الفيرنا حتستحمل
و حكايه مطبات القاهره دي عمرها ما حتبقي قد المطبات في الاقاليم .
الفيرنا حتستحمل
و حكايه مطبات القاهره دي عمرها ما حتبقي قد المطبات في الاقاليم .
أثبتت الفيرنا أنها ناجحة والدليل ان أكثر من نصف مالكى السيارات فى مصر يمتلكون الفيرنا وخير دليل انها شغالة تاكسى هنا فى العريش زى الفل ومبتقلشى لاءء
أنا رأيى ان الشاهين هى اللى تنفع تاكسى بدليل انها ناجحة جدا فى تركيا وناجحة كمان فى مصر و تستحمل عن الفيرنا والانوس وصيانتها أرخص
الشاهين أكيد
وهذا موضوع قديم به نفس الأستفتاء ولكن بتوسع:
http://www.nilemotors.net/Nile/showthread.php?t=24528
لقد بدأ بالفعل انتشار الفيرنا كتاكسى على الطريق بشكل ملحوظ
و حتى نحكم على هذه السيارة بشكل واقعى اكثر اذا كانت ستتحمل العمل داخل القاهرة كتاكسى ام لا
فعلينا بالبحث عنها فى منتدى الهيونداى من خلال تعليقات مستخدميها و انواع شكواهم منها ثم بعد ذلك نحكم عليها
فقد وجدت انها اكثر سيارة من عائلة الهيونداى اشتكى منها الاعضاء بمنتدى الهيونداى و اليكم اقتباسات من شكوى الاعضاء بالمنتدى
اقتباس:
استلمنا فيرنا 1600 اتوماتيك يوم 17/3 /2008
وفى نفس يوم الاستلام واحنا مروحينشمينا ريحة شياط الكاوتش عشان الجنوط ولعت من السخونة وطاسة العجل ساحت ووقعت ع الارضنسيت اضيف انميه الردياتير بتنشف.. ونملاها ..ع اخر اليوم تنشف .
دى ع الماشى كده
{العربية لسه من غير نمر }..رأيكم ايه يا جماعة الخير
اقتباس:
حد يقولي اعمل ايه في المطبات معالفرناالعربية بتخبط في المطبات وخصوصا لو في حد راكب ورااعمل ايهارفعها ولا هيبقى غلط على العفشة وكدهحد يفهمنىعلشان انا زهقت من الحركة دي
اقتباس:
انا يا جماعة تعبت من مشاكل التقفيل الي في الفيرنا 1600. العربية معملتيش بيها 5000 كيلو ليسه! وانا ماشي بدي اشارة شمال لايتها بتعلق.قلت بسيطة. ببوص لاقيت واحدبيكسر عليا.جيت اضرب كلاكس .تخياوا ايه الي حصل!!!.الاشارة الشمال اشتغلت بدلالكلاكس!!!ياحلوة يولاد!!ادوس كلاكس الاشارة تشتغل!!ومن سعتها بتعلق.ساعات الكلاكسيشتغل وساعات الاشارة!!يعني هو الشغل بضمير حرام!!!دي ليسة 0 ياجدعان .وقابلت مشكلةفي دورة التبريد قبل كدة قبل ماعمل صيانة 1000 وحروح التوكيل .ماهو يصعب عليااوديها لكهربائيي .وهي ليسا جديدة! ياريتني كنت كملت وجبت حاجة تقفيل كوري!!! ومنك لله يا غبور
اقتباس:
كنت ناوي اشتري فيرنا واترعبت من التعليقات (مررررررررعبة)
4. الكلام يعطي شعور بأن ال 128 أفضل
5. أفيدوني أفادكم الله (اخوكم جاي من الغربة) وخايف ارمي فلوسي
6. بس ماقدرش علي أكتر من 70 ألف (كبعا نفسي في كرولا بس الإيدقصيرة)
7. ياريت حد من هيونداي يرد علي الكلام المرعب ده
شكرا جزيلا
و جاء الرد التالى عليه مفاجئة
من الاستاذ Ahmed Anwer و قال له
لا هيونداي بعد اليوم ،،
اقتباس:
معايا فيرنا 2008 .. روحت اعمل صيانه الألف فيتوكيل غبور (ابو رواش) وكان عندي الملاحظات التاليه :
1- فيه صوت تزييق بلاستيك جاي من ناحيه القايم
2- الموتور بيسقف كتير
