عاجل..افيدوني ..رقم الشاسية غلط

**haitham fares** · 15-03-2013 10:38 PM

اكتشفت بالصدفة ان رقم الشاسية اللى مكتوب على الرخصة فيه رقمين متبدلين ..مش عارف اعمل اية ..اطنش ولا الموضع مهم ؟لو حد مر بموقف زى دية ممكن يفيدنى

**manfromegy** · 15-03-2013 10:44 PM

لا طبعا ما تتطنش بس الموضوع هايخد شويه وقت.هاتروح المرور تقولهم إن رقم الشاسيه غلط في الرخصه و تحاول تخليهم يطابقوا الرقم اللي في الرخصه مع الفاتوره أو الافراج و يصلحوا الرقم بس مهم تعملها علشان تبقي ماشي تمام

**Bishoy.Girgis** · 15-03-2013 11:15 PM

هو الصح انك تروح المرور و تصلح الخطأ ده .. انما رأي هكبر دماغي و ابعد عن المرور اصلا ً لغاية ميعاد التجديد و هتتصلح اوتوماتيك
و برده استني رأي الاعضاء يمكن يكون في حاجه فنية ضرورية ممكن نستفاد منها انا معرفهاش

**hatahet** · 16-03-2013 12:39 AM

لا يا فندم ماتستناش انا حصل معايا غلطه شبه اللي حصل معاك ان اللون عندي اتكتب غلط ورجعت صلحتها فحضرتك بردو خليك فالمضمون و صلحها و ان شاء الله مش هتاخد وقت و حاول تروح للموظف اللي سجل بياناتك علي الكمبيوبر وسهله ان شاء الله

**د.محمدعبدالعال** · 16-03-2013 01:12 AM

المهم الرقم اللي في ورق العربية اللي سلمته للمرور مكتوب فيه الرقم صح ولا غلط ؟؟ لأن لو كده هتبقى غلطة المرور وده غالبا اللي حصل .. وبعدين الرقم اللي بيتكتب في الرخصة ده بيبقى رقم الشاسيه الفعلي اللي على العربية .. طابق ما بينهم واتأكد .. وربنا يستر ان شاء الله

**SonaSteel** · 16-03-2013 10:33 AM

لالالالالالالالالالالا طبعا متطنش روخ المرور وقدام الرخصة سارية قلهم عايز اغير الرخصة بالرقم الصح
ان شاء الله مش هتاخد وقت
انا اتسحلت في المضووع ده علشان رقم الماتور فيه حرف a وهما كاتبينه 8

حسبي الله ونعم الوكيل

**mfs3570** · 16-03-2013 10:53 AM

حضرتك الرخصه اللي معاك دي عباره عن ورقه انا حصل معايا كده وفيه ظابط قريبي قالي اعمل شهاده بيانات لاي حاجه للشهر العقاري مثلا هتجيلك البيانات الللي علي الكمبيوتر لولقيتها صح يبقا تكبر دماغك لان الرخصه دي مجرد ورقه لكن لوفيها غلط كل اللي هتعمله انك تروح تفحص عادي خالص وترفع بصمه الموتور والشاسيه عادي خالص ومش لازم تعمل فضيحه في المرور خللي سرك ليك لوحدك وافحص عادي خالص وكمل الاجرائت عادي لان هتلاق دي غلطت موظف الكمبيوتر الللي طبع الرخصه

**Land_Cruiser** · 16-03-2013 11:08 AM

خليك في السليم و روح صلح الخطأ ده أأمن لأن كده بيانات العربيه خطأ فلو لاقدر الله العربيه اتسرقت مش هتعرف تجيبها تاني لان رقم الشاسيه ده مش بتاعها اصلا و البحث بيبقي عن طريقه هو و رقم الموتور و ماتنساش لو كنت مأمن علي العربيه تقول للتأمين علشان يعدلوه في البوليصه و كذلك في التوكيل في حاله لو كانوا ناقلين الرقم من الرخصه علشان الضمان. هما في الاغلب مش هيصلحوه اتوماتيك من خلال الورق و هيبعتوا حضرتك علي مهندس الفحص علشان يرفع رقم الشاسيه من علي العربيه مره تانيه و بعد كده تروح للشباك ياخد منك الورق و يطلعلك رخصه جديده بالرقم الصحيح. علي فكره انا حصل معايا الموقف ده قبل كده و قعدت ٩ سنين باجدد العربيه عادي برقم الشاسيه الغلط و بعد كده المهندس اكتشف الغلطه و صلحوها

**hossam_elwani** · 16-03-2013 11:56 AM

المشاركة الأصلية كتبت بواسطة haitham fares

اكتشفت بالصدفة ان رقم الشاسية اللى مكتوب على الرخصة فيه رقمين متبدلين ..مش عارف اعمل اية ..اطنش ولا الموضع مهم ؟لو حد مر بموقف زى دية ممكن يفيدنى

حيتغير فى الفحص عادى وطول ما الفاتوره والافراج الجمركى مكتوب فيهم الرقم السليم لاتقلق

المشاركة الأصلية كتبت بواسطة sonasteel

لالالالالالالالالالالا طبعا متطنش روخ المرور وقدام الرخصة سارية قلهم عايز اغير الرخصة بالرقم الصح
ان شاء الله مش هتاخد وقت
انا اتسحلت في المضووع ده علشان رقم الماتور فيه حرف a وهما كاتبينه 8

حسبي الله ونعم الوكيل

تصدق انا بقه اليومين الى فاتو اكتشف حاجه ولا فى الخيال

انا كان معايا نيسان صنى 83 وكنت وارثها من والدى من 10 سنين ووالدى كان شاريها من مأمور مركز بعقد مسجل فى الشهر العقارى المهم العقد ده الموظف فى المرور اكتشف قال ايه فجأه ان رقم الموتور مكتوب مكان رقم الشاسيه والعكس وبيقولى مليش فيه روح صححلى الغلط ده فى الشهر العقارى !!!!!!!!!!!!! ياعم يهديك يرضيك انا بفحص وبرخص بقالى 10 سنين ومفيش حد قالى الملحوظه دى .. وفى الاخر عداها وقالى عشان خطرك من غير ما ادفع رشوه لا حد يفهم غلط

المقصد ان غلطات انصاف المتعلمين فى الجهات الحكوميه تودى فى داهييه وتخلى الواحد يلف حوالين نفسه

ربنا يرحمنا