بص يا ريس
ان شاء الله مشكلتك هتتحل ب 15 جنيه بس
شوف كده الصورة دى
http://nileup.com/up/uploads/nilemotors_13636830801.jpg
دى حاجة اسمها needle float valve وبالبلدى اسمها ابرة عوامة الكربراتير
طيب وظيفيتها ايه؟؟
دى اللى بتخلى عوامة الكربراتير تطلع وتنزل عن طريق سوستة داخل الابرة دى
طيب ليه العوامة بتطلع وتنزل؟؟؟
العوامة دى بتكون فى الجزء السفلى من الكربراتير (الكوباية) اللى بيتحضر فيها البنزين وفكرتها نفس فكرة عوامة السيفون, ايوه السيفون بتاع دورة المياه, طول ما العوامة لتحت يبقى هيفضل يملى مياه لحد ما العوامة توصل لمستوى معين يدل على ان السفون اتملى عشان المياه توقف ومتغرقش الحمام
شوف كده الصورة دى وهتفهم انا قصدى ايه
http://nileup.com/up/uploads/nilemotors_13636843181.png
نرجع للأبرة تانى ونشوف بتبوظ ازاى
الأبرة بتبوظ بطريقتين:
1- بتوسع: يعنى تخلى دايما العوامة لفوق وتخلى العربية تنتش عند سرعات معينة لأنها بتمنع من دخول البنزين للكوباية اللى بتحضر البنزين اللى هيدخل على الموتور
2- بتعلق: يعنى تخلى دايما العوامة لتحت وتخلى العربية تِشرق
حضرتك هتروح للميكانيكى وتقول له طلعلى ابرة العوامة اللى فى الكربراتير وتروح تجيب واحدة زيها (بجملت المصاريف) هتلاقيها فى حدود ال 20 جنيه
وان شاء الله يكون هو ده الحل
ابقى طمننا