يا حبيبتي يا سيريون!

ماحدش يضحك.. ماشي؟ :hammer:

أصلي باحبها من زمان.. و متعلقة بيها اوي.. لما باشوفها ماشية في الشارع قلبي بيتخطف.. من ساعة ما حلمت انها تكون من نصيبي و لحد دلوقتي بتخطف عيني السيريون وهي ماشية.. من شهر 12 اللي فات و من ساعة ما قريت عنها هنا في المنتدى و شفت صورها ع النت و أيامها كنت بحاول أشوفها في الشارع و مش باشوف واحدة ماشية في الشارع إلا كل فيييييييييييين و فين.. و ساعتها عملت موضوع مخصوص اسمه هو ليه مافيش ولا سيريون في شوارع القاهرة؟

أيامها كنا بندخل انا و أعضاء معدودين نتكلم في السيريون.. و كنت كل ما أشوف سيريون في الشارع آجي في الموضوع و اعمل فرح ان هييييييييييه شفت سيريون في الشارع النهاردة :banana:

اما دلوقتي بسم الله ما شاء الله.. عدد مالكي السيريون بيزيد يوم عن التاني و بأه عادي اني أشوف ييجي 5 سيريون في المشوار الواحد.. بس برضه كل مرة شكلها بيخطف قلبي خطف :wub:

قلنا امنعوا الضحك :ANSmile13:

ايه بأه مناسبة قصيدة الغزل دي في السيريون؟ أصلي روحت المعرض النهاردة عشان اسأل على حاجة.. شفتها.. سيريون GLX حمرا.. لقيتني من غير ما أحس منجذبة لها و باركبها.. زي ما يكون مغناطيس بيشدني ليها.. حسيت ساعتها اني باحب البتاعة دي أوي :wub:

برضه مافيش فايدة.. سامعة صوت ضحك :004-005:

راجعة من المشوار مبسوطة.. خصوصا اني قربت استلم خلاص.. انما في نفس الوقت داهمني احساس بالضيق.. ليه بأه؟ ثواني و راجعة اقول لكم حالا :)

تعلقي الشديد بالسيريون حسسني بإحساس غير مريح.. فكرت ساعتها فعلا انه مش صح ان الواحد يتعلق اوي كده بحاجة دنيوية زائلة.. يعني التعلق بالأشياء ده شئ مخيف.. طيب ماذا لو فقدتها بعد ما امتلكتها؟.. هاعمل ايه لو لقيتها مرة واحدة ضاعت مني؟.. عايزة أتعامل معك كل حاجة في الدنيا دي على اساس انها ماشية و انا كمان ماشية.. يمكن كمان كل حاجة وكل حد.. يعني التعلق الزائد بأي شئ أو أي حد مش صح.. مش صح ان الإنسان يستمد سعادته أو سبب وجوده من وجود شئ او حد في حياته.. أيا كان هذا الحد إبتداء من الأم و حتى رفيق الحياة و الأولاد.. عشان لو فقد الحاجة دي أو الحد ده ما يصابش بصدمة الفقد و يفقد صوابه و ربما إيمانه.

يمكن الكلام ده يكون كبير شوية على حتة عربية او مبالغ فيه.. انما خاطرة جت في بالي و خلتني فعلا مش عايزة أتعلق بحاجة اوي كده.

بس برضه باحب السيريون و متهيألي برضه و هي معايا هاحبها أكتر و أكتر.. و لا ممكن على فكرة شوية كده و ألفها و اتعود عليها زي اي حاجة في الدنيا.. بتاخد زهوتها و بعدين تنطفي و ننسى أصلا انها معانا.

معلش يا جماعة.. شوية أفكار ملخطبة كده بس حبيت أسطرها في منتدانا الحبيب.. فاستحملوني :)

أولا : :rofl4::smilielol5: :biggrin24:
ثانيا: ألف مبروك و ربنا يكملك بعقلك يا باشا

يا حبيبتى يا سيريون :rofl4:
انا كنت حعيط وانا بقرأ الكلام ده هههههههه
انا لو مكانك لما ركبتيها فى المعرض كنت قولت للراجل هات المفتاح ودورتها وجريت بيها :driving:
عامل زى ما يكون بتفرج على فيلم لشادية لطفى :tt2:
مين شادية لطفى دى مش عارف :flirt:

لوووووووووووووووووووووووو ووووووووووووووووووووووووو ووووووووووووووووول

جامدين انتو..............................زز

بعد الحصول على الشيء تخبو نيران الأشواق رويدا رويدا... حتى تنطفيء :)

:nopity:

شيكو سبقني ......عموما ..
بداية : :rofl4::yes::smilielol5::smilielol5::smash::laugh6 ::laugh6::clown::rofl::rofl:
ثانيا .. ربنا ييسر لك الامور و تستلميها علي خير .. و نبقي ناخد بيها لفة ..
ثالثا ..