3- حزام الأمان حاسس انهسايبالمهم المشكله الأوليعملوها ومشكله التسقيف .. دار الحوار التالي بيني وبين مهندس الصيانهانا: منلحظه ما استلمت العربيه والموتور بيسقف كتيرالمهندس : معارض السيارات بيحطوااسوء انواع البنزين وده اللي بيخليها تسقفانا : بس انا شاريها من غبورنفسهالمهندس : ما احنا برضه نفس الوضع ؟؟؟!!! لا تعليقمشكله حزامالأمان موصلتش فيها الي حل .. حاولوا يقنعوني انه كدهتمام .. بس مشمقتنعالمهم انا خرجت من البيت الساعه 8 صباحا ورجعت البيت تاني الساعه 9مساءيعني 13 ساعه علشان اعمل صيانه الألف واصلح المشاكل اللي ماليش ذنب فيها ..
نيجي للمهم .. لاحظت ان امر الشغل مكتوب فيه "فرامل اليد"
مفهمتش هماقصدهم ايه .. انا ما اشتكيتش من الفرامل..
بعد الصيانه بعده ايام .. فوجئت انلمبه الهاند بريك منوره علي طول .. بالبحث اكتشفت ان زيت الفرامل ناقص .. زودتهواللمبه طفت .. بعد عده ايام اخري نورت تاني بصيت علي زيت الفرامل وجدته ناقص جدا .. معني الكلام ده ان زيت الفرامل بيسرب .. علما باني استخدمت السياره لمده شهر قبلما اعمل صيانه الألف كيلو ولم يحدث نقص في زيت الفراملوبكده انا فهمت هما قصدهمايه لما كتبوا فرامل اليد في امر الشغل....
قصدهم انهم بوظوهامش كده ولا ايه ؟؟..
تحذير : كل واحد يروحيعمل الصيانه في التوكيل يبقي يخرج من هناك يروح لميكانيكي يشيكله علي العربيه
اقتباس:
ثانيا عيوبها ضيقه جدا جدا جدا الثبات ضايع بعد ال 140 هيا الي سايقاك مش انت اليسايقها كمان عاوزة حنيه في التعامل معاها مش بتاعت عنف يعني رقه و حنيه معاهاغيرلها مارش و جوز كبالن و بيض ديركسيون و مقصات دول في 80 الف كيلو بس
اقتباس:
انا خلاص تعبت العربية على طول بترعش على السرعات غيرت الطنابير و عملت زوايا و ترصيص اعمل ايه تانى كل ده و برضوا بترعش و فيها حدفه يمين انا خلاص هاتجنن ده غير حاجات تانيه كتير
مشكلة عدم اتزان الفيرنا والحدف فى السرعات طلعت مش مشكلة كاوتش نسر وجنوط مقاس اكبر بدليل ناس عندها كاوتش مش نسر وبرضه بتشتكى من مشكلة الحدفة وعدم الاتزان يعنى كده يا جماعةالمشكلة فى التجميع ولا فى الشاسيه لان كدة تبقى مشكلة جامدة اوي ولا ايه اللى عنده فيرنا 2008 او عنده فكره يرد بس يكون الرد منطقى وعلى علم بالمشكلة
اقتباس:
بحس برعشة خفيفة في الدبرياج في الطلعة او النقلات
الاريال بيطلع لوحده حتى لو كنت بشغل السي دي مش الراديو
بسمع صوتتكتكة في الكاويتش الشمال اللي ورا .. وكان في زلطة في الكاويتش بس انا مش لاقيحاجة
ارجو الافادة
الرد
نفس الموضوع عندى انا كمان
جايبها برضه من شهر
رد اخر
أيوه أيه صحيح حكاية التكتكه اللي موجوده في العجله الورانيه الشمال دي عندي برده ومطلعه عيني مش عارف ايه سببها !؟؟
واضح جدا من مداخلات الاعضاء معانتهم من تجميع غبور و من غبور نفسه و من ضعف الاتزان و ضعف صاج السيارة
لذلك اعتقد انها لن تصمد طويلا و سيبدأ سائقى التاكسى فى ابتكار حلول بلدى بديلة لمشاكلها خارج التوكيل
بعد ان يأخذوا الصدمة الاولى عند اصلاحهم لأى عطل بالتوكيل
و سيقوم مستوردى قطع الغيار بأستيراد قطع الغيار المضروبة لتوفيرها بسعر ارخص عن التوكيل لهذه الفئة العريضة من اصحاب الفرينا التاكسى
و لا ادرى هل هذا فى صالح مستخدمين الفيرنا الملاكى ام لا !!!!
