مستعجل أوى أوى ارجو الرد سريعاً خبراء مازدا 3 2006

**firstabdo** · 15-03-2013 10:23 AM

ازيكم يا شباب . معلش انا عايز رد سريعا . انا عمرى ماكنت بتفرج فى المازدا خالص وبقالى اكتر من 15 يوم بتفرج على عربيات اوكتافيا اوتوماتيك موديلات من 1999 : 2003 بس مرة واحدة كدة واحد صاحبى قالى متشوف المازدا 3 . انا قدامى واحدة حالتها كالتالى والراجل عايز رد منى انهاردة

ماذدا 3 موديل 2006 كامل ة اوتوماتيك هاى لاين اللون رصاصى .رشا برا ماعدا السقف والشنطة + فابريكو دواخل عاملة 95000 كيلو متر . لسة مصروف على صيانتها بالفواتير 5000 جنيه عند سمارت الى فى المعادى + الهندسية . فلاتر وزيوت وعفشة وكوبلن وتيش ميزان . حالة الصالون هو بيج عشان كدة متوسخ شوية . من الخارج الاكصدامات تحتاج رش والفوانيس الامامية مغيمة حبتين والصدر الفيبر من تحت الريدياتير والسربنتينة مكسور ومفيش فوم ورا الاكصدام الامامى (من الواضح ان كان فيها خبطة صغيرة من قدام بس مش مقصرة على حاجة). اير باج ومالتى فاكشن فى الطارة وجنوط سبور اصلى . وكاوتش جديد . تعمل كام

وهل تفكيرى فى التغيير من اوكتافيا الى مازدا دا صح وخصوصا انى خايف جداً من اسعار قطع غياره مقارنة بالاوكتافيا انا كنت راكب جولف وعارف حوارات الالمانى وبيتصين فين واخره ايه .بس بصراحة شكل المازدا شبابى ورورش عن الاوكتافيا. بس انا مرتاح شوية للعربية دى عشان صاحبها مغير حاجات كتير من الى االمنتدى كله بيتكلم عليها فى الصيانات فاهيوفر عليا كتيييير

عايز رد من اللى راكبين الموديل دا ارجوووووووووووكم لأن 99 % من الرد هاخد عليه القرار والله الموفق وهاتدفع الفلوس وشقى عمرى .............

ولو فى رقم تليفون أى حد من الشباب اللى راكب الموديل دا او يفهم اوى فى الماذدا ياريت وانا اكلمه (يكون عارف انى هاصدعة شوية عشان انا قلوق شوية والدنيا مش مستحملة الواحد يلبس فى حاجة ) انا من سكان شبرا مصر انشالله نتقابل خدمة لأخوكم فى الله

**firstabdo** · 15-03-2013 11:02 AM

12 مشاهدة ولا رد انا قاعد مستنى عشان انزل اروح للراجل .. يارب

**firstabdo** · 15-03-2013 12:24 PM

طب هاروح اصلى واجى يمكن الاقى ردود

**dfdfdf** · 15-03-2013 12:34 PM

اعتقد 75 ألف سعر مناسب ، و أنتظر ردود خبراء المازدا ، و أستشير أستاذ شريف خبير التثمين فى قسم البيع و الشراء و بالتوفيق إنشاء الله .

**firstabdo** · 15-03-2013 01:10 PM

المشاركة الأصلية كتبت بواسطة dfdfdf

اعتقد 75 ألف سعر مناسب ، و أنتظر ردود خبراء المازدا ، و أستشير أستاذ شريف خبير التثمين فى قسم البيع و الشراء و بالتوفيق إنشاء الله .

شكرا على لاهتمام والرد بس انا عايز رأى ناس راكباها بالفعل بردوا .. هاستنى يمكن بيصلوا وجايين ولا حاجة ..