اقتباس:

---

تعلقي الشديد بالسيريون حسسني بإحساس غير مريح.. فكرت ساعتها فعلا انه مش صح ان الواحد يتعلق اوي كده بحاجة دنيوية زائلة.. يعني التعلق بالأشياء ده شئ مخيف.. طيب ماذا لو فقدتها بعد ما امتلكتها؟.. هاعمل ايه لو لقيتها مرة واحدة ضاعت مني؟.. عايزة أتعامل معك كل حاجة في الدنيا دي على اساس انها ماشية و انا كمان ماشية.. يمكن كمان كل حاجة وكل حد.. يعني التعلق الزائد بأي شئ أو أي حد مش صح.. مش صح ان الإنسان يستمد سعادته أو سبب وجوده من وجود شئ او حد في حياته.. أيا كان هذا الحد إبتداء من الأم و حتى رفيق الحياة و الأولاد.. عشان لو فقد الحاجة دي أو الحد ده ما يصابش بصدمة الفقد و يفقد صوابه و ربما إيمانه.

---

تأييد تام .. و الكلام ده بيفكرني بكلام مشابه كنا بندردش فيه قبل كده ....
مبروك مقدما ان شاء الله .. :)

فعلا انا برده متهيألي كده انك بمجرد امتلاكها حبك الجامد ليها ده حايهدي شوية انا برده كنت زيك بحلم بالفيرنا وبنام وبصحي علي صورتها و كنت مجمع كل اعلاناتها اللي في الجرايد وكان نفسي الايام تطير علشان استلمها وفعلا بمجرد اني استلمت المفتاح لقيت لذة الانتظار دي راحت خلاص ومع اول خبطة ليها كرهت العربيات وسنينها السوده عموما الواحد مش المفروض يتعلق بالعربية اوي دي في الاول او في الاخر حتة حديد ومسيرك يجيلك يوم وتزهئي منها وتبيعيها
والف مبروك قدما

اقتباس:

---

المشاركة الأصلية كتبت بواسطة OlaOsman

تعلقي الشديد بالسيريون حسسني بإحساس غير مريح.. فكرت ساعتها فعلا انه مش صح ان الواحد يتعلق اوي كده بحاجة دنيوية زائلة.. يعني التعلق بالأشياء ده شئ مخيف.. طيب ماذا لو فقدتها بعد ما امتلكتها؟.. هاعمل ايه لو لقيتها مرة واحدة ضاعت مني؟.. عايزة أتعامل معك كل حاجة في الدنيا دي على اساس انها ماشية و انا كمان ماشية.. يمكن كمان كل حاجة وكل حد.. يعني التعلق الزائد بأي شئ أو أي حد مش صح.. مش صح ان الإنسان يستمد سعادته أو سبب وجوده من وجود شئ او حد في حياته.. أيا كان هذا الحد إبتداء من الأم و حتى رفيق الحياة و الأولاد.. عشان لو فقد الحاجة دي أو الحد ده ما يصابش بصدمة الفقد و يفقد صوابه و ربما إيمانه.

يمكن الكلام ده يكون كبير شوية على حتة عربية او مبالغ فيه.. انما خاطرة جت في بالي و خلتني فعلا مش عايزة أتعلق بحاجة اوي كده.

بس برضه باحب السيريون و متهيألي برضه و هي معايا هاحبها أكتر و أكتر.. و لا ممكن على فكرة شوية كده و ألفها و اتعود عليها زي اي حاجة في الدنيا.. بتاخد زهوتها و بعدين تنطفي و ننسى أصلا انها معانا.

