الموضوع: الى المتسائلين عن الكورولا الافريقى الاحباب اليكم فصل الخطاب

المشاركة الأصلية كتبت بواسطة makram555

شكرا جزيلا علي المعلومات القيمه بس عايز استفسر عن فائده الشفت السالب الموجود في الدركسيون وعصا الفتيس اذا مثلا لو كنت علي الرابع وضغط فرامل فجاه لوجود مطب امامك فستجد السرعه تهبط اوتوماتيكيا بدون الحاجه الي الشفت السالب

طبعااا
لما تدوس فرامل النقلات بتنزل

المشاركة الأصلية كتبت بواسطة makram555

الرجا الرد علي هذا السؤال

معلش يامكرم ان كنت اتاخرت فى الرد على سؤالك وتحت امرك فى اى سؤال
بالنسبة للشفتات مفيش شركة او حد بيعمل حاجة من غير لازمة انت لو راكب عربية مانيوال ودست فرامل من السرعة الرابعة مثلا وبدات تشد تانى طبعا مش معقول حتطلع على الرابع لكن الثانى ان لم يكن الاول هى دى بالضبط وظيفة الشفتات لانها بتشتغل فى وضع المانيوال فقط الفرق الوحيد بينها وبين المانيوال المعروف انك لو ماشى اوتوماتيك ودست على شفت منهم فنمط القيادة بيتحول مانيوال تلقائيا فان سحبت العصا ناحيتك يصبح التحكم لك بالكامل وان لم تفعل وتركت العصا فى حارة الاوتوماتيك فان نمط القيادة يرجع اوتوماتيك مرة اخرى والحركة دى مفيدة جدا اثناء تجاوز سيارة اخرى اوصعود مرتفع بقوة وسرعة-------
ارجو ان اكون قدرت اوضح الفكرة ---خالص تحياتى

المشاركة الأصلية كتبت بواسطة sharky

كلام واقعى جدا
مع إحترامى انا بجيب العربية إللى تريحنى فى السواقة مش إللى تغصبنى على طريقة معينة للسواقة علشان أتلافى حاجات فى الفتيس





و هو إللى بيجيب أتوماتيك بيبقى عايز يحس بالنقلة برضه أمال جابها اتومتايك ليه !!!

الكلام دا تلاقيه فعلا فى الفتيس الستب ترونيك يديك إحساس الأتوماتيك العادى عند النقل على D بدون الإحساس بنتشة النقلات و يديك إحساس المانيوال عند النقل على المانيوال لكن M-MT ما بيديش الإحساسين

مع إحترامى لو فتيس الكرولا نفس فكرة فتيس الأسترا فأنا غير معجب بهذا الفتيس لإنى قمت بتجربة الأسترا و كانت مزعجة جدا بالنسبة لى موضوع الإحساس بنتشةو التأخير لمدة ثانية أو ثانينت لكل نقلة فى الفتيس

و أخيرا ربنت يبارك لصاحب التقييم على سياراته

-------------------------------------------
الله يبارك فيك ومتشكر جدا بس هى سيارة واحدة مش سيارات

المشاركة الأصلية كتبت بواسطة ramylancer

ممكن اسأل الاستاذ surgeon1 سؤال بخصوص الكورولا الجنوب افريقى .عند مقارنتها بأخواتها اليابانيات امثال السيفيك والمازدا 3 واللانسر EX و الامبريزا هل ستكون الكورولا منافس قوى لتلك السيارات وتتفوق على بعضهم او كلهم ام انها لا تستطيع منافستهم وتلك السيارات اعلى منها فى الجوده والاداء والعمر؟

