فعلا في بورسعيد التاكسي كله تقريبا بلا استثناء فيرنا و اكسنت قديمة
و كله محول غاز و لما ركبته كان ادائه عادي جدا
و طبعا مبيشفوش التوكيل
معتقدش ان غبور او ابو الفتوح او شركه النصر حتي هيبقي ليها دور في الموضوع ده
لانه ببساطه صعب اوي انك تلاقي سواق تاكسي بيصلح عربيته في التوكيل حتي لو كانت شاهين
الحاجة ام الاختراع
لو مش ح تصمد .... الميكانيكية والعفشجية والصنايعية ح يخلوها تصمد ....وكل ما العدد زاد كل ما القطع رخصت
مشكله حكايه الصانيعى المحترم دى اليومين دول بقى عامل زى الافيونه
و لما الطلب على الفهلوية حيزيد... حتبقى مشكلة اكبر
MMamdouh
انا معايا فيرنا 1600 بحط منه النوع اللى اسمه فيسكو 2000 بيقولى ده المفروض يمشى عشره الاف كيلوا انا بصراحه بمشى عليه 3000 او 3500 بالكتير نظرا لرخص السعر
يا جماعة مش مشكلة للدرجة دي ،،
انتوا نسيتوا ان الفيرنا اكبر حجم مبيعات ملاكي في مصر
يعني مش عربية غريبة و هيحصلها طفرة مرة واحدة
ده غير اخواتها الأكبر نفس الموتور ،،
انا سمعت من واحد في غبور
انها اكثر موديل سيارة مبيعا في تاريخ مصر ،، طبقا لتقرير ايميك
مفيش اختراعات يعني ،،
مع احترامى لكلامك بس المواصفات اللى انت بتوصفها دى تنطبق على سواقين ميكروباصات مش سواق تاكسى مرمى فى الشارع على الاقل 12 ساعة بيسوق والشاذ منهم هو اللى بيبقى بالمواصفات دى ,,, يعنى ما ينفعش نعمم و مشكلة السواقة فى مصر عامة انه كله بيقول على غيره انه ما بيعرفش يسوق وبيبقى فاكر نفسه مايكل شوماخر للاسف ,,, يعنى انا النهاردة باشمهندس سايق عربية "ملاكى" وجايب الشارع بضهره وانا كان وشى لاتجاه العربيات والبيه خبطنى فى ضهرى وداس على رجلى وبيقولى معلش وكمل رجوع بضهره ولا كان فى حاجة حصلت ,,, هاقول انا بقى على سواقين الملاكى انهم ما بيعرفوش يسوقوا وعفجية لا طبعا لان مش كل اللى بيسوقوا وحشين ,,, وعامة انا فى امنية نفسى شركات العربيات تعملها فى العربيات اللى بتنزل مصر يلغوا الغيار بتاع المارشدير او يحددوله مسافة رجوع ما تزيدش عن تلات او اربع امتار عشان البهوات اللى فاكرين نفسهم فى الملاهى وبياخدوا الشوارع بضهرهم لما تفوته دخله ولا حاجة ويكسل يكمل شوية ويخش من دخله غيرها