الموضوع: استفسارات فى عربيه a113

المشاركة الأصلية كتبت بواسطة sostaa

عربيه a113
نور العربيه مش شغال العالى والشبورة بس الرعاش شغال اروح اصلحه فين ؟والعيب يبقى فين? عشان ابقى عارفة والتكلفة تقريبا كام ؟

معلش سؤال سخيف اصلى لسه جديدة فى العربيات انا جبت ميه خضرا لما الميه تنقص بحطها فى القربه بتاعت سائل التبريد فى فتحة اسمها فتحة اضافة مياه البريد احط فيها برده ولا ايه ؟والزيوت بتاعت الباور والفرامل اجبها منين وامتى اغيرها

سؤال مبدأيا بس: العربية زيرو ومعاها ضمان ولا مستعملة؟

بالنسبة للنور اللى مش شغال وارد تكون حاجة بسيطة زى فيوز مثلا وممكن اى كهربائى يبص عليها ويقولك ايه محتاج يتعمل ولو العربية لو زيرو والموضوع كبير انصح انها تتعمل فى التوكيل انما لو فيوز وكلام فاضى ممكن الكهربائى يعملها.

بالنسبة للمية الخضرا مفيش اى داعى ان حضرتك تحطي فى القربة الا لو مستوى المية نزل عن علامة max ولو افترضنا انه نزل فده معناه ان فيه مشكلة فى دورة التبريد لان المفروض طول مالدورة سليمة المية متنقصش ولا نقطة

اما زيت الباور فهو مبيتغيرش لكن بيتزود بس فى حالة الضرورة لو الزيت نقص واعتقد ممكن تعرفى انه نقص لما الباور يتقل فى ايديكى ساعتها نبص على قربة زيت الباور ونشوفو نازل عن ال max ولا لأ.

زيت الفرامل بردو مش بيتغير لكن بيتزود لو الزيت نقص نتيجة اى عيب وحسينا الفرامل خفيفة.

زيوت الفرامل والباور بنشتريها من عند اى واحد بتاع قطع غيار او بتاع زيوت بس المهم نسال على الانواع الكويسة ونشتريها.

تحياتى