فهناك من هو غاضب ان سيارته انتشرت كتاكسى و يرى ان هذا يقلل من بريستيجه
و هناك من هو يرى ان انتشارها كتاكسى دليل على قوتها
مع ان السبب الحقيقى لانتشارها كتاكسى بالنسبة لاصحاب السيارات القديمة هو السعر و تقسيطها الاقل فقط بغض النظر عن اى شىء اخر .
و عن خبرة اقول ان الشاهين انسب سيارة كتاكسى لاسباب كثيرة و معروفة
الفرنا عربية كويسة وهتستحمل
بس لو انا مكانهم هاجيب ماتريكس
عربية واسعة وسهلة فى الدخول وفى الخروج وعالية عن المطبات وقوية
الشاهين مع احترامى الكبير لاملكها و لكن بجد خلاص كفاية كدة
الفيرنا احسن بكتيير جدا جدا و ان شاء الله حتصمد
هوا سواق التاكسى عايز عربيه يتمنظر بيها فى الشوارع
ولا عايز عربيه قويه ومتينه وتسد معاه ( سواء محمل زياده او الشنطه مليانه ) فى اى مشوار ؟؟؟؟
انا متهيالى ان لو تاكسى فيرنا حمل 3 ورا وشويه حاجات فى شنطه العربيه
ان العربيه هتوصلهم زحف :biggrin24:
اتفق معك تماما فى هذا الكلام
و لنا ان نتخيل سائق تاكسى يسير بسيارة 1300 او 124مطحونة و عفى عليها الزمن و معتاد على ثقل قدمه عليها فى القيادة حتى تسير معه كما يريد
ثم ينتقل فجأة الى سيارة سريعة و موتورها 1600 انجكشن و باور و تكيف
لاشك ستحدث له صدمة اولية و طفرة ستؤثر على قيادته و سلوكه فى الطريق و سنرى العجب العجاب خلال الايام المقبلة ان شاء الله منهم
مع اتساع رقعة قطع الغيار المضروبة و الصنيعية المضروبة ايضا
و من اكثر المحظوظين من قانون المرور الجديد هو غبور الذى انتهز الفرصة سريعا و قام بعرض سيارات فيرنا تاكسى جاهزة و مدهونة ابيض و اسود بمعارضه
انها فرصة عظيمة له سوف يستغلها ابشع استغلال .
انا الصراحة الموضوع دا استفزنى
فرنا ايه و لانوس ايه و شاهين ايه؟؟
انا اول مره اعرف ان التاكسيات عليها جمارك!!!!
ليه التخلف العقلى دا , يحطوا جمارك على اصحاب التاكسيات , هما لاقيين ياكلوا!!!!!!!
بعدين مهو كدا هيضطر يرفع السعر على اللى بيركب التاكسى.
انا رايى و دا مش راى , دا اللى مفروض يحصل يشيلوا الجمارك اساسا من على التاكسيات!!!!!!!!!! بحيث يبقى التاكسيات لانسر و النترا و كورولا و كدا و مش بعيد نلاقى كامرى كمان
معقول صاحب تاكسى يدفع 100 الف!! , اذا كان متوسط الدخل فى مصر 12000 جنيه فى السنة يبقى سواق يدفع 100 الف جنيه تمن تاكسى!
