الموضوع: التسهيل الائتمانى ماله وما علية

بسم الله الرحمن الرحيم

انهاردة كنت بلف لفة كده فى المنتدى على الغيار الثانى ولقيت ناس كتير بتتكلم عن موضوع قرض بضمان الشهادة او الوديعه وناس بتستفسر عنها قلت اعمل موضوع ومش عارف ياترى هو مكانة هنا ولا فى قسم تانى بس انتوا عارفين انا ماليش مكان غير هنا :0002014a:

اولا :ما هو القرض بضمان ( وديعه/ شهاده/ ح-توفير/ جارى )

بالعرف المصرفى اسمه تسهيل ائتمانى درجه اولى.

وهو عبارة عن فتح حساب جارى مدين يفتح بضمان وديعه/ شهاده/ ح-توفير/ جارى ولا يتعدى حاجز ال 90% من اجمالى المبلغ ويتم اعطاءة مده عام وتجدد من قبل البنك

ثانيا : طريقة حسابة

هاديكم مثال علشان كلنا نفهم اذاى
بفرض انك عندك شهاده او وديعه قيمتها 100000 جنية مصرى كده انت ممكن تاخد مبلغ 90000 جنية بحد اقصى

وبفرض ان الفائده على الوديعة او الشهادة دى 10% وبتنزلك الفائدة شهريا بالتالى الفائده هاتكون 10000 سنويا وبينزلك فائده على الحساب كل شهر تقريبا 833.33 طيب تمام

الفائده على التسهيل ده كام ؟ هاقولك ياسيدى 2% فوق السعر الممنوح ليك يعنى ال 900000 عايكون عليهم فائده 12%(10%+2%) تحسب سنويا ويتم تقسيمها على 12 ( عدد شهور السنة ) وتضاف على اصل المبلغ المدين
يعنى انت اخدت 90000 فى 1/3/2013 يوم 1/4/2013 هاينزل عليك فائدة 900 جنية
طبعا ال 900 جنية دول هاتخصم منهم الفائدة اللى واخدها من الشهادة اللى هيا (833.33) يعنى انت هاتدفع بالظبط 66.67 من جيبك
بس كده ياسيدى ............. لا طبعا فى حاجتين تانى وهما
1- عمولة اعلى رصيد مدين وده بتتحسب على اعلى رصيد انت سحبتة فى الشهر ودى بتكون 1.5 فى الالف ودى بسيطة
2- الدمغه النسبية ودى بتتحسب كل 3 شهور وبتكون نسبتها 4فى الالف على 2 على اجمالى المبلغ المسحوب اخر كل 3 شهور ودى برضوا بسيطة

الملخص

الايجابيات :
- مفيدة جدا للناس اللى عندها شهادات ومدتها مثلا 3 سنين ومش عايزة تكسرها وتخسر انها مثبتها سعر فائدة وهاتقدر تسد التسهيل فى وقت صغير مش مده كبيرة
- مفيدة للناس اللى عندها وديعة او شهادة وعارفه ان فى فلوس جايلها قريب ( يعنى من الاخر عايزها يدوب 6 شهور سنة ) وتسد القرض ده لان فى حالة السداد هنا مفيش اى غرامات ومفيش حاجة اسمها 3% مصاريف ادارية
- مفيدة للناس اللى مش بتقدر تسيطر على نفسها وتحوش وفى نفس الوقت معاها الفلوس فده بيبقى زى التزام عليها
- مفيد انه مفيش عليك التازم تدفع مبلغ معين كل شهر المهم ان قيمة التسهيل متعديش ال 90% من قمية الوديعه
- الفائدة بتحسب يومى مش بتحسب على كامل المبلغ يعنى انهارده عليك 90000 يتحسب عليك فائده على المبلغ ده بكرة سددت 40000 يتحسب عليك فائده على ال50000 المتبقييين بس

السلبيات :
- انت بتستلف فلوسك وتدفع عليهم اكتر من 2% فائدة
- ممكن تعدى نسبة ال90% فبكده البنك بيكسر الشهادات او الوديعه ويسدد التسهيل من نفسة وبكده تكون خسرت الوديعه او الشهاده اللى مثبت السعر بيهم
- مش مفيد نهائى للناس اللى بتسدد لفترات بعيدة يعنى اكتر من 4 سنين لان كده انت معملتش حاجة فلوسك واخدتها بفائده


الملخص يعتبر راى شخصى وى استفسارات انا موجود هنا وعلى الخاص

-------------------------------------
ممنوع الكتابة باللون الأحمر لانه مخصص للمداخلات الادارية
برجاء مراجعه قواعد المنتدي
مشرف القسم ب5

المشاركة الأصلية كتبت بواسطة mohamedsapri

كلامك صح يابيشوي بس كده برضوا انت هايتحسب عليك 2% لا 1% هاتتدفع من فوائد ال20000 و 1% من جيبك فهمت قصدى

فهمت قصدك بس معرفش اذا كان فعلا الـ 20000 جنيه بيدخلوا في 1% فائدة القرض من عدمه
لأن انا كنت عملت الموضوع ده و اخدت فائدة المبلغ المتبقي من الشهادات كاملة و يمكن كان زيادة حاجه بسيطة