الراجل ده معايا عمل عمله بقي ظهرته علي حقيقته و كشفته اكتر و اكتر,

اللي حصل اني ادبست في عربيه ابيزا موديل 2000 , 1400CC سعرها كويس بس فيها مشاكل و شغل كتير و قبل مظبط اي حاجه فيها اتكعبلت في المنتي الجميل ده و قريت تلت تربع المواضيع و قررت انزل الحرفيين , و نزلت الحرفيين فعلا اول يوم و يارتني منزلت.الحرفيين , بسبب قلت خبرتي و استنصاح الصنايعيه هناك حسيت اني بتقرطس و فورا شديت الرحال علي بيتنا و معملتش هناك الا الشاكمان و اول لما وصلت كلمت زعيم العصابه المتهم محمد ابيزا قلت يمكن يساعدني او يدلني علي الطريق حتي ونا اكمل , بس ولله الراجل ده عمل معايا اللي لم اتوقعه ابدا, من ساعت ما كلمته ونا بشتكيله من التدبيسه دي و هوا هداني كده و قالي اصبر بس لما اشوفها فرحتلو بيها فعلا و عمل تست دريف علي محور المنيب و بعدين فضل معايا طول النهار بين بتاع قطع الغيار و الميكانيكي و العفشجي و الكهربائي و مسبنيش لحد مجبنا قطع الغيار المطلوبه ,و مش بس كده , تاني يوم يتصل بيا و بالميكانيكي و يوصيه عليا بما اني مستجد في الايبيزا لحد مظبطوهالي و دلواقتي هيا لسه فاضل فيها حاجات و هوا برضك لسه مكمل معايا فيها مسبنيش, شفتو بقا ظهرتلكو الراجل ده علي حقيقته اكتر ازاي.

مش عارف اشكره ازاي بصراحه و اقل حاجه ممكن نعملها اننا نعترف بجميله و مساعدته لينا و ندعيله هوا و ابيزته .