لا تعليق على موضوع الفرنا و اللانوس و الشاهين
انا شايف ان دخول الفيرنا لعالم التاكسي هيخلينا في توكيل سي غبرو نتبهدل اكتر واكتر
لان الضغط هيزيد جدااااااا
عفشة زبالة وبودى ورق وتقفيل غبى ازاى تصمد يعنى الفيرنا ولا الانوس
اللى يصمد الشاهين بجد مش كلام وخلاص
دا غير فرق السما من الارض فى قطع الغيار يعنى خراب بيوت على بتوع التاكسى
الكفة فى صالح الشاهيين طبعا وهنروح بعيد ليه ماه الشاهيين شغالة تاكسى
شوف كدا تاكسى شاهين معدى وشوف هونداى مش محتاجة كلام وفتى
اتفرجوا على تاكسى الفيرنا ده كمان 5 سنين
هتبقى
بقايا عربيه وهتشوفوا
ربنا يعطيك و يعطينا يا سيدى بس تصدق فكرة جامدة :Lighten: و مش بعيدة أوى يعنى هو سعر الشيروكى و الفرونتيرا مستعمل كام ؟؟؟ و لا حتى فيتارا قديم كام ؟؟ اسعار فى حدود ال 80 و 70 و 60 الف . بس البنزين بكام بقى ؟؟؟ و لا اللى حانوفره سمكرة و فوانيس و رش حاندفعه فى البنزين ؟؟ و كمان مصاريف التراخيص :puke: يعنى حسبة معقدة بصراحة
و انا حاسس انهم بعد ما يركبوا عربيات جديدة و بتجرى و فيها باور حايخبطوا فينا و يبهدلونا برضه :011: و حايبقى الحل ان الايه تنعكس و احنا اللى نركب موديلات السبعينات و الثمانينات بالكتير (السنيين مش الفلوس)
فعلا معاك حق
اعذرنى يا اخى كل ارائك فى الموضوع واخرها هذه المشاركة المقتبسة هنا بتدل ان كلامك فيه تعالى وتكبر و كلام من فوق كتير وبتنظر لسائق التاكسى كانه حشرة وشىء مالوش لزمة وانه زيادة فى الشارع بتقرفك وتنرفزك ,,,,, يا اخى هو انسان وانت انسان ,,, ومش معنى ان ربنا انعم عليك برزق يجعلك يكون عندك عربية ملاكى يعنى استخدام شخصى وهو راجل غلبان يا اما شغال على عربية واحد او شارى عربية بالعافية وبيدفع اقساط مطلعه عينه ,,, انك تنظرله باحتقار وتتضايق لما يكون التاكسى بتاعه نفس ماركة عربيتك ,,,, وباقترح عليك انك تكلم شركة من شركات العربيات يعملولك موديل وبعد ما يخلصوه ما ينزلوش منه تانى عشان ما يجيش واحد حقير يشتريه ويعمله تاكسى و ينغص عليك حياتك تانى ,,,, يا اخى الفاضل من تواضع لله رفعه وياريت نسيبنا بقى من التعالى والغرور اللى موجود بيننا ده ,,,, ولا هى عادة مصرية ,,,, من تواضع لله رفعه
يا جماعه ارجوكم انتوا بتتناقشوا فى العربيات وايه اللى يصلح وايه اللى لا فياريت ما نخرجش عن كده وبلاش الغلط فى السائقين لان هما بنى ادمين زينا وزى ما قولت قبل كده مافيش قاعدة بتقول ان سواق الملاكى بيفهم والتاكسى لا
