تقسيط مستعمل ؟؟

**mazdafaster** · 14-09-2008 12:52 PM

سياره مازدا 323 للبيع موديل 1982 فتيس 6 سرعات 1300 سي سي نضيفه بطاريه و4 كاوتش جديد والصالون كله جلد وكراسي متحركه وبجد العربيه ممتازه وحاله الموتور ممتازه والبيع لضيق الوقت ودواعي السفر ولا للتجار منعا للاحراج والرخصه حتي 2011 باسمي مش فيها توكيلات وطاره سبور وشبابي جدا والبيع لدواعي السفر وضيق الوقت

امير محمد - 0164330330

المعادي

**M_HaFeZ** · 14-09-2008 02:57 PM

المشاركة الأصلية كتبت بواسطة moody2002

ياريت ياجماعه اللى عايز يقسط ميتكلمش عن بنك او غيره انا مش عارف جميع الناس بتتكلم فى شكل العقد والنسبه وكلام غريب القسط قسط انت لازم تعرف انك فى القسط بتاخد سلعه مش فلوس واللى عمال يفتلى عن القسط والعقد والكلام ده ياريت يتكلم عن الاصلاح الاقتصادى فى البلد الاول كل حياتنا فيها البنك اساسى بدون ان تعلم او علمت المهم ياخى متروحش تاخد فلوس فى ايدك وتردها فلوس بزياده ياريت تفهموا ايه هو الربا انا تبادل السلعه بنفس السلعه بزياده يعنى متاخدش سيارة من حد وبعد سنتين ترجعها سيارتين او تاخد مبلغ وترجعه بزياده او تشترى اكل وترجعه بزياده اما موضوع القسط مفهوش مشكله سواء من بنك اوغيره المهم المضمون وياريت حد يعرفنى ايه الفرق انى ااخد عربيه بالقسط من بنك او شركه او معرض الشكل واحد والسيارة بتاعتك بدل انت ملتزم اما بخصوص الشروط فى من حق البايع على العموم

ياريت تراجع الموضوع ده
لانها مش بالسهوله اللى حضرتك بتقولها

http://www.nilemotors.net/Nile/showthread.php?t=24323

**tito_bora** · 16-09-2008 12:24 PM

نوبيرا 2006 سوداء مانيوال فرش جلد بيج للسيارة كلها
ممكن اخد 40000 وفيهم كلام
والباقى 1200 فى الشهر
لمدة 3 سنين
يعنى العربية تقف على اللى هيشتريها ب حوالى 80000 بعد تلات سنين
عامة ده رقمى للى يحب يستفسر او يشوفها
0105294523

**nil_gem** · 07-10-2008 10:13 PM

انا مع الراجل مودى ده كلامه مية مية وصحيح وموضوع شراء سيارة بالقسط ده مفيهوش ربا ، هو انت عاوز يديك سيارة النهارده بثمنها اللى هيقعد ياخده منك على عدة سنوات وتكون قيمة الجنيه قلت !!!!!!!! ازاى ، على فكرة انا بأدور على عربية بالقسط وهاجيبها ان شاء الله من معرض بيتعامل مع بنك وسعر فايدته كويس .

**mato99** · 10-10-2008 04:49 AM

طب ما تقولنا المعرض ده يا باشا

**mato99** · 10-10-2008 04:49 AM

وياريت لو حد يعرف معرض يقولنا عليه

**Tam** · 10-10-2008 05:15 AM

السلام عليكم..كان في معرض إتصلت بيه قبل كدة بيبيع مستعمل بالقسط..أنا شايف إن نظامه كويس جدا بس مسألتش على كل التفاصيل..بإختصار أنا لما إتصلت سألت على عربية ويرا 99 قال لي إنها كاش 39 ودة غالي كام ألف بس بيقول فابريكا برة وجوة وكاملة مانوال
ما علينا المهم نظام القسط
50% مقدم والباقي لحد 3 سنين بفايدة 15% سنويا..هاجيبلكم رقمه إن شاء الله

**ahmadabdelgalil** · 09-12-2008 10:04 AM

بص يا باشا
ما تتعبش نفسك عندك بنك ناصر و البنك الأهلى
بيعمل قرض من 6 الى 8% على حسب جهة ععملك يعنى لو حكومة هيديك ب6%
إعم القرض و كمل على فلوسك و قسط للبك براحتك إبعد عن المعارض خالص للعيوب التالية:
بيقلبوا العربيات اللى هتتباع يعنى العربية لو كويسة هتلاقى نفسك بتغيرلها كاوتش و بطارية و كاسيت و كوريك و جنوط و فوانيس لأنه بيخلع الكويس و يركب زبالة أو نص حالة ده غير لو مساعد تعبان
أما لو حاجة بيتى صاحبها بيصرف عليها لأمان أسرته بالكتير هتغير زيت و تصلح إزاز ما بيفتحش ولا أكر مكسرة أو فرامل يد مش شغالة و هو ده الفرق بين التاجر و المالك الأصلى.

**kasnermo** · 10-12-2008 05:09 PM

أنا عندى عربية فيرنا 1600 كاملة مانيوال لون فضى 18000 كم بحالة الفابريكة
اشتريتها عن طريق بنك ناصرفى شهر 9 سنة 2006 دفعت 43000 جم وقسط شهرى 500 جنيه لمدة 90 شهر.. أنا دافع اقساط حتى تاريخه يعنى 26 شهر
وعاوز ابيعها ... حد عنده عروض شراء ؟ مع قيامه بتكملة الاقساط واخذ ضماناته اللازمة

**ahmed1_com** · 13-12-2008 11:09 PM

المشاركة الأصلية كتبت بواسطة kasnermo

أنا عندى عربية فيرنا 1600 كاملة مانيوال لون فضى 18000 كم بحالة الفابريكة
اشتريتها عن طريق بنك ناصرفى شهر 9 سنة 2006 دفعت 43000 جم وقسط شهرى 500 جنيه لمدة 90 شهر.. أنا دافع اقساط حتى تاريخه يعنى 26 شهر
وعاوز ابيعها ... حد عنده عروض شراء ؟ مع قيامه بتكملة الاقساط واخذ ضماناته اللازمة

ممكن اعرف نظامها ايه العربيه الفيرنا وحالتها ولونها وممكن اعرف نظام الفلوس ايه ومطلوب ايه فيها وايه الضمانات