يا حبيبتي يا سيريون!

**OlaOsman** · 04-08-2008 11:00 PM

ماحدش يضحك.. ماشي؟

أصلي باحبها من زمان.. و متعلقة بيها اوي.. لما باشوفها ماشية في الشارع قلبي بيتخطف.. من ساعة ما حلمت انها تكون من نصيبي و لحد دلوقتي بتخطف عيني السيريون وهي ماشية.. من شهر 12 اللي فات و من ساعة ما قريت عنها هنا في المنتدى و شفت صورها ع النت و أيامها كنت بحاول أشوفها في الشارع و مش باشوف واحدة ماشية في الشارع إلا كل فيييييييييييين و فين.. و ساعتها عملت موضوع مخصوص اسمه هو ليه مافيش ولا سيريون في شوارع القاهرة؟

أيامها كنا بندخل انا و أعضاء معدودين نتكلم في السيريون.. و كنت كل ما أشوف سيريون في الشارع آجي في الموضوع و اعمل فرح ان هييييييييييه شفت سيريون في الشارع النهاردة

اما دلوقتي بسم الله ما شاء الله.. عدد مالكي السيريون بيزيد يوم عن التاني و بأه عادي اني أشوف ييجي 5 سيريون في المشوار الواحد.. بس برضه كل مرة شكلها بيخطف قلبي خطف

قلنا امنعوا الضحك

ايه بأه مناسبة قصيدة الغزل دي في السيريون؟ أصلي روحت المعرض النهاردة عشان اسأل على حاجة.. شفتها.. سيريون GLX حمرا.. لقيتني من غير ما أحس منجذبة لها و باركبها.. زي ما يكون مغناطيس بيشدني ليها.. حسيت ساعتها اني باحب البتاعة دي أوي

برضه مافيش فايدة.. سامعة صوت ضحك

راجعة من المشوار مبسوطة.. خصوصا اني قربت استلم خلاص.. انما في نفس الوقت داهمني احساس بالضيق.. ليه بأه؟ ثواني و راجعة اقول لكم حالا :)

**OlaOsman** · 04-08-2008 11:06 PM

تعلقي الشديد بالسيريون حسسني بإحساس غير مريح.. فكرت ساعتها فعلا انه مش صح ان الواحد يتعلق اوي كده بحاجة دنيوية زائلة.. يعني التعلق بالأشياء ده شئ مخيف.. طيب ماذا لو فقدتها بعد ما امتلكتها؟.. هاعمل ايه لو لقيتها مرة واحدة ضاعت مني؟.. عايزة أتعامل معك كل حاجة في الدنيا دي على اساس انها ماشية و انا كمان ماشية.. يمكن كمان كل حاجة وكل حد.. يعني التعلق الزائد بأي شئ أو أي حد مش صح.. مش صح ان الإنسان يستمد سعادته أو سبب وجوده من وجود شئ او حد في حياته.. أيا كان هذا الحد إبتداء من الأم و حتى رفيق الحياة و الأولاد.. عشان لو فقد الحاجة دي أو الحد ده ما يصابش بصدمة الفقد و يفقد صوابه و ربما إيمانه.

يمكن الكلام ده يكون كبير شوية على حتة عربية او مبالغ فيه.. انما خاطرة جت في بالي و خلتني فعلا مش عايزة أتعلق بحاجة اوي كده.

بس برضه باحب السيريون و متهيألي برضه و هي معايا هاحبها أكتر و أكتر.. و لا ممكن على فكرة شوية كده و ألفها و اتعود عليها زي اي حاجة في الدنيا.. بتاخد زهوتها و بعدين تنطفي و ننسى أصلا انها معانا.

معلش يا جماعة.. شوية أفكار ملخطبة كده بس حبيت أسطرها في منتدانا الحبيب.. فاستحملوني :)

**Chicco** · 04-08-2008 11:37 PM

أولا :
ثانيا: ألف مبروك و ربنا يكملك بعقلك يا باشا

**KoDaK_Gti** · 04-08-2008 11:52 PM

يا حبيبتى يا سيريون
انا كنت حعيط وانا بقرأ الكلام ده هههههههه
انا لو مكانك لما ركبتيها فى المعرض كنت قولت للراجل هات المفتاح ودورتها وجريت بيها
عامل زى ما يكون بتفرج على فيلم لشادية لطفى
مين شادية لطفى دى مش عارف

**TIMODAX** · 04-08-2008 11:55 PM

لوووووووووووووووووووووووو ووووووووووووووووووووووووو ووووووووووووووووول

جامدين انتو..............................زز

**wild_man** · 04-08-2008 11:58 PM

بعد الحصول على الشيء تخبو نيران الأشواق رويدا رويدا... حتى تنطفيء :)

**Hassan Khalil** · 05-08-2008 12:14 AM

شيكو سبقني ......عموما ..
بداية :
ثانيا .. ربنا ييسر لك الامور و تستلميها علي خير .. و نبقي ناخد بيها لفة ..
ثالثا ..

