الكاوتشات المناسبه للميجان 2 مقاس 16

**solly1979** · 13-03-2013 11:40 AM

شباب الرينو
نزلت من كام يوم اشوف اسعار الكاوتشات 205/55/16 لقيت هبل فى الجبل علشان سعر الدولار
ومش ققل من 700 علشان الواحد يجيب كاوتش نضيف حاجه تهريج لقيت ميشلان ب 1000 جنيه جالى صدمه
المهم انا عايز حاجه تكون فى الحنين وتكون طريه على الطريق
ويا سلام بقا لو حد عندة حل لموضوع البلالين بتاعة الكاوتش علشان انا هغير الكاوتش علشان الموضوع دة عندى كاوتشين فيهم بلالين من مطبات مع ان الكاوتشات نضيفه ماشيه 35 الف بس و لازم اغيرهم قبل الصيف لاقدر الله يضربوا ولا حاجه

حد من الشباب لسه مغيير حاجه اليومين دول واخباهم ايه على الطريق والنشفان والسعر والمكان ؟

**A.Lotfy** · 13-03-2013 01:39 PM

والله بص انا عندي نفس المقاس ده
الكونتينتال سعره كويس بس بصراحة خنقني من موضوع البلالين ده

فممكن تدور على هانكوك وتشوف

**MohammedAladel** · 13-03-2013 04:11 PM

غريبة مع انى بستخدم كاوتش أجنابه طرية ومعملش بلالين وأنا باكل مطبات و بمشى فى طرق وعرة

اما عن الكاوتش فسعره غالى فعلا

ممكن تشوف كونتنال بس مش هيقل عن 700 أو 650 طالما كل حاجة غلت

**mostafanageib** · 13-03-2013 06:35 PM

انا كنت من 3 شهور كده مغير فردتين كانوا بى 1200 و هو نوع اسمو اسيلس نازل بى مسلح من جنب الكوتش علشان المطبات انا كنت اول مرة اسمع عنوا بس حاسس انوا كويس و قرات علية لاقيتوا اخد ريتنج 4.3 كويس يعنى

**Ahmed Selim** · 13-03-2013 07:00 PM

عاوز تجيب حاجة محترمة و معروفة مش هتقل عن ٧٥٠ مثلا

انا لسه جايب بريدجستون ١٥/١٩٥/٦٥ ب ٦٥٠ الفردة قبل الخصم بتاع نايل موتورز اللي هو ٥٪

**solly1979** · 14-03-2013 10:55 AM

رحلة البحث جاريه
شوفت امبارح كاوتشين عاجبونى اوى
1- بريلى P6000 W بشفه نازل عليه عرض عند واحد فى مدينة نصر ب 700 وبيقولى علشان عندة منه ستوك وماشاء الله اجنابه محترمه وانا شفت انتاجه 5-2012 (1221) والراجل بيأكدلى ان سعرة قبل الخصم معدى ال 900 ؟؟؟؟؟ انا معرفش سعرة برة كام
2- حاجه مش فاكر اسمها ايه بس هى اندونيسى ب 575 H بس النقشه بتاعتها جامدة موت وكاوتش بردة شكله محترم مكتوب عليه (silent)والراجل بيقولى انا مركبه فى عربيت والدى

ايه راى الشباب

**solly1979** · 17-03-2013 11:34 AM

يوم الجمعه وانا ماشى على المحور كان فى طوبه فى الحارة التانيه
والحمد لله دوست عليها بأخر كاوتش نضيف فى العربيه وبردة طلع باللونه
انا بصراحه زهقت من موضوع البلالين دة واتخانقت ومش عارف امشى بالعربيه كدة ال 4 فرد فيهم بالالين مع العلم انهم عاملين 30 الف
المهم انا بفكر اشترى جنوط حديد 15 واركب كاوتش 195/65/15 او 205/60/15 واسيب ام الجنوط مركونه لما ابيع العربيه ابقا اديهم لصاحب النصيب بس المهم انا اعرف امشى
المهم بكام ومن ايين الاقى الجنوط الحديد الاصلى بتاعتها ؟
وانهى مقاس احسن فى ال 2 الفرق ما بينهم 1% اقل فى ال 205

**Ahmed Selim** · 17-03-2013 07:53 PM

مش عارف أقولك أيه بس فيه ناس كتير معاها جنوط 16 و مش بتقابلها مشكلة البلالين دي...........أو على الأقل مش بنفس المعدل بتاعك............أعتقد أنت مشكلتك فى نوع الكاوتش نفسه أكتر منها فى الجنوط و الطريق.

أنا شوفت فعلاً كاوتش أندونيسي من فترة و مش فاكر أسمه أيه و كان شكله محترم جداً..........بس أنا بطبعي بحب أخليني فى الأمان......علشان كده جبت بريدجستون.

لو فكرت تبيع الجنوط قولي :)

ممكن ندخل جنوطي بكاوتشي الجديد فى جنوطك :)......بس حسب ظروف السيولة معايا ساعتها.

الموضوع: الكاوتشات المناسبه للميجان 2 مقاس 16

LinkBack

أدوات الموضوع

عرض

-

-

-

-

-

-

المواضيع المتشابهه

البطاريه المناسبه للماروتي

ماهى قوه ال gm المناسبه ؟؟؟

مقاس الكاوتشات مختلفة فى النوبيرا

ما هي السرعه المناسبه

ما هو سعر فردة الكاوتش للميجان 2 مقاس 16/205/65 ؟؟

الكلمات الدلالية لهذا الموضوع

المفضلات

المفضلات

ضوابط المشاركة