الموضوع: نتشة مع نقلات الفتيس فى السيفيك ،،،،؟؟؟

المشاركة الأصلية كتبت بواسطة ahmedshetewy

x اولا السلام عليكم بص ياباشا
x هتتاكد ان اقواعد كلها سليمة موتور وفتيس
x تغير زيت الفتيس وتجيب موبيل
x هتروح لمكانيكى هوندا يظبتلك واير الكيك داون وإن شاء الله المشكلة هتتحل
x اسآل مجرب !!!!!

ياباشا ،، اولا السلام عليكم ورحمة الله
ثانيا أنا هاعمل فعلا بنصيحتك وأعمل الخطوات واحدة واحدة علشان أحل المشكله إن شاء الله
ثالثا أنا ها بتدى من تغير الزيت لأنى كشفت على القواعد وكله تمام
رابعا بقى جزاك الله خير

باشا عن تجربه من فتره قريبه كان عندى مشكله قريبه جدا من حاله عربيتك وكلمت سامح الله يكرمه قالى غير الزيت غيرته بقت زى الفل جرب تغير الزيت وان شاء الله هيطلع منه وميكونش حاجه تانيه

المشاركة الأصلية كتبت بواسطة arabmarket

باشا عن تجربه من فتره قريبه كان عندى مشكله قريبه جدا من حاله عربيتك وكلمت سامح الله يكرمه قالى غير الزيت غيرته بقت زى الفل جرب تغير الزيت وان شاء الله هيطلع منه وميكونش حاجه تانيه

المشاركة الأصلية كتبت بواسطة ahmedshetewy

x طالما القواعد عندك سليمة يبقى
x غير الزيت ومتنساش تاخد القرآة بتاعة العداد علشان زيت الاوتو بيتغير كل 40000
x كيلو
x ومتنشاش واير الكيك داون ولازم واحد بتاع هوندا علشان ميبوظش الدنيا
x وإن شاء الله خير
x بس ايقى عرفنا عملت لية

أنا مش عارف أشكركم إزاى عن إهتمامكم بالرد على مشكلتى جزاكم الله خيرا جميعا وإن شاء الله نازل بكره أشوف الموضوع وأغير الزين ،،، وهاطمنكوا إيه اللى حصل ،،، شكرا جزيلا للإهتمام وجزاكم الله خيرا

وأخيرا عرفت العيب بعد ما العربية عملت معايا عملة سخيفة جدا ،،، كنت عند السندباد تقريبا وسمعت صوت طقة كده فى الموتور وبعديه الموتور ضرب مدافع وهوب وقف وراسه وألف سيف ما يدور تانى ،،، المهم نرلت أسوف إيه اللى حصل لقيت الميه بتاعة الريداتير كلها على الارض والريداتير فاضى تماما بس مش عارف الميه بتنزل من الموتور منين ،،، المهم حاولت أدور واحط ميه وإذا بالميه فى الردياتير فيها زيت والومتور يضرب مدافع ويبطل ،،، انا قلت قدر الله وما شاء فعل ده شكله وش سلندر ،، إتصلت بالونش وجه رفعنى وطلعنا على مسعد بتاع الهوندا اللى فى الحرفيين ، والونش من السندباد للحرفيين أخد 235 جنيه ،،أنا بصراحة ماتكلمتش ودفعت وريحت دماغى ،،، المهم قلت لمسعد على الموضوع وقال ندور ونسمع الموتور ونحدد هانعمل إيه ،،، فوجئت بإن الموتور دار من أول مارش وصت الموتور عال العال ،، الله أمال إيه اللى حصل ،، لقينا خرطوم الميه السخنة بتاعة التكييف اللى تحت الاسبراتير بالظبط ضرب ودخل الميه فى الاسبراتير وده سبب المدافع وتوقف الموتور ،،، المهم قلتله على موضوع نتش الفتيس فبيشوف الزيت لقينا الزيت فيه ميه ،، وعلى فكرة ماكانتش باينة قبل كده ،، المهم إكتشفنا إن الريدياتير مخروم ودخل الميه على دورة زيت الفتيس ،،، غيرت الردياتير وجبت واحد تايوانى 2ماسورة وفكينا الاسبراتير ونضفناه وغيرنا الشاكوش وركبت اولسيل داخلى وخارجة ورحت بالمرة بقى غيرت فلتر البنزين والهواة وبالمرة تيل فرامل تركى أمامى وسنرويد الفتيس ونضفنا الانشكشن. والبوابات ،، والحمد لله. ،، دور يا جدع دارت وكله تمام والحمد لله على شئ ،، أنا حبيت أشارككم الموضوع علشان تعرفوا المشكلة كانت فين بعد الاشتباه فى القواعد اللى كشفنا عليها ولقينها تمام والحمد لله ،،، ولولا الموضوع ده حصل كنت هاغير الزيت وترجع المشكلة تانى وندوخ علشان نعرفها ،، لكن الحمد لله رب ضارة نافعة

انا عندي نفس المشكله....وروحت للعفشجي ولقينا كرسي الموتور الخلفي عايز يتغير...هو كرسي الموتور الخلفي بيعمل كام كدا؟