oxygen sensor error

**ahmedbadr_99** · 14-03-2013 11:53 AM

السيارة بولو 98
يا جماعه حساس الاكسجين اللي موجود في الفرن بتاع الشكمان اللي خارج من الموتور علي طول
لو قاري فولت او ايرور دي يخلي استهلاك العربية في البنزين عالي ؟
عربية 1000 سي سي لما تكون بتعمل 200 في ال 20 لتر جوه البلد ده مش طبيعي صح؟

**Ahmed pico** · 14-03-2013 01:40 PM

ده حلو ....................*انت عايز اكتر من كده ايه ؟؟؟

رجاء مراعاه الالفاظ اللتي يتم كتابتها علي صفحات المنتدي من قبلكم
في حاله التكرار سيتم وقفك
مشرف عام 1

**ahmedbadr_99** · 14-03-2013 02:25 PM

حلو ....................علي اي اساس !!!!!!!!!!!!!!!!!!!!!!!!!!!!!!!!!!
علي اساس ان راكب عربية 1800 سي سي ولا 200 سي سي
المفروض 1000 سي سي تعمل بالميت 270 الي 280 تقريبا جوه البلد
وبعدين هو موتور البولو لو خفيف بياكل مياه يعني تقعد كل شويه تزويد مياه في القربه ؟
ولا ده ممكن يكون عيب تسريب في دوره المياه

رجاء مراعاه الالفاظ اللتي يتم كتابتها علي صفحات المنتدي من قبلكم
في حاله التكرار سيتم وقفك
مشرف عام 1

**SYD** · 17-03-2013 01:18 AM

فعلا الأستهلاك عالي نوعاً ما
ولكن انت ماتقدردش تحدد الأستهلاك طول مانت جوة البلد
بس علي كل الأحوال هو فعلا عالي

ولكن لي بعض الأسئلة ياريت تجاوبني عليها
متوسط سرعة حضرتك - سواء جوة البلد او علي الطريق المفتوح
عدد الكيلو متر المقطوع يوميا
عدد مرات التشغيل والأطفاء للمحرك خلال مدة حساب الأستهلاك - ودة له علاقة بالسؤال السابق - يعني هل بتدور وتبطل العربية علي فترات متقاربة ولا متباعدة ؟؟؟؟ يعني لما بتدور وتتحرك بتمشي كام كيلو لحد لما توصل وجهتك وبعدها بتبطل ؟؟

ثانيا ودة الأهم
عرفت ازاي ان حساس الأكسجين عامل ايرور ؟؟ هل تخمين ولا كشفت كمبيوتر ؟؟

ثالثا
المياة بتنقص من امتي ؟؟ وبتزودها كل قد ايه ؟؟ وبتحط سائل تبريد ايه ؟؟

ولكم مني كل التحية

**ahmedbadr_99** · 17-03-2013 10:56 AM

بالنسبه بقي للمياه
مفيش تسريب واضح
بس ان كل ما روح اي مكان حتي لو الطريق فاضي اول ما اقف بالعربية واطفئ الموتور اسمع صوت المروحه يفضل شغال شوية وبعدين تطفئ
ودلوقتي بقي بقت السرعه العاليه هي اللي شغاله زي ما اكون مشغل التكييف
والمياه ممكن تنقص كل اسبوع وتنور في التابلوه واضطر ازودها من القربة
المفروض ان دي دوره مغلق والمفروض ماتقلش المياه منها !!!!!!!!!!!!!!!!!!!!!!
الحاجه التانيه العربية بتعمل صدا تحت كاوتش االباب اللي ملزوق فوق القائم الامامي . مش عارف اعمل فيه ايه لما شلت الكوتش لاقيت المصنع لازق الكاوتش فوق الاقايم بماده قعدت افك الكواتش لاقيته مجمه كميه صدا تحت الكواتش من كتر الغسيل .اعمله ولا اسيبه . وبعدين ل فكيت الكاوتش واتصنفر مش لازم ادهن القائم من بره وبعدين الزق عليه الكاوتش مره تانيه .وهل هايرض يلزق
رخمه جدا موضوع ان القائم يبق متغطي بالباب بتاع العربيه . اغلب العربيات بيكون تفتح الباب كده تلاقي القايم ظاهر بوضوح اما البولو دي ارخم حاجه فيها

