الموضوع: افضل زيت مناسب للريجاتا على الاطلاق هو :)

المشاركة الأصلية كتبت بواسطة nicegypt

السلام عليكم ورحمة الله .

هنتكلم فى الموضوع عن افضل زيت مناسب للريجاتا
كتالوج الصيانة بيقول نستخدم لزوجة 10-40 ودة طبعا مينفعش معانا لاكثر من سبب
لاننا اولا من البلاد الحارة خصوصا فصل الصيف .. بالاضافة ان المكنة بتاعتنا عملت كيلومترات كتيرة جدا
ومهياش زيرو .. لاحظو من الجدول الاتى معدل اللزوجة ودرجات الحرارة المختلفة التى يتفاعل معها الزيت



زتونة الموضوع بقا : :e_braces[1]:
حسب تجاربي لانواع زيوت كتيرة لقيت ان شيل الاحمر xhp متعدد الدرجات 20-50
هو الافضل . بعد استخدام دام 3 سنوات حتى الان .

صوت الموتور هادي
معدل التبخير بتاعة ضعيف
بيستحمل الحرق والشد
معامل اللزوجة بتاعتة ممتازة حتى بعد الاستخدام بيكون لسة فية لزوجة
تنظيف جيد للموتور من الداخل خلال 500 ك متر
بيقعد ف العربية 3 الالاف كيلو

اسوء تجربة ليا كانت مع موبـيل " اكتر من منتج " مش فاكر اسماءهم بس كلهم 20-50 و 50 احادي
بعد اول الف كيلو لقيت الزيت عامل زي المية " معامل اللزوجة قل "ولاحظت ان التبخير بتاعة عالى بداءاّ من 500 ك وعلى الفور رميتة وقلت اجرب شيل .. لتبدء معة قصة حب دامت 3 سنوات ومازلت استخدمة حتى الان .. انصح مالكى الريجاتا بأستخدام زيت شيل
" المفروض يكون لي نسبة من شيل على الاعلان دة "

اتمنى تشاركونى تجاربكم وتقولي لي بتستخدمو زيت اية وبكام ؟؟ ومعدل التبخير بتاعة ؟ واللزوجة ؟
لان ممكن يكون فية حاجة افضل من شل لية لاء .

السلام عليكم أستاذ نا الكريم ورحمة الله وبركاته
أضم صوتى لصوت المهندس حسين - أعزه الله - وفعلا زيت شيل الأحمر معدل اللزوجة 20- 50 هو الأنسب للريجاتا ودا طبعا بعد نصيحة م / حسين وعن تجربة دامت لما ييقرب من العام وبعد تجربة أنواع كتييييييييير مشهورة ولها اسم ولكن ليس لها حظ مع الريجاتا
تحياتى لأعضاء الريجاتا المحترمين

على فكرة أنا بعمل حاجة لضمان جودة الزيت وهى
كل ما أحتاج زيت شيل أشترى جركنين من مصدر معتمد وموزع معروف فى منطقتى وهى الزقازيق وأروح لبتاع الزيت ييقوم بتغيره وخليه يغسل المكنة بالمرة
دا أفضل حل من وجهة نظرى لضمان جودة الزيت وعدم التلاعب به لأن لى قصة مريييييييرة مع الخداع كلفتنى الكثير
دمتم فى رعاية الله وأمنه

على فكرة أنا بعمل حاجة لضمان جودة الزيت وهى
كل ما أحتاج زيت شيل أشترى جركنين من مصدر معتمد وموزع معروف فى منطقتى وهى الزقازيق وأروح لبتاع الزيت ييقوم بتغيره وخليه يغسل المكنة بالمرة
دا أفضل حل من وجهة نظرى لضمان جودة الزيت وعدم التلاعب به لأن لى قصة مريييييييرة مع الخداع كلفتنى الكثير
دمتم فى رعاية الله وأمنه

ألف شكر يا حسين بيه على النصيحة و جارى التجربة ..... أنا طول عمرى بجيب الزيت من البنزينة و عمرى ما جبت من محلات ... و الفلتر برضه بجيبه من بتاع قطع الغيار و قبل ما أحتاج أغير الزيت بشوية بجيبه و أيبه فى العربية و الزيت كده برضه علشان أما أعوز أغير مفضلش ألف و أدور عليهم

ياريت اعرف عامل كام زيت شيل وهل بيتباع فى البنزينات العادية ولا لا
وايه موضوع الفلتر ده علشان انا معلش مش فهمه
ارجو الرد سريعا علشان ناوى احط زيت بكره فى العربية

شيل الاحمر صراحة شركة شيل لها كل الاحترم والتقجير بعد تجربات مريرة فى مجال تغير الزيت
بس صراحة تمنه يعنى 85 جنية ؟؟ يبنول على كام كيلو دة
وايه الفرق بينه وبين شيل الاصفر ؟؟
ولك من جزيل الشكر