اتفق معاك و اشفق على جميع ملاك الهيونداى من البهدلة و الزحمة اللى حاتبقى فى التوكيل و ادعوهم لبيع عربياتهم لسواقين التاكسى و يقلبوا الدفة على غبور
مش لوحده و الحكومة كمان معاه ،علشان التاكسيات دى ما اعتقدش انها كلها حاطحط بنزين 80 (اللى ممكن يتلغى فى اى وقت اساسا) و حاتستعمل ال 90 و بكده يبقى الحكومة ضربت اكتر من 3 عصافير بطوبة واحدة (جمارك مكونات الفيرنا و البنزين ال 90و فوائد الاقساط و رسوم الترخيص للعربيات الجديدة)
اللي بيسوق 124 و 1300 و العربيات القديمه دي بيبقي محترف و عارف هو بيعمل ايه
لما حيركب عربيه من الجداد مش حيخبط و لا الكلام الفاضي دا بالعكس حيضايق شويه من الكبود اللي مش متعود انه ما يشفهوش لكن الامور حتبقي عاديه جدا
حتلاقي السواقين بيجروا بعقل و بيتحكموا في العربيه كويسه و دركسيون مضبوط و فرامل بتوقفه يعني مش حيعمل مشاكل لان سواق التاكسي دا سواق بجد مش واحد معاه قرشين راح اشتري عربيه يرازينا بيها في الشوارع و خلاص
للاسف يا اخى انا فعلا عايش فى مصر ,,, وفعلا انا ما سوقتش كتير ,,, بس انا عارف ان سلوكيات السواقين فى مصر من الاخر زفت ولكن انا ضد التقسيم بين الملاكى والاجرة والكلام ده لان الحالة عامة يا جماعه ,,, ومعلش لو كلامى كان بيضايق بس انا بيستفزنى الكلام بالطريقة الطبقية الواضحة فى الموضوع ,,,, وبصراحة احسن تعبير عن حالة المرور فى مصر الفيديو الرائع اللى بييجى فى التليفزيون بتاع قانون المرور اللى فيه كل واحد بيعمل مصيبة وفى نفس الوقت بيعيب على اللى سايق جنبه وهو ده اللى بيجرى فى الشارع فعلا كل واحد فاكر نفسه هو اللى بيفهم والباقى فى الضياع
واستفزنى اوى ان الاخ محمدمضايقه اوى ان فى تاكسى من نفس ماركة عربيته طب امال يقول ايه على التكاسى فى نييورك والدول العربية وفى اوروبا ,,, حاجة اخر جمال وعادى يعنى ما هو التاكسى ده بينفعنا وبنحتاجله برده ولازم يكون حاجة نضيفة بدل العربيات اللى بنركبها ونشم بنزين الموتور طول ما احنا راكبين
وعامة انا خلاص مش هاكمل معاكم لو كلامى بيضايقكم يا جماعه
والسلام عليكم ورحمة الله وبركاته
معنى كلامك هو حاجة واحدة فقط.. انت فهمتنى غلط
انا عمرى ما احتقرت انسان لانه فقير او غلبان و خلافة... انا احتقر الانسان الهمجى و اللى بيعتدى على حقوقى
و على فكرة انا لا اتولدت لقيت عربية باسمى ولا كان عندنا سواق... انا لحد وقت قريب كنت بركب مواصلات و احيانا بقديها مشى و العربية اللى اشتريتها جايبها مستعملة و فلوسها واخدها قرض من البنك... كلنا ولاد تسعة و اسال عنى اى حد فى المنتدى حتعرفنى كويس
المهم... نرجع للتكسجية...