**SYD** · 17-03-2013 04:07 PM

المشاركة الأصلية كتبت بواسطة ahmedbadr_99

الحساس كان فعلا مش مظبوط علشان كشفنا عليه بالكمبيوتر عند مركز الصفا
وقاس نسبة co علشان يعرف اذا كان الحرق مش متظبط .لقاه وتظبط وبعدين وعمل اسكان لكمبيوتر العربية ولقي ان حساس الكسجين عامل ايرور وراح ماسح المشكله دي
وقاللي جرب كده وشوف
المهم . من بعدها استهلاك البنزين بقي حلو ماشاء الله جدا يعني بتعمل تقريبا 270-280 جوه البلد ده بقي في الزحمة بتاعت الشارع , وتحس بخير ال 1000 سي سي في استهلاك البنزين والمؤشر بينزل واحده واحده
انا الاول كنت افول التانك يعمل معايا 450 مثلا
دلوقتي ماشاء الله جربت اسافر بيها كنت ماشي 140 ومشغل التكيف وكانت عامله 260 في الصفيحه
علشان كده يجماعه لو الميكانيكي قاللك ان في حساس اكسجين قاري ايرور وده عادي كل العربيات كده . ماتسمعش كلامه روح الغي الايرور او غير الحساس وهتحس بفرق الاستهلاك الجامد ده

كدة تمام
الأستهلاك دة لسة كمان هيتظبط معاك بشوية سيرفيس ومنظفات وكلام من دة
المفروض البولو استهلاكها اقل من الأبيزا عشان الوزن وبتوصل لحد 330 كم في الصفيحة

وجزئية الفتي دي معاك حق فيها
معظم الميكانيكية بالنسباله حساس الأكسجين يعني دخنة سودا
وبيرددوا كلام بعض وهما مش فاهمين - يقولك نلغيه ومالوش لازمة

رأيي تعمل سيرفيسك صح وتنظف الرشاشات والبوابة والتانك - هتلاقي الأستهلاك فرق اكتر كمان عن كدة

تحياتي

**SYD** · 17-03-2013 04:11 PM

المشاركة الأصلية كتبت بواسطة ahmedbadr_99

بالنسبه بقي للمياه
مفيش تسريب واضح
بس ان كل ما روح اي مكان حتي لو الطريق فاضي اول ما اقف بالعربية واطفئ الموتور اسمع صوت المروحه يفضل شغال شوية وبعدين تطفئ
ودلوقتي بقي بقت السرعه العاليه هي اللي شغاله زي ما اكون مشغل التكييف
والمياه ممكن تنقص كل اسبوع وتنور في التابلوه واضطر ازودها من القربة
المفروض ان دي دوره مغلق والمفروض ماتقلش المياه منها !!!!!!!!!!!!!!!!!!!!!!
الحاجه التانيه العربية بتعمل صدا تحت كاوتش االباب اللي ملزوق فوق القائم الامامي . مش عارف اعمل فيه ايه لما شلت الكوتش لاقيت المصنع لازق الكاوتش فوق الاقايم بماده قعدت افك الكواتش لاقيته مجمه كميه صدا تحت الكواتش من كتر الغسيل .اعمله ولا اسيبه . وبعدين ل فكيت الكاوتش واتصنفر مش لازم ادهن القائم من بره وبعدين الزق عليه الكاوتش مره تانيه .وهل هايرض يلزق
رخمه جدا موضوع ان القائم يبق متغطي بالباب بتاع العربيه . اغلب العربيات بيكون تفتح الباب كده تلاقي القايم ظاهر بوضوح اما البولو دي ارخم حاجه فيها

لا كدة لازم يكون في تسريب او لا قدر الله جوان وش السلندر
بس خلينا في الأسهل وهو التسريب
تشيك علي جميع الوصلات والخراطيم والقربة والردياتير وطبات الموتور
لازم لازم لازم هتلاقي صدأ في حتة معينة وبالتالي تسريب من الحتة دي
المروحة تشتغل علي السرعة العالية حاجة من اتنين - اما تهييس في الفيشة بتاعتها بسبب عك اي كهربائي او الردياتير مسدود سدد السنين وبالتالي الحرارة بترتفع بشكل غير طبيعي فالمروحة بتعوض الفرق دة بزيادة السرعة

راجع مرة تانية علي الدورة عندك بالكامل من اول الردياتير رجوعا مرة اخري للردياتير

ممكن اوصفلك حد كويس في جسر السويس تروحله لو انت قريب من هناك

تحياتي