احبائي واصدقائي ..
اسعد الله حياتكم ...

ليس من واقع الخيال ولا (( فيلم عربي )) مهروس .. الحوار اللي حصلي انا والفيرنا

بداية انا با اكتب الموضوع ده عشان الكل يعتبر ويخلي باله وربنا يسترها علينا وعليكم ويعدي الايام دي علي خير ....

التوقيت الساعة 12 ظهرا ..والمكان (( طريق عمومي بين السبتية والنايل تاور ))
الظروف ...(( عاوز اركن العربية واطلع ازور صديق لية ))

بداية انا بالطبع با البس الحزام بتاع العربية .. وقبل ما اطلع كل يوم با اقفل ((((( اللوك )))))
يعني العربية مقفوله وشادد الحزام ومافيش (( شنطة ولا حاجه جوة العربية غيري )) وكيس مناديل ورق ( فاضي )

كده تمام .. لغاية كده وأوكية

ماشي في امن الله وطبعا فية هناك ناس (( بلطجية )) بياخدو الشاي بتاعهم بال 15 جنية عشان اركن ..
المهم ..
وانا ماشي با دور علي حد ..لقيت (( عدد 2 ست )) ستتين يعني من النوع اللي بيطلع في الافلام
وراجل زي (( الدرفيل )) راح مقرب علي الباب وبيسألني
(( ها تركن يا عامبئونا ))


مسافت با ارد علية ومرة واحده لاقيت الستتين دول بيفتحو باب العربية الوراني والباب اللي جانبي ..
مسافت ما برجع ابوص علي (( عم الدرفيل )) لقيتة ماسك في الاكرة بتاعت الباب وعاوز يفتحها شرحة ومادد ايده جوة العربية بيحاول يفتح اللوك كمان
الحوار ده تم في (( 10 ثواني )) فقط بس حسيت اني ((( ها اتهرس )))
وسمعت واحده من الستات دول بيقول .. (( اركبي اركبي ياله ))

وبدون تفكير ..((( حطيت رجلي علي البنزين ))) وما شوفتش قدامي
العربية (( فاطت )) الحمد لله

وسحلت الراجل جنب العربية والارض وحسيت اني طلعت علي رجله كمان
ووحده من الستات بعد ما بصيت انا في المراية لاقتها (( بتدحرج )) علي الارض والتانية عرفت تبعد بعيد عن العربية

مشيت مسافة مثلا قد 20 ل 30 متر لغاية ما الراجل ساب العربية ...

وبالصدفة البحتة ..(( لاقيت جراج عمومي )) دخلت فية بدون تفكير
الحمد لله ان البوابة بعيدة شوية عن المدخل ...


ووقفت (( القط نفسي ))
(( حسيت ان جسمي كلة ورم وعنية ها تبوظ وشعري وقف ))
لغاية ما الراجل بتاع الامن نده عليا مرتين وخرجلي (( خايف مني ))
(( في اية ... فية اية )))

قلتله عاوز اركن بس .. قالي طيب اتفضل هناك
وبعد حوالي (( نص ساعة ل ساعة الا ربع )) نزلت من العربية وعرفت امشي

با بوص علي عامل الامن .. قالي ربنا ستر ..فية ناس حكولي وعرفت ان الحوار ده حصل معاك
(( كنت ها تتثبت انتا والعربية وماتطلعش تاني )) كانو ها يا خدوك العزبة

الزمن توقف للحظة ... وبدات اتحول من خوف ل (( غضب شديد )) ممكن (( ادشمل العربية واهرسهم كلهم واروح فيهم في 60 داهية و اخلص الناس منهم ))

بتاع الامن شدني ..قالي (( يابية دول ناس شغلتهم كده وماحدش بيسلك معاهم ..))
خد عربيتك وامشي وماتجيش هنا تاني ...

وفعلا .. ده اللي انا عملته ...
والغريبة ... الناس كلها في الشارع ده عارفين قطعين الطرق دول وماحدش اتصرف ...

وفعلا حلفت مش ها اهوب من الشارع ده تاني .....
وربنا ستر

الخلاصة .. اقفل بيبان عربيتك من جوة وانت سايق .. ودايما تكون مستعد تجري

اسيبكم بصحة وسلامه