بديل لسرابنتينة تكييف فيكترا بي 2

**sherif moneer** · 15-03-2013 02:04 AM

ازيكو يا اوبلاويه يا رب تكونو كويسين
انا شايف الحر طلع والناس بدأت تسأل ع التكييف ومشاكله
ف عايز اعرف سعر سرابنتينة التكييف بكام بتاع الاوبل والبديل اللي ممكن يركب كمان بتاع عربيه ايه وسعرها ايه
وشكرا :)

**Amrgamal1** · 15-03-2013 02:12 AM

استيراد مش غاليه ف مش لازم تشوف بديل ولا حاجه

**sherif moneer** · 15-03-2013 02:39 AM

مهو المشكله انه مش مضمون للاسف
وهيا تعملها ف حدود كام استيراد؟
انا جايب ريدياتير جديد للعربيه ب 450 جنيه
هيا لسه بتتصلح من بعد الحادثه اصلا بس انا بسأل بعمل حسابي لقدام يعني

**AlGazar2** · 15-03-2013 02:42 AM

كان فى عضو فى اوبل كان بيسأل نفس السؤال و تقريبا طلع ان كباس الدايو بيركب على الاوبل

بس انت عايز تغيير السربنتينه ليه هيه مخرومه ولا عشان تحسن اداء التكييف شويه

**sherif moneer** · 15-03-2013 02:55 AM

انا كده كده عامل حادثه بالعربيه وفاكك الدنيا كلها والسربنتينه فيها عوجه كده ف مش عارف هي تتعدل وتشتغل ولا باظت خلاص
ف بحط ف الاحتمال انها باظت وانا كده كده مغير ماتور وفتيس وجبت ردياتير جديد ف كده معتش ناقص ف الحوض غير سرابنتينة التكييف ف عايز اعرف سعرها بقي تقريبا كام جديد واستيراد وايه البدايل ليها بس

**Amrgamal1** · 15-03-2013 07:08 AM

علي فكرة سربنتينه التكييف بتبقي مقوسه شويه مش عدله زي الردياتير

**فادى محمد** · 15-03-2013 10:27 AM

فعلا زي عمرو ماقال سربنتينه التكييف بتبقي مقوسه للداخل وتحس انها مخبوطه بس ده الطبيعي
-هتصلح التكييف عند مين؟؟؟
-في واحد عندك في المنصوره عالمي
-اسمه الحاج عبد الله
ش الاتوبيس القديم
خلف مصنع عقل

**romiobasha** · 16-03-2013 01:41 AM

مش اى كهربائى يشتغل فى التكييف نصيحة شوف حد دى شغلته زى الحج عبدالله ده اكيد كويس

**sherif moneer** · 16-03-2013 01:56 AM

خلاص ربنا يسهل لما نوصل لوقت شحن التكييف ابقي اشوف هيتعمل فين
الراجل اللي الاستاذ فادي بيقول عليه هو ممتاز من غير ما اجرب شغله لأني رحت عنده لقيت واقف عنده 9 عربيات كل عربيه اجمد من التانيه :d
وجاله كام عربيه وانا واقف ويرجعهم وكان عايزنا نروحله الساعه 10 بليل كده عشان يظبط بتاعنا