حد لاحظ الموضوع ده

**hany63** · 16-03-2013 11:09 PM

المشاركة الأصلية كتبت بواسطة inspiron

هو حضرتك متعرفش لعبة التجار !!

- التاجر من دول بيشتري العربية بالقسط..وبيعمله لعبة ( بالرشوة ) لفك حظر البيع علي الرخصة ( قبل الترخيص )..وبيتم بيع السيارة بعد عدد كيلومتر محدود جداً علي إنها زيرو..عشان يسيل فلوس.ويبقي يسدد القسط علي راحته بقه..
الموضوع ده منتشر جداً في سوق السيارات اللي في الحي العاشر زهراء مدينة نصر

معلش و لو ان ده بره الموضوع حضرتك تعرف حالات عملت كده
اصلي شغال في بنك و عايز اعرف الرشوه بتتقدم لمين
الموضوع ده مستحيل الا لو هيرشي مدير الائتمان و معاه مدير الفرع و مدير العمليات المصرفيه و دي ناس عادة من الناس الكبار اعلى مرتبات في البلد مش ممكن تخاطر بنفسها

انما ممكن التاجر يحرق السعر لما بتكون عنده عربيات من الوكيل بدون نمر و بيسدد بالاجل بعد شهرين مثلا و ده كان بيحصل من عشر سنين كانوا بياخدوا بالعشرين عربيه و يحرقوا السعر بس دلوقت الظاهره انتهت عشان بقى الوكيل يسلم التجار العربيات و اول ما التاجر يطلب منه الورق يطالبه بالتمن اول باول

**inspiron** · 16-03-2013 11:54 PM

المشاركة الأصلية كتبت بواسطة hany63

خلاص ياباشا طالما حضرتك متاكد انهم تجار بنسبة مليون الميه انا حبيت اقول الملاحظه و كل واحد حر يفهم اللي هو عاوزه

يا باشا أنا مش بقول لحضرتك حرفياً أنا متأكد إن دول تجار وإن حضرتك بتقول كلام غلط ؟!!

أنا أقصد أوضح نقطة مشهورة جداً وشائعة في كل أسواق السيارات لكل موديلات السيارات.

بالتوفيق

**EngAhmedSayed** · 17-03-2013 02:28 PM

على فكرة لو فى عربيات و سياتك شاكك فيها
يبقى تعمل ايه
مركز صيانه معتمد او الوكيل و يعمل تقرير عن العربيه ككل و يفحصهالك
ده اخر الكلام

**inspiron** · 17-03-2013 04:20 PM

المشاركة الأصلية كتبت بواسطة EngAhmedSayed

على فكرة لو فى عربيات و سياتك شاكك فيها
يبقى تعمل ايه
مركز صيانه معتمد او الوكيل و يعمل تقرير عن العربيه ككل و يفحصهالك
ده اخر الكلام

+1111111111111111111111111111111
يطلع بقه dsg يطلع أي حاجة..الكشف هو الفيصل ساعتها

**EngAhmedSayed** · 17-03-2013 06:27 PM

المشاركة الأصلية كتبت بواسطة falcon.crest

من واقع الي حصل معابه فب الجولف مشكله الفتيس مش كانت بتظهر علي الكومبيوتر
و مهندس التوكيل كانت لباخد full log detector و يبعته المانيا علشان يعرفو المشكله \و كان الرد بيجي بعد 24 ساعه
الموضوع دهحصل 3 مرات معايه و في كل مره عباقره التوكيل مش بيكونو عارفين يستنو technical support يقولو ايه المشكله

منتا عارف الجمجمة المصرية
لازم تخترع
يا صديقى

**طارق _عبد السلام** · 17-03-2013 08:45 PM

وبردوا للعلم انا بجوارى تجار سيارات ومتخصصون فى العربيات العاليه
كنت بلاقى عربيات مثلا 2012 من فتره طبعا وبردوا 400 كيلو و500 كيلو
وطبعا من غباءهم العربيات دى مثلا بتكون منمره وتلاقى العربيه معلقه نمر اسكندريه تيجى تقول له دى على ما بتروح تتنمر وتيجى من الاسكندريه هتمشى اكتر من كده بيضحك ويقول كبر دماغك
يعنى لعبه العدادات دى بردوا سهله اوى ب100 جنيه ومشى حالك بس ده حرام ومن غشنا فليس منا