**hoshtoki** · 15-03-2013 01:30 PM

بص يا باشا انا معايا مازدا 3 وهارد عليك بكل صراحه
اولا العربيه بصفه عامه عربية ممتازه وتحب سواقتها جدا من حيث الثبات والاداء العالى حتى على السرعات العاليه يعنى عربيه يعتمد عليها بجد والصيانه وقطع الغيار اصبحو متوفرين اكتر من الاول بكتير
بس للامانه هيا فيها من وجهة نظرى شوية حاجات لو انت تاقلم نفسك عليهم يبقى توكل على الله بدون تفكير
اولا : العربيه واطيه شويه على الارض يعنى فالمطبات لازم تاخدها براحتك خالص وده مش عيب فالعربيه طبعا لان ده الى بيديها الثبات بتعاها المعروف
ثانيا :العربيه استهلاكها للبنزين ازيد شويه من الانسر والانترا والاوكتافيا وخصوصا داخل المدن يعنى لو انت مشيك معظمه فالزحمه بتاعت شوارعنا الفل يبقى اعمل حسابك استهلاك البنزين هايزيد شويتين بس لو عالطريق السريع استهلاكها معقول .
ثالثا :العربيه ضيقه من ورا شويه يعنى 3 بيركبو مزنزقين شويه
ده كل اللى اقدر اقولهولك على العربيه بامانه
بس بصفه عامه اللى ركب المازدا صعب جدا يغيرها ويطلع منها لحاجه تانيه بصراحه العربيه فيها حاجه غريبه بتشدك ليها
مع الشكر

**firstabdo** · 15-03-2013 01:48 PM

المشاركة الأصلية كتبت بواسطة hoshtoki

بص يا باشا انا معايا مازدا 3 وهارد عليك بكل صراحه
اولا العربيه بصفه عامه عربية ممتازه وتحب سواقتها جدا من حيث الثبات والاداء العالى حتى على السرعات العاليه يعنى عربيه يعتمد عليها بجد والصيانه وقطع الغيار اصبحو متوفرين اكتر من الاول بكتير
بس للامانه هيا فيها من وجهة نظرى شوية حاجات لو انت تاقلم نفسك عليهم يبقى توكل على الله بدون تفكير
اولا : العربيه واطيه شويه على الارض يعنى فالمطبات لازم تاخدها براحتك خالص وده مش عيب فالعربيه طبعا لان ده الى بيديها الثبات بتعاها المعروف
ثانيا :العربيه استهلاكها للبنزين ازيد شويه من الانسر والانترا والاوكتافيا وخصوصا داخل المدن يعنى لو انت مشيك معظمه فالزحمه بتاعت شوارعنا الفل يبقى اعمل حسابك استهلاك البنزين هايزيد شويتين بس لو عالطريق السريع استهلاكها معقول .
ثالثا :العربيه ضيقه من ورا شويه يعنى 3 بيركبو مزنزقين شويه
ده كل اللى اقدر اقولهولك على العربيه بامانه
بس بصفه عامه اللى ركب المازدا صعب جدا يغيرها ويطلع منها لحاجه تانيه بصراحه العربيه فيها حاجه غريبه بتشدك ليها
مع الشكر

الف شكر ياباشا على الرد ... موضوع واطية شوية دا عادى .. لكن ضيقة ممكن افكر فيه وعلى العموم انا منتظر اراء تانية لأن الراجل مش بيرد عليا فى التليفون .. شكله باعها او فى السوق ومش سامع .. اللى لينا نصيب فيه هانشوفه ... شكرا مرة تانية

**firstabdo** · 15-03-2013 03:36 PM

للأسف العربية اتباعت شكراً للرد والى مردش...

**Marlboro011** · 16-03-2013 02:28 PM

انا معايا مازدا ٢٠٠٨ ايرو فتحه سقف بصمه ستيبترونيك العربيه فبريكا بره وجوا راشه اكصدام امامى بمعجون ورفرف شمال من غير معجون . كل كماليات العربيه وحساستها تعمل بكفاءه وعاوز ابيعها ٨٧٠٠٠ جنيه قابل للتفاوض البسيط وفعلا المازدا عربيه تحفه بكل المقايس وصعبان عليا ابيعها والله بس ظروف رقمى ٠١١٢٨٦٥٨٥٨٥