معلش يا جماعة.. شوية أفكار ملخطبة كده بس حبيت أسطرها في منتدانا الحبيب.. فاستحملوني :)

---

كلام مظبوط يا علا بجد
فعلا الواحد مشكلة انه يتعلق بشئ دنيوي

وقد قيل من أحب شيئا غير الله عذب به ولابد

والمعنى انك تحبي شئ يبعدك عن ذكر الله او ايمانك به

بمعنى ان الواحد ممكن يكون بيهتم بشئ قوي على حساب صلاته يعني يأخر الصلاه علشان مشغول في حبيبته مثلا


وعلى فكره انا اول مره رحت اتفرج على السيريون ومكنتشي في اختياراتي خالص ونهائيا اني اشتري عربيه 1300 سي سي وهاتشباك كمان

ولكن سبحان الله دخلت قولت لما اتفرج انا مش خسران حاجه ودخلت وكل حاجه اتغيرت بعدها
يعني اتفرجت على العربيه مره واحده وكان الأختيار والحمد لله
بس ده برضه بفضل كثرة الأستخارة والحمد لله

هههههههههه تعرفى ببساطه الانسان جواه طفل صغير اول ما يشوف حاجه مش معاه يبقى هيتجنن ويجيبها ومش يهدى الا لما تبقى معاه بس لما تيجى ويمسكها ويعرف انها حاجه دنيويه ليها عيوب (بمعنى اصح مش قادره توصل ل 100%) هيعرف ان الكمال لله ويرجع لعقله وشويه شويه هينساها وتبقى حاجه عاديه بس كده
وده زى ما قالوا الانسان بيجرى ورا اهداف متحركه على العموم انا كنت كده اول ما جبت اللنسر بس بعد كده حتى وهيا بتتخبط كنت عادى خالص

طيب الحمد لله ان الناس فهمت أفكاري الملخبطة صح و ما قالوش علية مجنونة :goofy:


جزاكم الله خيرا على التفاعل.. و التفهم :)

اقتباس:

---

المشاركة الأصلية كتبت بواسطة أبو عبدالله

وقد قيل من أحب شيئا غير الله عذب به ولابد

---

:thumbsup::thumbsup::thumbsup::thumbsup::thumbsup:

شكرا لك يا علا وعلى فكرة انا امبارح كنت رايح اشترى افيو ولما دخلت منتدى السيريون اليوم غيرت رائى وقلت مش هاجيب حاجة خالص وكفاية على دخول المنتدى ولا مقدم ولا اقساك ولا مرور كدة الحب من بعيد لبعيد زى الحب الافلاطونى :coffee2:

للأسف يا علا انا كمان بحب السيريون جداَ :( و كنت متعلق بيها قبل ما اجيبها خاصة إني مكنتش متوقع أجيبها كنت بس بقعد ابصلها في الشارع كدة و انا معجب أوي أكني ببص لبنت .. بعد اما جبتها .. حالتي تدهورت زيادة و بقيت حنتوف أوي .. يعني أي حد يركبها ممنوع ياكل خالص أو يشرب حاجة مش متغطية و ممكن تدلق .. و لو واحد صاحبي ولع جواها سيجارة ممكن أخسره فيها .. و أول حكة دي عملتلها جنازة .. و أول خبطة كنت عايز أعيط جمبيها و قعدت متعكنن أسبوع و يمكن لسة متعكنن لحد دلوقت عشان التأمين مش عارف يزبط مع التوكيل معاد للتصليح عشان الزحمة .. و خاصة العربية عدت بأسبوع كان مدبحة .. كنت كتبت عنه هنا في المنتدي .. و كنت اما اروح مشوار و هنزل منها نص ساعة كنت اغطيها لا واد من بتوع المسامير ييجي جنبها .. علي فكرة كل ده للسيريون فقط .. يعني انا كانت خطتي في الأول أفيو أو جيتز و مكنتش حاسس ناحيتهم بإنجذاب كنت بعاملهم عادي كعربيات و لو كنت جبت واحدة فيهم و اتخبطت كنت هزعل بس كان عادي هقول هي البلد كدة و هو فيه عربية بتفضل سليمة و كدة .. بس بجد و الله انا بحس العربية من الحاجات اللي بتبسطني .. يعني ببتسم كدة أول ما انزل الصبح و اقعد كدة و ابص للعدادات و التابلوه و اولع التكييف و العب في الكاسيت تحسي أكن واحد قاعد مع خطيبته .. و قبل السيريون في الكليو كنت عاااااادي جدا بالعكس كنت بنتحر بيها عالطريق و ميهمنيش تتخبط كنت باخدها بضحك .. بس السيريوووووون لأااااااااااااااااااا .. للأسف انا فاهمك :(