------------------------------------------
استاذ رامى اطيب تحياتى
انا كتبت تقرير عن الكورولا فى قسم التويوتا وليس فى قسم المقارنات وحاولت بنسبة 100 فى 100 ان اكون محايدا وكررت فى معظم ردودى ان انا لست محاميا لتويوتا ولا متعصبا لسيارتى ولامتحاملا على اى سيارة مثل عاشق الميجان والكاره للكورولا باى مبرر ومثل الكاره للسيارات اليابانية جميعا وييفضل عليها الاوروبية وخاصة الشاهين ومثل اخى ابو عبد الله المحب لكل موديلات التويوتا (وبصراحة عنده حق)ومن هذا المنطلق ساجيب على اسئلتك
اولا:لم اختبر كل السيارات المذكورة حتى احكم عليها
ثانيا:هناك مواقع كثيرة جدا تطرح مقارنات بين السيارات وخاصة فى الفئة الواحدة وانا وانت والجميع نقرا تلك المقارنات ونتاثر بها
ثالثا:هناك شبه اتفاق بين نقاد السيارات على ترتيب السيارات اليابانية فيضعون الهوندا سيفيك فى المركز الاول ثم الكورولا بفارق بسيط ثم الامبريزا فالمازدا 3 واخيرا اللانسر(بدون زعل) ولكن رائى انه ليست هناك سيارة جيدة على الاطلاق واخرى سيئة على الاطلاق فلكل سيارة جوانب تتميز بها واخرى تؤخذ عليها فالتويوتا اعتمادية وراحة ونعومة وسعر اعادة بيع جيد مقابل شكل مختلف عليه وعدم تقبل فكرة الفتيس الجديد وافتقارها لبعض الكماليات الموجودة فى بعض المنافسات --السيفيك شكل خارجى جميل وداخلى مستقبلى ببساطة واداء ممتاز ونعومة مقابل قطع غيار غالية الثمن وخلوص منخفض ونقص كماليت واعادة بيع غير مرضية--الامبريزا اداء رياضى وخاصة الدفع الرباعى (الوحيدة فى فئتها 4×4) وشكل رياضى ايضا وعدم انتشارها وجودتها مقابل اعادة بيع سيئة جدا -لندرتها- وغلو قطع الغيار وعدم توافرها ومحدودية مراكز الخدمة وتمركزها تقريبا فى القاهرة فقط---المازدا جميلة وجيدة الخامات وشبابية وعيوبها مثل السوبارو ---اللانسر شكل رياضى شرس مقدمة هجومية اتساع داخلى سعر اعادة بيع جيد مقابل افتقاد الراحة(عفشة رياضية) صوت عالى للموتور تابلوه فقير مؤخرة لاطعم لها ولا تتماشى مع المقدمة---واخيرا راى شخصى ارجو الا يضايق احدا واضطررت لكتابتة لاثبت ان لا احد قادر وبثقة على القول بنتيجة المنافسةمع خالص تقديرى لكم
م




9

[edit] Marketing names

• Sport Shift- Toyota Celica GTS
• Quickshift - Renault
• 2-tronic - Peugeot
• Allshift, Twin Clutch SST - Mitsubishi
• Easytronic - Opel
• Durashift EST - Ford
• Dualogic - Fiat
• MultiMode, SMT (Semi Manual Transmission) - Toyota
• i-SHIFT - Honda
• Sensonic or ACS - Saab
• SensoDrive or EGS or BMP - Citroën
• Speedgear - Fiat
• Selespeed - Alfa Romeo, Fiat
• Softouch - smart
• Sportronic - Mitsubishi
• Sportshift - Aston Martin
• Duo Select - Maserati
• Automatic Stickshift - Volkswagen
• Sequentronic - Mercedes-Benz
• SMG/SSG - BMW
• S-Tronic - Audi
• Twin Clutch SST - Mitsubishi
• DSG (Direct Shift Gearbox) - SEAT, Skoda Auto, Volkswagen
• DCT - Volkswagen, Bugatti, Koenigsegg
• E-Gear - Lamborghini
• PDK (Porsche Doppelkupplungen)/Sportomatic (Clutchless manual pre-1969) - Porsche
• AMT (Automated Manual Transmission) - Proton (company)
• Hydrak- Mercedes-Benz

[هذه بعض الاسماء تنفس فكرة فتيس الكورولا فى شركات كبيرة ومشهورة مثل مرسيدس وبورش ولامبورجينى والمصادر موجودة لمن اراد الاطلاع على الموضوع بتوسع

المشاركة الأصلية كتبت بواسطة hazem_khidr

دا لما بيكون بيفكر
مش اي كلمتين بيسمعهم يقولهم و خلاص;)

لا حول و لا قوة الا بالله.... عموما انا فعلا اللي غلطان و مش هكرر غلطتي تاني.