لما ابقى ماشى فى الشارع و الاقى واحد عايز يخبط عربيتى و يبلطج و يقطع طريقى عشان يلف قبل منى او يدخل ملف من قدامى و يتسببلى فى حادث انا لوحدى اللى حتحمل تكلفتة يبقى اسف... لازم ابص عليه بالشكل دة... و انا لسة حاكى فى موضوع تانى عن التككسجى اللى لف شمال و قطع 3 حارات من قدامى عشان يلف من اليوترن و قبلها ب 3 اسابيع بتاع مكروباص لقى عربية راكنة فى مطلع اكتوبر راح محود يمين و دغدغ باب عربية والدى الافيو و اتكلفت 6 الاف جنية... يا راجل يا طيب دا مرة تاكسى وقف قدامى على كوبرى اكتور عشان واحد شاورلة.... تفتكر دة بنى ادم؟؟؟؟
و سهل اوى تلاقى تاكسى ماشى بسرعة 5 كيلو فى الساعة و كل زبون يشاورلة يقرب عليه و يقف... يسمع المشوار و ميعجبوش و يمشى تانى و يقف لواحد بعدة ب 3 متر و يسمع المشوار برضة و ميعجبوش برضة و يدخل على التالت و هكذا... كل دة و هو حاشرك ورا منة... طيب دة لو راجل بيدور على رزق و اكل عيالة ميرضاش يركب زباين بالشكل دة؟؟؟ و طبعا تبقى ليلة سودة لو مشيت قدام التاكسى و هو مركب زبون و انت ماشى بسرعة اقل من 190 كيلو لان الباشا معاه زبون و عايز يوصلة و الود ودة يطير من فوق الناس عشان يوصل بسرعة
دا احنا بنتكلم عن علاقة بينا و بين بعض على الطريق... تخيل بقى لما تركب مع تكسجى و تحس انه بيتقالط عليك عشان يقفلك و بعد ما تقولة على الحتة اللى عايز تروها يفكر شوية و لو معجبوش المشوار يحط اولانى و يمشى ولا اكنك كيس جوافة واقف... و لو ركبت معاه يقولك عايز 100 جنية فى مشوار ميساويش ربع جنية و ممكن ميرضاش يخش الشارع اللى تقولة عليه ولا اكنك بتشحت من اللى خلفوة
كل دة ان دل فهو يدل على عقلية السواق فى مصر و انا كنت وضحت ان مهنة السواق فى مصر لا تحتاج لاى مؤهل سوى نجاحك فى محاولة استخراج الرخصة المهنية و بالتالى اى عاطل يطلع رخصة يبقى سواق... دة ادى الى ظهور نوعية الشخصيات اللى بنشوفها فى الشوارع و سايقين العربيات الاجرة و المكروباصات
الفقر مش عيب... الجهل ممكن يتعالج... انما البلطجة و فتحة الصدر و العافية ملهاش دوا... و اللى الحاجات دى هى دستور حياتة و اللى معندوش مانع يدوس على الناس و يضرهم عشان مصلحتة يبقى ميستاهلش انه يبقى بنى ادم ولات يتعامل على انه بنى ادم
وصلت الفكرة؟؟
MMamdouh
فى نيويورك و فى كل حتة فى الدنيا مفيش زى تكسجية مصر و فهلوية مصر... مينفعش تيجى على حاجة فى مجتمع مختلف تماما عنا و تعممها علينا
فى بعض الدول المتحضرة انت بتاخد فاتورة باجرة التاكسى و الحساب حسب العداد و السواق بيبقى انسان محترم... لما تتوفر الحاجات دى فى مصر ساعتها مش حزعل
MMamdouh
دة اللى انا خايف منه
اذا كان غبور حاليا يبرر سبب اهماله و سؤ صيانته
بأن لديه ضغط كبير بسبب كثرة السيارات التى يقوم بصيانتها
فما بالك لما التاكسى القديم يتحول الى فيرنا
لا شك ستحدث كوارث فى هذا التوكيل
و سنرى المشاجرات على اعلى مستوى من سائقين التاكسى مع مهندسين التوكيل
لان سائقين التاكسى لن يمر اهمال و نصب غبور عليهم بالساهل مثلنا
و لن يسكتوا و سوف يتركبوا جرائم هناك
السلام عليكم ورحمة الله وبركاته
اللادا الروسى فقط
طبعا انا بقول ده لعدة اسباب هى :
1- الهيونداى المصرى كلها مشاكل وكفايه ان كل مالكى الفيرنا الزيرو بيشتكوا من ان العربيه بتحدف يمين وخفيفه وضيقه من الخلف وبتحك فى المطبات عند تحميلها ل3 اشخاص من الخلف ده غير مشاكل التصنيع والذهاب للتوكيل وانتوا عارفين الباقى
طبعا كل الحاجات الى ذكرتها اظن انها تكفى ان تخرجها تماما والى الابد من اعتقاد البعض انها تصلح كتاكسى فى المدن الكبيره والمكسره مثل القاهره والاسكندريه والزقازيق وغيرها وممكن ( مع الكثير من التحفظات ) ان تستخدم فى محافظات اخرى
2-الشاهين بقى زى الفل فى الملاكى وده ليه ! لان الملاكى مش هيحس بمشاكلها اقصد هنا مشاكل التقفيل المصرى تخيل حضرتك راكب عربيه الكاوتش والجنوط والطنابير وتيل الفرامل والفرش وحجات تانيه كتير مصرى
ده حضرتك اول توصيه من مهندسين الشركه انك اول متستلم العربيه تغير الكاوتش والجنوط علشان تحافظ على العفشه !!!
