الموضوع: أفيدنى فى حل مشكلة السنتر للياريس

السلام عليكم يا رجالة المنتدى
أنا عربيتى تويوتا ياريس هاف أوبشن موديل 2008.
فى 2011 بعد ما خلص الضمان بتاع العربية قلت أركب سنتر و انزار عادى زى أى حد.
و لكن و اه من كلمة لكن!!!! الموضوع مطلعش عادى خالص!!!!
خد عندك أعطال متكررة باستمرار (الأبواب بتعلق مرة واحدة ألاقى باب مش راضى يقفل بالريموت أروح قفله بالمفتاح لو قدام أو من جوه لو الباب الخلفى) تصلح باب يبوظ باب تانى بعد فترة لدرجة ان الواحد مش واثق فى السنتر تماما و كل مرة أقفل فيها العربية أضطر ألف على كل الأبواب عشان أطمن.
أخر ما زهقت قلت للكهربائى ياريت تحللى الموضوع ده نهائى عشان الواحد روحه طلعت!!!! قام قاللى يا بيه الياريس على wire و الموضوع ده مالوش حل هايفضل كده على طول!!!! جابلى احباط نفسى رهيب الصراحة.
أرجو من رجالة المنتدى مساعدتى فى ايجاد حل نهائى للمشكلة دى حتى لو اتكلفت زيادة شوية.
و جزاكم الله خيرا.

يا جماعة معلش حد يقوللى أجيب اللوك الكامل ده منين و بكام؟