أقصى سرعة لبرسونا/جين تو

**Motarjim** · 15-03-2013 12:23 AM

السلام عليكم

كنت إمبارح في التوكيل بأبو رواش، وكان في أخ معاه برسونا جديدة لسه معاه من شهر تقريبًا، وفيما يبدو أنه كان عامل صيانة، وجاي متابعة، ومن ضمن شكاواه أن سحب العربية ضعيف، أقصى سرعة جابها بالعربية كانت 190 كم/س، وجابها بعد ما العربية اتقطع نفسها - على حد قوله.

طبعًا كان داخل في جدال وحوار طويل مع مهندس الاستقبال حول النقطة دي، وندمان أنه اشترى العربية، وأنه كان معاه الواجا لمدة ثلاث شهور وكانت أفضل في السحب والجري، ولا يعجبه في برسونا سوى ثباتها.

عن نفسي، لست من هواة الجري الفظيع ده، وبدأت أعود نفسي ألا أكسر 100 كم/س في أغلب الأحيان ، وأذكِّر إخواني الكرام ونفسي ألا نتجاوز السرعة المقررة قانونًا ما استطعنا إلى ذلك سبيلاً.

ولكن الراجل عايز يقفل العداد 240 كم/س طالما أن عداد العربية بيقول كده!

السؤال دلوقتي: أقصى سرعة فعلية حد جابها لبرسونا أو جين تو كانت كام وجابها في قد إيه من حيث التسارع؟

**lanos2004** · 15-03-2013 02:23 AM

يقفل 240
قوله قول يارب

**mohamedhagrass** · 15-03-2013 02:24 AM

مفيش عربيه في الفئات المتوسطه تقدر تقفل بيها عداد وحتى لو حصل مش هتقدر تطول كتير بيها لان المواتير بتسخن على حد علمي فبيبقى في ماكس ممكن العداد 220 بس العربيه الماكس بتعها بسهوله 185 زي الفلوانس تقريبا بس مش معناه انه مش هتجيب اكتر لاكن معناه بصعوبه وكمان مش امان عليها والكلام ده مينطبقش على الاروبي العالي طبعا
ده تكنولوجيا وده دنيا تانيه خالص لاكن بنتكلم على الفئه العامه وده وجه نظر بعد عده تجارب لاكن مش قاعده ثابته في كله
في ناس قفلت العدادات مش هقلك لا

**mohammed dodda** · 15-03-2013 02:40 AM

المشاركة الأصلية كتبت بواسطة lanos2004

يقفل 240
قوله قول يارب

....هههههههههه جامدة ومن الاخر

معاه 1600 وعايز 240 :)

**Raul_7** · 15-03-2013 03:16 AM

أقصي سرعة الجين 2 جابتها 220 كم, و ديه ليها ظروف معينة, انما العادي 190.

**lanos2004** · 15-03-2013 03:20 AM

فيه لانوس بتوصل 230 وعدادها 200 و1500 سى سى تبدل

**S O P H O S** · 15-03-2013 03:23 AM

كنت ماشي 160 وعدت من جمبي جين زرقاء حولت ازود
مقدرتش اقرب منها حتي بصراحة وشوية واختفت من قدامي فالطريق
قولت فعلا الجين جين ..

**mohammed dodda** · 15-03-2013 03:40 AM

انا من محبى الجرى بس السرعة لوحدها متنفعش يعنى 220 و230 وثبات ضايع يبقى انا كده بنتحر مش بجرى..وحوار ال1500 اعتقد مكنتك 2 كامة وانت معودها عالجرى اصلا

**tutankhamoun** · 15-03-2013 04:46 AM

طبعا الأخ اللي بيتخانق في التوكيل ده .... المفروض يتسجن أصلا .... و لا مؤخذة

السرعة اللي مكتوبة في العداد حاجة ...... و اللي بتوصلها العربية حاجة تانية خالص .
أنا كان معايا عربية كتيانة قبل كدا 1000 سي سي ........... و عدادها كان 240 كم - س !!!! (كانت نيسان)
و البونتو ....... 1200 سي سي و عدادها 240 و هي أصلا كانت بتوصل ل 170 بطلوع الروح و الموتور كان هايولع (بس دي كانت عاملة 100 ألف كم عند التجربة ) و أحيانا مكنتش بتوصل ل160 أصلا

المهم ......... الناس اللي زي دي دماغها مهوي و دماغها كلها شد و حركات بنت *&^$%#^$ على الطريق

أقصى سرعة رسمية من كتالوج العربية

جين 2 - برسونا - واجا .... مانوال بموتور كامبروا ........... 190 كم -س
و لو أوتوماتيك ........ 185 كم - س

و انا بأطير على 80 كم - س و بوصل برضه ......... و أحيانا بأتهف في عقلي و أمشي من 90 إلى 100 كم - س ...بأسابق الريح ...... هههههههههه

يا عمي لو البلد فيها قانون و شرطة صح ......... مكناش سمعنا عن الأشكال دي !