بالنسبة للموضوع نفسه بالعكس انا شايف ان الحمد لله ان فيه حاجات و لو بسيطة و البعض شايفها تافهة و جنان بس بتدخل السرور علينا و بتكون سبب سعادة لينا خاصة ان احنا في بلد و في زمن المنغصات فيه كتير .. يعني انا بتبسط من حاجات بسيطة و it makes my day زي ما بيقولوا .. يعني بجد الواحد اما يفكر في الحاجات اللي بتخليه يحب الحياة يلاقيها بسيطة جدا جداا جدااا تكاد تكون رمزية .. زي مثلا صاحي الصبح بدري و بشغل الراديو في العربية و انا لسة نازل الاقي اغنية بحبها .. او الاقي الطريق فاضي و الجو حلو أو 3 ايام أجازة في اي حتة مع صحاب بحبهم .. يعني انا رأيي ان جميل انك بتحبي العربية و بتبسطك دايما و مش غلط حد يتعلق بحاجة بس المهم يبقي مقتنع ان لو لا قدر الله خسرها فا دي مش نهاية العالم و يقدر يرجعها و يصلحها او يجيب أحسن منها طول ماهوا فيه نفس .

محدش يضحك برضه يا جماعة !!!!!

اقتباس:

---

المشاركة الأصلية كتبت بواسطة MoToRiZeR

للأسف يا علا انا كمان بحب السيريون جداَ :( و كنت متعلق بيها قبل ما اجيبها خاصة إني مكنتش متوقع أجيبها كنت بس بقعد ابصلها في الشارع كدة و انا معجب أوي أكني ببص لبنت .. بعد اما جبتها .. حالتي تدهورت زيادة و بقيت حنتوف أوي .. يعني أي حد يركبها ممنوع ياكل خالص أو يشرب حاجة مش متغطية و ممكن تدلق .. و لو واحد صاحبي ولع جواها سيجارة ممكن أخسره فيها .. و أول حكة دي عملتلها جنازة .. و أول خبطة كنت عايز أعيط جمبيها و قعدت متعكنن أسبوع و يمكن لسة متعكنن لحد دلوقت عشان التأمين مش عارف يزبط مع التوكيل معاد للتصليح عشان الزحمة .. و خاصة العربية عدت بأسبوع كان مدبحة .. كنت كتبت عنه هنا في المنتدي .. و كنت اما اروح مشوار و هنزل منها نص ساعة كنت اغطيها لا واد من بتوع المسامير ييجي جنبها .. علي فكرة كل ده للسيريون فقط .. يعني انا كانت خطتي في الأول أفيو أو جيتز و مكنتش حاسس ناحيتهم بإنجذاب كنت بعاملهم عادي كعربيات و لو كنت جبت واحدة فيهم و اتخبطت كنت هزعل بس كان عادي هقول هي البلد كدة و هو فيه عربية بتفضل سليمة و كدة .. بس بجد و الله انا بحس العربية من الحاجات اللي بتبسطني .. يعني ببتسم كدة أول ما انزل الصبح و اقعد كدة و ابص للعدادات و التابلوه و اولع التكييف و العب في الكاسيت تحسي أكن واحد قاعد مع خطيبته .. و قبل السيريون في الكليو كنت عاااااادي جدا بالعكس كنت بنتحر بيها عالطريق و ميهمنيش تتخبط كنت باخدها بضحك .. بس السيريوووووون لأااااااااااااااااااا .. للأسف انا فاهمك :(

بالنسبة للموضوع نفسه بالعكس انا شايف ان الحمد لله ان فيه حاجات و لو بسيطة و البعض شايفها تافهة و جنان بس بتدخل السرور علينا و بتكون سبب سعادة لينا خاصة ان احنا في بلد و في زمن المنغصات فيه كتير .. يعني انا بتبسط من حاجات بسيطة و it makes my day زي ما بيقولوا .. يعني بجد الواحد اما يفكر في الحاجات اللي بتخليه يحب الحياة يلاقيها بسيطة جدا جداا جدااا تكاد تكون رمزية .. زي مثلا صاحي الصبح بدري و بشغل الراديو في العربية و انا لسة نازل الاقي اغنية بحبها .. او الاقي الطريق فاضي و الجو حلو أو 3 ايام أجازة في اي حتة مع صحاب بحبهم .. يعني انا رأيي ان جميل انك بتحبي العربية و بتبسطك دايما و مش غلط حد يتعلق بحاجة بس المهم يبقي مقتنع ان لو لا قدر الله خسرها فا دي مش نهاية العالم و يقدر يرجعها و يصلحها او يجيب أحسن منها طول ماهوا فيه نفس .

