السكوت وعدم الشكوى هو اللي بيخللي الكائنات دي تنمو وتتكاثر
عرض للطباعة
السكوت وعدم الشكوى هو اللي بيخللي الكائنات دي تنمو وتتكاثر
عادي جدا...
انا راجل متجوز بره البلد وجايب عقد زواج موثق من السفارة المصريه..
رحت الأحوال عشان احول القيد بتاعي من اعزب لمتزوج واخلص إجراءات الورق...
الموظفه تقولي هتاخد عقد الزواج الاصلي!!
بقولها ده عقد وورقة رسميه صادرة عن دوله تانية حضرتك تاخديها ليه وهتعملي بيها ايه؟؟
قالتلي القانون متعلق عاللوحه ومكتوب فيه..
رحت قريت ام اللوحه مفيهاش بند سحب وثيقة الزواج الأصلية!!
رجعتلها قلتلها هو في لوحه غير دي؟؟ قالت لا..
قلتلها مفيش عاللوحه ما يفيد وانا عايز اخلص الإجراءات قالتلي مليش فيه وخش للظابط...
رحت الظابط وانا قلت اكيد شخص بيفهم امال بيدير احوال مدنية العباسية ازاي...
يافندم كذا كذا...
اه لازم ناخده حضرتك!!
انا يا بيه انا بروح البلد التانية وده ورق ضروري ومش من حقك تاخده ويكفيك صوره وتتطلع عالاصل الموثق من السفارة...
قال لا مينفعش...
ومشيت وكلي غضب ونقمه على ام الغباء...
اظطريت استنى 6 شهور وجه والد زوجتي وروحنا اتجوزنا من جديد يعقد زواج جديد بغباء وروتين جديييد وبفلوس كتير جديد والقاضي يسألني هل سبق لك الزواج واقوله ابدا...
كل ده عشان اطلع عقد زواج مصري لانهم مرضيوش يطلعو بناءا عالعقد الموثق اللي معايا وكل ده عشان بطاقتي تبقى متنيل واقدر امنح زوجتي الجنسية!!
طبعا بعد هذا العناء قلتلها انتي عايزه الجنسيه دي ليه؟؟
سييييييييبك...
والحمد لله لازلت اعزب في البطاقه...
تحياتي
Sent from my SE Arc S using Forum Runner
حازم اللى عملته متوريهوش لحد لان ممكن يتقالك انك اثبت بيان غير صحيح فى الوثيقة وهو عدم الزواج والكلام ده عرفته من مفتش احوال مدنية
واطلب الغاء المشاركة دى اصلا
سيدى الفاضل هناك طقوس معينة للتعامل فى المصالح الحكومية ... وخصوصا الشهر العقارى .
1- لازم ترسم إبتسامة عريضة على وشك لا تفارقك وتكون كلمة حاضر يافندم دايما سابقة على لسانك .
2- قبل ما تروح الشهر العقارى بيوم بتكون محضر فكة معاك من فئة الخمسة والعشرة جنيه .
3- لما يسعدك زمانك بقى وتدخل على الموظف تكون مجهز الورقة اللى مكتوب عليها صفر + واحد وتغمزه بيها مع إبتسامة إستعطاف حتى لو ورقك كله سليم ومافيهوش الهوا (هذا الإجراء بيكون له فاعلية السحر عند إستقبال الموظف لك) .
4- لا تكثر من الجدال مع الموظف ولو لقيته حيقلب غير الطريقة على طول واعمل فيها كوميديان بلذاذة .
تحياتى
إبتسم فانت في مصر , وتتعامل مع موظفي الحكومة المصرية
يعني من الأخر قبل ماتدخلهم تركن أعصابك و عقلك بره عشان تعرف تتعامل مع الكائنات دي
الحمد لله انك خلصت على خير .... اتقل مشوارين على قلبى بى البلد ال ............ دى ... ولا بلاش هههه هما مشوار المرور و مشوار الشهر العقارى
ربنا يرحمنا برحمته