجي بعربيه وعاملها حديده عشان محدش يركن فيها ومعظم الوقت اصلا مش بيجي بالعربيه
يعني سيادته عامل حديده عشان لو جاله مزاج في يوم من الأيام يجي بالعربيه يبقي يركن
الاحاديث والايات اللى في الموضوع من وجهة نظرى بتنطبق على الاتى
الناس اللى بتحط حديد في الشارع ( ودا الهدف الرئيسي للموضوع واللى انا منهم )
وكمان الناس اللي بتركن عربياتها ادام مداخل العمارات وتسدها
والناس اللى بتسد مداخل المخازن والمحلات وميرضوش يشيلوا عربياتهم لما تكون جايب عربية فيها بضاعة وعايز تدخلها المخزن
والناس اللي لما الشارع بيبقي المجارى طفحة فيه والاهالي بيحطوا تراب على الجانبين علشان الناس تعرف تمشي ويروحوا راكنين في المكان اللى المفروض الناس تمشي فيه وتيجي تقولهم يقولولك امال اركن في المية
والناس اللى عندها عربيتين بيستخدم واحدة والتانية مركونة في نفس المكان بالشهور بدل ما يسيب المكان لحد ضيف او حد بيرجع من الشغل متأخر ودى تعتبر زى الحديد والعن
وبالنسبة للمسئولين عن المساجد معتقدش هيقدروا يحلوا المشكلة لانهم هما شخصيا حاطين حديد ادام المسجد علشان برضه ناس معندهاش دم بيركنوا ادامه ويسدوا مدخل بيت ربنا
بصراحه الواحد كان فاكر انه بعد الثوره البلد هتبقى مش فيها اى سلبيات ولو بسيطه
بس بصراحه الموضوع ده مش هيتحل الا لو كان فيه جهاز شرطه قوى زى الامارات على الاقل
لو حصل اتنين عملوا حادثه بالعربيه تتصل برقم الشرطه اقرب دوريه تيجى لحد عندك فى دقايق على ما أسمع
وكل واحد يصلح على حساب تأمين التانى ولا تحصل خناقه ولا مشاكل. برضوا موضوع حجز مكان للركنه بسلسله واللى يجى يقولك متركنش هنا الموضوع ده مش هيتحل الا من خلال الشرطه وتطبيق الغرامات زى موضوع مترو الانفاق بدأو بتطبيق الغرامه على كل من يرمى اى شىء على الارض لحد الناس ما اتعودت على كده.
وربنا يكرم وحال البلد ينصلح
المشكلة ان كل واحد شايف انه مش هوه المشكلة ... فى الا دولة كل واحد بيعمل اللى هوه عاوزه وشايف انه الصح وكل الناس التانيه غلط
Sent from my GT-S6500D using Forum Runner
اكثر حاجه تتنرفز لما تلاقي صاحب محل حاطت حجاره او حديد ومش عايز حد يركن
طيب انا واحد من الناس اللى حاطط حديده بس انا مش شايف انى غلط ود لعده اسباب
1- قدام باب الجراش اللى فيه عربيات العماره والحديده مش بسلسله
2-بالرغم من الحديده بننزل بنلاقى عربيه واقفه وساده الجراش ومش بنعرف نتحرك
3-اللى خلانى اعمل الحديده انى كاتب جراج ممنوع الوقوف وبيجى ناس وتركن وتعمل عبيطه
4-امى تعبت قبل كده ومعرفتش اوديها للدكتور علشان بسبب واحد راكن قدام الجراج
علشان البرود كتر والبلطجه وقله الادب كتروا وللاسف لما تيجى تتكلم مع حد يقولك يعنى خارج دلوقتى لما تيجى خارج ابقى دور عليا يبقى ده اسمه كلام
اعتقد اللي صاحب الموضوع يقصده هو الناس اللي بتحط حديد وطوب قدام المحلات وفي اي حته في الشارع عشان تبقي محجوزه باسمهاقتباس:
المشاركة الأصلية كتبت بواسطة eleanor
لكن طبعا اني احط حديده قدام باب جراج فده شيء لازم عشان مينفعش حد يقف قدامه ويحجز كل الناس اللي راكنه جوه
جزاك الله خيرا - بس للأسف الصح بقى عيب و الغلط بقى شطارة و البلطجة سيدة الموقف
فعلا ده اللى انا اقصدهاقتباس:
المشاركة الأصلية كتبت بواسطة shaddadfalcon1
بلغوا الحي و هو بعد 10 مكالمات هيجي و يشيلهم كلهم