محدش يضحك برضه يا جماعة !!!!!

---

أتفق معاك و أحب أضيف أن كونك تحب الحاجة اللي عندك دي تعتبر skill جامدة جدا خصوصا مع استمرارها و طول فترة بقائها معاك و أنك متزهقش برغم طول الفترة, عشان في غيرك بيكون عينه فارغة, يجيب سيريون يقول ياريتني معايا تيريوس دنا اللي معايا دي حتة زبالة, يجيب تيريوس يقول هي ديه 4x4؟ دفع رباعي يعني شيروكي, و لو جابها هيتمنى لاند كروزر... و مش هيملا عنيه الا التراب

عشان كدا بجد جميل أوي انك تحب الحاجة اللي عندك و تستمتع بيها و تكون قانع.

جزاكم الله كل خير على التفاعل و التواصل.. بجد بجد ردودكوا كلها أسعدتني جدددددددا :banana:

كلام موتوريزر كمان خلاني أبدأ أصدق نفسي في إن فيه جاذبية بتجذب أحباء السيريون ليها.. العربية اللي تتحب بجد ويتوقع في غرامها.. و ده عندي طبعا مالوش تفسير.

اللي فعلا خايفة منه من التعلق بالعربية هو الخوف الشديد عليها و مش عارفة هاتصدقني و لا لأ يا موتو لو قلت لك اني زعلت على السيريون بتاعتك لما قلت لنا انها اتخبطت؟.. طيب امال بتاعتي هاعمل اييييييييييييه لو حصل كده؟ :confused:


ربنا يستر علينا جميعا و يرزقنا التعلق به وحده و حبه وحده.. اللهم آمين يا رب العالمين.

الف مبروك يا علا و ربنا يبارك لك فيها و إن شاء الله تستلميها بسرعة

ايه الاخباريا علا .. عندي احساس انك حتنفنجري مفاجأة
يــــــــــــــــــــــــ ـــــــــــا مسهل

اقتباس:

---

المشاركة الأصلية كتبت بواسطة Hassan Khalil

ايه الاخباريا علا .. عندي احساس انك حتنفنجري مفاجأة
يــــــــــــــــــــــــ ـــــــــــا مسهل

---

انا هانفجر مفاجأة؟.. طيب و ايه بس اللي هايفجرني يا حسن؟ :biggrin24:

لا الموضوع مافيهوش مفاجآت و لا حاجة.. الاستلام غالبا آخر الإسبوع القادم بإذن الله :)

اصل السيريون من العربيات اللى يا اما هتحبها اوى يا اما هتكرها اوى و فعلا انا بحبها اوى اوى و كان نفسي اجيبها او اجيب اختها الكبيرة الماتيريا :wub5:

بس فعلا عندك حق الواحد لما بيتعلق بحاجة دنيوية كدة بحس ان ربنا بيقل البركة منها و سبحان الله اول ما الاقي نفسي مركزة اوى مع اى حاجة دنيوية كدة لازم يحصلى حاجة تفوقنى :oops:

الف الف مبرووك يا علا و ان شاء الله تستلمى على خير

أجمل حاجة إن الواحد يشترى الشئ المقتنع به و اللى بيحبه بغض النظر عن رأى الناس إيه ... و أكيد العربية الجديدة لها إحساس رائع ....
ألف مبروك و ربنا يبارك لك فيها و يحفظها من العين و من الميكروباصات و سواقة الستات:offtopic:...
و لا قدر الله ... لو حصل لها شئ فدة قضاء الله الذى لا يحمد على مكروه سواه ...و لعله خير ...
فى الأخر هى حديد يتعوض ....
و مهما كان تعلقنا بالأشياء الدنيوية فدى سنة الحياة ولا ضرر منها طالما لا تفتنا عن ذكر الله... إفرحى بها و إدعى ربنا يعطيكى خيرها و يكفيكى شرها....
و إن شاء الله تكون وش السعد..

