مشكلة جامدة فى الكهرباء للخبراء وارجوا الرد بسرعة

**gohaaa707** · 14-03-2013 06:01 PM

السلام عليكم اعضاء المنتدى الكرام
والله انا عندى مشاكل كتييييييير قوى ومش عارف اعمل اية فيها ؟؟؟؟؟؟ انا اشتريت عربية هيونداى اكسيل موديل 1994 من حوالى 5 اشهر ومن ساعت من اشتريت العربية وانا بصرف عليها مصاريف كتير قوى ومش عارف لغاية امتى وحليت فيها مشاكل كتير قوى وبقت احسن والحمد لله ودلوقتى انا عندى مشكلة كبيرة ومش عارف ليها حل ؟؟؟؟ والمشكلة هى ان العربية بتسخن وانا ماشى والمراوح بتقف عن العمل
1- روحت لكهربائى قالى ان الكتاوت محروق وشغلى المروحتين ( الريداتير والتكيف مع العلم انة مش شغال ) على كتاوت واحدة وبعد اسبوعين حصلت نفس المشكلة ؟؟؟
2- روحت لواحد تانى قالى ان اللى حصل غلط وضغط المروحتين عالى على كتاوت واحد بس ففصل مروحة وخلى مروحة واحدة بس شغالة وقالى ان لكل مروحة كتاوت ... وبعد شهر حصلت تانى نفس المشكلة ؟؟؟
3-روحت لواحد تانى قالى ان الكتاوت محروقة وغيرتها وقالى مشكلة جديدة ان العربية محتاجة ضفيرة علشان اللى عندى بايظة ومحتاجة تغيير وهى دى اللى عاملة المشاكل دى كلها !!!!!!!!
حراااااااااااام اللى بيحصل فية دا
4-روحت لواحد تانى طبعا بعد لما المراوح فصلت تانى وقولتلوا يعملى مفتاح اوتوماتيك على البطارية من التابلوة علشان لو حصل الموضوع دا تانى انا ما اعطلش فقالى انى محتاج ضفيرة علشان اللى عندى بايظة وفيها كبارى كتيييير جداااااااااااا مصدقتوش
5- واحد صاحبى اخدنى عند واحد ثقة وشاطر وقالى نفس الكلام وقالى انة هيحاول انة يرمها لانى مش معايا فلوس دلوقتى وهو شغال فى الضفيرة ظهرت مشكلة تانية ان الزجاج والسنتر مش عايز يشتغل خالص وفك وحدة الرفع وحواااااااااااااااااااار كتييييييييييييييير بقالى فية يومين تلاتة كمان الراجل قرف وانا قرفت اكتر منة ومش عارف اعمل اية خالص
6- ياريت اللى عندة خبرة يرد علية ويدلنى لان خبرتى قليلة خالص وكمان حد يقول سعر الضفيرة بعلبة الفيوزات كام لو جديدة وكام لو استيراد واية الاحسن فى الاتنين وسعر المصنعية كام لانى اتشوييييييييييييت وانا منتظر الردود وعندى ثقة فيكوا وانا اسف جدااااا على الاطالة وشكرا ليكوا [/B]

**abo_kanze** · 15-03-2013 10:51 PM

ربنا معاك ... ان شاء الله تلاقي حد يفيدك .

**Ahmohiy** · 24-03-2013 10:35 AM

انا عندى نفس المشكله فى الدايو المروحتين مش شغالين والتكييف والحراره بتعلى وغيرت الكتاوت ومازالت المشكله قائمه فلو وصلت ليها لحل ان شاء الله اقولك ولو وصلت انت لحل ياريت تقولى وان شاء الله تتحل

**Land_Cruiser** · 24-03-2013 11:13 AM

غير الضفيره. انا مش هاقدر أفيد حضرتك في السعر بس ممكن تروح الحرفيين و تاخد الكهربائي معاك و تفاصل معاهم و يشوف لك واحده استيراد علشان يبقي سعرها معقول عليك لو مش هتعرف تجيبها جديده

**gohaaa707** · 24-03-2013 10:06 PM

والله انا زهقت من الموضوع دا واخر ما توصلت الية انى عملت مفتاح اوتوماتيك على البطارية يشغل المروحتين مع بعض لو فية مشكلة

**For islam** · 29-05-2013 03:36 PM

باقولك ايييه , لو المشكلة الوحيدة اللي عندك هي المراوح بس يبقى بسيطة وماتغيرش الضفيرة ولا حاجة .
وصل المراوح على البطارية مباشرة بس وصلها بفيوز وكتاوت لوحدها من برة خااااااالص وركبلهم مفتاح تشغيل وقفل في التبلوه عندك.