تعلقي الشديد بالسيريون حسسني بإحساس غير مريح.. فكرت ساعتها فعلا انه مش صح ان الواحد يتعلق اوي كده بحاجة دنيوية زائلة.. يعني التعلق بالأشياء ده شئ مخيف.. طيب ماذا لو فقدتها بعد ما امتلكتها؟.. هاعمل ايه لو لقيتها مرة واحدة ضاعت مني؟.. عايزة أتعامل معك كل حاجة في الدنيا دي على اساس انها ماشية و انا كمان ماشية.. يمكن كمان كل حاجة وكل حد.. يعني التعلق الزائد بأي شئ أو أي حد مش صح.. مش صح ان الإنسان يستمد سعادته أو سبب وجوده من وجود شئ او حد في حياته.. أيا كان هذا الحد إبتداء من الأم و حتى رفيق الحياة و الأولاد.. عشان لو فقد الحاجة دي أو الحد ده ما يصابش بصدمة الفقد و يفقد صوابه و ربما إيمانه.

تأييد تام .. و الكلام ده بيفكرني بكلام مشابه كنا بندردش فيه قبل كده ....
مبروك مقدما ان شاء الله .. :)

**Eng.Mina** · 05-08-2008 12:18 AM

فعلا انا برده متهيألي كده انك بمجرد امتلاكها حبك الجامد ليها ده حايهدي شوية انا برده كنت زيك بحلم بالفيرنا وبنام وبصحي علي صورتها و كنت مجمع كل اعلاناتها اللي في الجرايد وكان نفسي الايام تطير علشان استلمها وفعلا بمجرد اني استلمت المفتاح لقيت لذة الانتظار دي راحت خلاص ومع اول خبطة ليها كرهت العربيات وسنينها السوده عموما الواحد مش المفروض يتعلق بالعربية اوي دي في الاول او في الاخر حتة حديد ومسيرك يجيلك يوم وتزهئي منها وتبيعيها
والف مبروك قدما

**أبو عبدالله** · 05-08-2008 01:53 AM

المشاركة الأصلية كتبت بواسطة OlaOsman

تعلقي الشديد بالسيريون حسسني بإحساس غير مريح.. فكرت ساعتها فعلا انه مش صح ان الواحد يتعلق اوي كده بحاجة دنيوية زائلة.. يعني التعلق بالأشياء ده شئ مخيف.. طيب ماذا لو فقدتها بعد ما امتلكتها؟.. هاعمل ايه لو لقيتها مرة واحدة ضاعت مني؟.. عايزة أتعامل معك كل حاجة في الدنيا دي على اساس انها ماشية و انا كمان ماشية.. يمكن كمان كل حاجة وكل حد.. يعني التعلق الزائد بأي شئ أو أي حد مش صح.. مش صح ان الإنسان يستمد سعادته أو سبب وجوده من وجود شئ او حد في حياته.. أيا كان هذا الحد إبتداء من الأم و حتى رفيق الحياة و الأولاد.. عشان لو فقد الحاجة دي أو الحد ده ما يصابش بصدمة الفقد و يفقد صوابه و ربما إيمانه.

يمكن الكلام ده يكون كبير شوية على حتة عربية او مبالغ فيه.. انما خاطرة جت في بالي و خلتني فعلا مش عايزة أتعلق بحاجة اوي كده.

بس برضه باحب السيريون و متهيألي برضه و هي معايا هاحبها أكتر و أكتر.. و لا ممكن على فكرة شوية كده و ألفها و اتعود عليها زي اي حاجة في الدنيا.. بتاخد زهوتها و بعدين تنطفي و ننسى أصلا انها معانا.

معلش يا جماعة.. شوية أفكار ملخطبة كده بس حبيت أسطرها في منتدانا الحبيب.. فاستحملوني :)

كلام مظبوط يا علا بجد
فعلا الواحد مشكلة انه يتعلق بشئ دنيوي

وقد قيل من أحب شيئا غير الله عذب به ولابد

والمعنى انك تحبي شئ يبعدك عن ذكر الله او ايمانك به

بمعنى ان الواحد ممكن يكون بيهتم بشئ قوي على حساب صلاته يعني يأخر الصلاه علشان مشغول في حبيبته مثلا

وعلى فكره انا اول مره رحت اتفرج على السيريون ومكنتشي في اختياراتي خالص ونهائيا اني اشتري عربيه 1300 سي سي وهاتشباك كمان

ولكن سبحان الله دخلت قولت لما اتفرج انا مش خسران حاجه ودخلت وكل حاجه اتغيرت بعدها
يعني اتفرجت على العربيه مره واحده وكان الأختيار والحمد لله
بس ده برضه بفضل كثرة الأستخارة والحمد لله

**mero5005** · 05-08-2008 02:07 AM

هههههههههه تعرفى ببساطه الانسان جواه طفل صغير اول ما يشوف حاجه مش معاه يبقى هيتجنن ويجيبها ومش يهدى الا لما تبقى معاه بس لما تيجى ويمسكها ويعرف انها حاجه دنيويه ليها عيوب (بمعنى اصح مش قادره توصل ل 100%) هيعرف ان الكمال لله ويرجع لعقله وشويه شويه هينساها وتبقى حاجه عاديه بس كده
وده زى ما قالوا الانسان بيجرى ورا اهداف متحركه على العموم انا كنت كده اول ما جبت اللنسر بس بعد كده حتى وهيا بتتخبط كنت عادى خالص

الموضوع: يا حبيبتي يا سيريون!

LinkBack

أدوات الموضوع

عرض

-

-

-

-

-

المواضيع المتشابهه

يا حبيبتي يا مشمشه!!!!!!

بدلت حبيبتي

يا حبيبتي يا ميجان

يا حبيبتي يا مصر

رسالة لن تصل إلى حبيبتي

الكلمات الدلالية لهذا الموضوع

المفضلات

المفضلات

ضوابط المشاركة