انا برده من عشاق السيريون وبالذات اللون الاحمر سبورت مع انها بناتى بس تحسوا انها ملفته للنظر ومميزة فى الشارع بجد هى عربيه تحفه ومن وجهه نظرى احسن عربيه تحت 100 الف مع كامل احترامى للياريس وكل ما ادخل شارع ضيق والاقى العربيات راكنه يمين وشمال ومفيش غير طريق على اد اللانسر ولازم علشان اعدى اقفل المرايات افتكر السيريون واقول يا ريتنى معايا دلوقتى سيريون المهم ربنا يحفظهالك واهم حاجه لما تجيبيها انك كل ما تركبيها تدعى دعاء ركوب الدابه وتذبحى شئ لله و تدعى ربنا انها تبقى وسيله من وسائل فعل الخير وشغلى فيها دائما قران وربنا يديكى خيرها ويكفيكى شرها

ما هو اللي بيخوف اصحابها منها انها ملفتة للنظر بزيادة .. و خاصة في ال GLX علشان لمعة الجنوط .. و الاسبويلر ..
ربنا يبارك لاصحابها فيها .. و يحافظ لهم عليها .

أحلى حاجة لما الواحد يجيب عربية عن اقتناع تام و حب , مش مجرد اشترى حاجة بالصدفة

يعني انا برضة كنت السنة اللي فاتت برضة بادور على شيروكيي و مش مقتنع بيها قوي و كنت باشوف موديلات متعددة, و بعدين شفت عربيتي الفرونتيرا في معرض كنت اصلا باكلمهم على شيروكي و اتكلمت معاهم شوية و قالولي ان الفرق كبير بين الفرونتيرا و الشيروكيي و شرحوللي مميزاتها و ركبت العربية و كان معايا أولادي و بعد شوية كنت فعلا عمال افكر فيها و اتفرج عالعربيات الفرونتيرا في الشارع, ولقيت نفسي مقتنع بيها تماما وبافكر فيها و رجعت للمعرض و خلصت في العربية نفسها اللي كنت جربتها, مكانتش لسة اتباعت, نصيب

بس فعلا فية ناس بيقى فية تواصل بينهم و بين العربية بتاعتهم, و حبها و يخاف عليها و يهتم بيها و ناس بيعتبرها حتة حديد و مش فارقة معاه

و اللي بيحب عربيتة و مقتنع بيها بيبص عالعربيات اللي زيها في الشارع و يشوف اية الفروق و لو فية حد مركب اكسسوار معين و يقارن بينهم و يجيب لعربيتة اللي هوة اقتنع بية و شافه لايق عليها
زي بالضبط اللي بينزل يتفرج عالفتارين و يشوف ملابس لبنتة او أبنة هههههههههههه

هو صحيح ايه فايدة الجنوط الاسبور و السبويلر؟.. عشان ابقى عارفة بس يعني :v_SPIN:

1- بتدي العربية الشكل الرياضي و المنظر الحلو
2- تزود الثبات عالسرعات العالية

اة نسيت الفايدة التالتة

3- بتوع الجنوط و الفايبر يبيعوا و ياكلوا عيش

ههههههههههههه

إن شاء الله ياعلا ربنا يسهلك وتستلمي ( حبيبة قلبك ) ويباركلك فيها وعموما الواحد لما يكون بيشتري عربيه جديده غير المستعمله لأنه بيقدر يختار بنفسه إنما المستعمل بيكون على حسب السعر والحاله و ....إلخ فممكن ياخد حاجه مش عاجباه أوي لمجرد أنها حاله جيده أو بسعر مناسب إنما الجديد بيبقى له بهجه وطعم تاني غير المستعمل خالص وهتلاقي نفسك بتخافي عليها وتقعدي طول اليوم تدوري على ركنه قدام البيت عشان تقعدي في البلكونه تتفرجي عليها وحاجات من هذا القبيل يعني وسامحيني لأني أتأخرت في الرد عشان ماشوفتش الموضوع غير دلوقتي .
بس جامده من ( من هذا القبيل ) دي أنا ليا عبارات فعلا جميله هههههههههه:goofy::goofy:

وانا كمان:tt1: حبيت السيريون:tt1: من اول ما شفتها انا رحت معرض المعادى وركبتها وهى فعلا

واسعة وشكلها شيك جدا وحجزت GL سودةاتوماتيك وفعلا ناس محترمين

والاستاذ /احمد عبد الرؤف:tt1: