مشكله في القطمه

**hagagatc** · 13-03-2013 02:33 AM

السلام عليكم مبدأيا عصابه اوبل
عندي مشكله في قطمه الدركسيون لما الف الدركسيون يمين او شمال بسمع صوت طقطه خفيفه
في ناس قليتلي دي من الصليبه هل هي فعلا ممكن تكون من الصليبه ولا حاجه تانيه ولو حد عنده فكره
وحل القطمه دي قبل كده بنفسه يقلي هل في حجات ممكن تتربط تثبت القطمه عشان بفكر افكها بنفسي وكمان لما امسك الطاره وارفعها بحس انها فيها بوش خفيف هل ده طبيعي
تاني حاجه هل صليبه الدكسيون بتقل البور شويه ولا ملهاش علاقه
قبل مغير الصليبه وكنش هي السبب

**نينو** · 13-03-2013 03:06 AM

والله العظيم انت بتحكي عن مشكلتي ولسة حالا طالع من العربية فكيت الفرش اللي تحت الدريكسيون و جبت شحم و اديتها شحم بس يارب يكون بقايدة انا عندي مشكلتك دي بالضبط في ال e46 ومش لاقي حل والعفشجي قالي غير القطمة لو وصلت لحاجة قولي يا صاحبي
اخوك مينا

**hagagatc** · 13-03-2013 03:56 AM

غير القطمه ده كلام الي مش فاهم
وادينا منتظرين اراء جديده من العصابه

**amr elsisi** · 13-03-2013 08:47 AM

المشكلة فعلا من الوصلة المفصلية خلف دواسة الفر امل
حقول لك علي حاجة خلي العربية مبطلة
واجلس علي عتبة باب السواق وادخل بوجهك في اتجاة الدواسات ويدك اليمني امسك الوصلة
وتكون ايدك الشمال علي مقود السيارة
ثم تحرك الطارة في اتجاة دوران قليل يعني 1سنتيمتر يمين و1 سنتيمتر شمال
ثوف تجد بوش في هذة الوصلة
انصحك بتغييرها لانها حتعول السيارة علي السرعات
حتجبها استعمال من 100 ج الي 150 ج علي حسب حالتها
وطبعا لما تجبها امسكها من الاول ومن الاخر وشف بوشها قبل ما تشتريها
وطبعا قم بوضع شحم عليها علشان تعيش

**احمد فهمى** · 13-03-2013 01:31 PM

غير القطمه كلها واوعى حد يقولك اصلحا او غيرو لأن دى معموله الامونيا عشان لا قدر الله فى الحوادث تتكسر والدركسيون ينفصل عنها عشان ميدخلش عليك وهي استيراد رخيصه بس اكشف عليها وطبعاً دى ملهاش دعوه بتقل الدركسيون ممكن تكون طرمبة الباور ضعفت عندك ..

**lorance50** · 22-03-2013 03:36 PM

السادة الأعضاء
نفس المشكلة حدثت معى . قمت بتغيير الصليبة ٣٠٠ جنية استراد حالة ممتازة وكذلك القطمة بدون الطائرة ٣٠٠ جنية مع العلم أن القطمة يقوم بتركيبها الكهربايي وليس الميكانيكى والحمد للة المشكلة اتحلت تماماً

**hagagatc** · 22-03-2013 04:45 PM

المشاركة الأصلية كتبت بواسطة lorance50

السادة الأعضاء
نفس المشكلة حدثت معى . قمت بتغيير الصليبة ٣٠٠ جنية استراد حالة ممتازة وكذلك القطمة بدون الطائرة ٣٠٠ جنية مع العلم أن القطمة يقوم بتركيبها الكهربايي وليس الميكانيكى والحمد لله المشكلة اتحلت تماماً

الحمد لله انها اتحلت وانشاء الله حغيرها قريبا