هى العربيه ممتازه للملاكى وهتعيش معاه لكن التاكسى حاجه تانيه
3- اللادا المصرى نفس عيوب الشاهين واكتر شويه نظرا لقله الخبره بالتوكيل عن توكيل الشاهين
4- اللادا الروسى هيه ديه الوحيده الى ممكن تبقى تاكسى ليه علشان الاتى :
1- قويه وتستحمل وصاجها جامد
2-قطع غيارها رخيصه جدا والاصلى كمان
3-سعرها زيرو 52 الف يعنى ارخص الموجود
4- موتورها ميكانيكته بسيطه وسهله جدا جدا
5-عملوا فيها تعديلات بحيث لا تتاثر بالحراره مثل الادا القديمه
6-الكاوتش من اغلى الانواع وتيوبلس
7- اوسع من الداخل من الشاهين والفيرنا
8- عفشتها بتاعت نصف نقل وعدلوا مشاكل البيض باللادا القديمه
9-اى حاجه تحصل فيها تصلحها بنفسك ومش محتاج لا توكيل ولا حتى ميكانيكى
10-التقفيل مش مصرى ( وديه اهم حاجه ) يعنى العربيه هتفضل مع السواق كام سنه على ما تبدأ مشاكلها
11- ممكن تركبلها شبكه وتحملها نصف طن ولا يهمك وشغاله
وحجات تانيه كتير ويعتبر شكلها القديم شويه هو مشكلتها فقط لكن التكنولوجيا القديمه ديه هيه الى تنفع شوارعنا وظروفنا ومستوى الدخل عندنا
واعتقد ان كلنا عارفين كويس قوى ان الكورى ورق والشاهين كمان بسبب ان صاجها تركى وحجات تانيه صينى على حبه مصرى يعنى كوكتيل وكله بيمشى فى مصر
لكن التاكسى عاوز عربيه جامده وتعيش ومش كوكتيل يعنى عربيه اصيله من بلادها علشان تشتغل وتوفر عليه فلوس ده فانوس الفيرنا ب 750 جنيه واللادا ب90 جنيه طبعا الفرق ده هيروح للسواق الى بيلف فى الشوارع المكسره وبيعمله 300كيلو متوسط يوميا
وشوف كمان باب الشاهين ولا الفيرنا ( الشاهين افضل ) هل تعتقد انه يستحمل فتح وغلق اكثر من 150مره يوميا طب وان استحمل شهر ايه الى هيحصل بعد كده انما الادا صاجها جامد جدا ومصممه للاستعمال الشاق وتستحمل كل ده وبالعكس بابها عاوز يتعامل بقوه علشان يقفل تمام !!
اكرر اللادا الروسى فقط
اللادا الروسى فقط
اللادا الروسى فقط
اللادا الروسى فقط
اللادا الروسى فقط
تحياتى وتقديرى
بس كده تمام ,,, انت كده بتنتقد الحالة ما انتقدتش الفئة ,,, لان فعلا اللى انت بتقوله ده مشاكل موجودة وبنواجهها كل يوم ,,,, يعنى انا ياما ركبت مع سواقين تاكسيات بصراحة عشرة على عشرة ومحترمين جدا وفى ناس كان بيبقى هاين عليا لولا الحرمة انى اقلع اللى فى رجلى واضربه بيه لانه بيبقى من فئة الى انت بتقول عليهم دول
وعامة الخلاف ما يفسدش النقاش مادام باحترام وانا كل هدفى انى انبهك لحاجة لاحظتها فى كلامك مش اكتر وبرده انا مقتنع ان الحالة عامة بس اللى بيفرق بس ان اللى سايق ملاكى مش بيفضل يركن كل شوية عشان يركب حد ,,,, يعنى فعلا انا ساعات بركب مع ناس بيحسسنى انى راكب ميكروباص مش تاكسى كل اما يشوف حد يميل ويبصله لدرجة خلتنى اتخنقت وانا راكب تاكسى عشان اوصل شغلى بسرعة ,,, بس ما ينفعش انى اقول ان كله من العينة دى
وسلام مؤقت
اقولك برده يا اخ محمد على حاجة كده فى دماغى ,,, انا باعتقد ان قطاع التاكسى فى مصر الحكومة مصرة انها تسيبه كده ماشى بنظام البزرميط ,,, عشان الناس يفضلوا يعملوا مشاكل مع بعض ويلاقوا حاجة يتلهوا فيها وكمان عشان يبقى فى حاجة مميزة اللى هى تاكسى العاصمة وحاجة معفنة اللى هى التاكسى العادى ,,,, وانت عارف ان دى من مميزات بلدنا اللى بيتهيالى مش بتتكرر فى بلاد تانية ,,,, لان احنا بلد المميز والعادة
وربنا يرحمنا من اللى بنشوفه كل يوم يا اما بالهجرة يا اما باللى صعب اوى يحصل وهو انضباط الناس
لا حول و لاقوة الا بالله
هو حد قال انه هيخبط الناس !!!!!!!!!!!!!
انت بتجيب الكلام دة منين؟؟؟؟؟؟؟؟؟
احنا بنقول ان حتصله صدمة الانبهار و التحول من سيارة عدمانة الى سيارة سريعة و حديثة
و لاشك ان ذلك سيغير من سلوكه يا اما للافضل او للاسوأ
فلننتظر و نرى ماذا سيحدث فى المستقبل ان شاء الله
استهدى بالله كدة و لا تسبق الاحداث و لا تضع لنا كلام لم نقوله كالعادة
انا متفق معاك يا حازم
يا جماعة الناس دي متعوده تسوق عربية فيها غيارين مبيجوش
و من غير فرامل و يوقف العربية بالتوقع
الردياتير مبيتحطلوش مية و الازازه جنبه و يدور العربية بسلكتين
و طبعا المرايات خيال علمي
عربية حديثة ايه و قديمة ايه ما هيا فرامل و بنزين و دبرياج
خلاص يعني نسيتوا العربيات القديمة ، و كلنا جيل التكييف و الباور و الأتوماتيك
و الرخصة هيجبهالي انكل شريف
انا معاك جدا ف الكلام يا باشا..
بس مع تعليق صغير قوي..
ان ده كان في السواقين اللي كان خلقهم واسع.. و هاديين بتوع زمان..
اللي هما دلوقتي فوق ال55 سنة و انت طالع..
لكن جيل سواقين دلوقتي.. مش زي زمان خالص.. معظمهم مش زي مانت بتقول الا من نسبة صغيرة..
معظمهم طالع ع الشاهين و البيجو.. و كله ايجار.. يعني يشتغل علي عربية حد مش عربيته..
تحياتى لك
عجبنى اوى كلامك عن اللادا
و اتمنى فعلا ان يكون حلوا جميع مشاكلها و خاصة التبريد و البيض الامامى
لان هذه العيوب هى التى جعلت كثير من الناس و منهم سائقى التاكسى يتجنبوا اختيارها
صحيح الروسى متين و لكن الشكل غير عاطفى رغم ان اللادا انتجت
اشكال جديدة افضل و لم ينزل منها فى السوق المصرى