لانوس 2011 بترعش فى الطلعه

**cyber007** · 17-03-2013 01:27 AM

فى البدايه احب افتكر اليوم اللى اشتريت فى العربيه دي واقول يارب يرجع تانى واعقل وكنت اشتريت 128 احسن

العربيه بتاعنى الانوس الله يحميها ماشيه 16 الف دلوقتى ( بس حاسس انى ماشى 160 الف ) بقالى فتره كده العربيه بترعش او بترجرج جامد وانا طالع على الاولانى بس مش على طول ياعنى ممكن بنسبه 70% وتقريبا حاسس انها لما تكون سخنه ، الرجه اللى بتكلم عليها مش زى لما اكون مخفف رجلى من على الدبرياج لا دي رجرجه جامده بتهز العربيه كلها زي ما يكون الفتيس باظ

- كمان فى تقطيع او رجه برضه وانا بدورها الصبح بس دي مش على طول ياعنى ممكن بنسبه 10% وكنت غيرت البوجيهات قبل كده بعد 6000 وراحت شويه صغيرين وبدات تيجى تانى
العربيه انا شاريها زيرو موديل 2011 ونفس المشاكل بالمللى دي فى لانوس واحد صاحبى برضه 2011 وعامله 23000 كيلو

**م. محمد نافع** · 17-03-2013 01:53 AM

ربنا يعنيك وتعرف ايه السبب بس واضح انك مش راضي عن اللانوس وده سبب احساسك بأن المشكله كبيره
انا اظن ان سبب المشكله ان احدي قواعد الموتور مقطوعه اكشف عليهم وباذن الله خير
علي فكره اللانوس من العربيات الممتازه في الفئه بتاعتها من ناحيه سهوله الصيانه و اسعار قطع الغيار وسهوله البيع والشراء

**misoalex** · 17-03-2013 04:24 AM

المفروض انها لسه فى الضمان كده صح ولا انا غلطان ؟؟ حاول تروح التوكيل يمكن مشكله فى طقم الدبرياج وعاوز يتغير
اخبار السحب عندك ايه

**cyber007** · 17-03-2013 05:07 PM

المشاركة الأصلية كتبت بواسطة misoalex

المفروض انها لسه فى الضمان كده صح ولا انا غلطان ؟؟ حاول تروح التوكيل يمكن مشكله فى طقم الدبرياج وعاوز يتغير
اخبار السحب عندك ايه

السحب منيل بستين نيله بس بيقولو ان الانوس كده لما سالت سحبها وحش ،،، كمان انا مرحتش التوكيل من بعد صيانة الى 5000 لان كل ما اشتكي من حاجه يقولولى لا دى تمام والعربيه طبيعتها كده

**cyber007** · 17-03-2013 05:12 PM

توضيح بالنسبه للرجه دي مش حاجه سايبه دا كأن حد بيهز العربيه
و على فكره دول عربيتين نفس الموديل وحصلهم نفس المشاكل والله بالظبط زى مثلا
- العربيه بتكهربنى اوقات كتير ولما رحت التوكيل قاللى عادى
- لمبة البنزين لما التنك يفضى مش بتنور
- سحب سىء ، واستهلاك بنزين رهيب
- فرش الابوب بيزيق

العربيتين جايين زيرو وواحده 16000 والتانيه 23000 تقريبا ، وهيا بالظبط نفس المشاكل

**misoalex** · 17-03-2013 06:47 PM

المشاركة الأصلية كتبت بواسطة cyber007

توضيح بالنسبه للرجه دي مش حاجه سايبه دا كأن حد بيهز العربيه
و على فكره دول عربيتين نفس الموديل وحصلهم نفس المشاكل والله بالظبط زى مثلا
- العربيه بتكهربنى اوقات كتير ولما رحت التوكيل قاللى عادى
- لمبة البنزين لما التنك يفضى مش بتنور
- سحب سىء ، واستهلاك بنزين رهيب
- فرش الابوب بيزيق

العربيتين جايين زيرو وواحده 16000 والتانيه 23000 تقريبا ، وهيا بالظبط نفس المشاكل

كده دى اعراض طقم دبرياج رسمى فهمى نظمى :)
عموما متقلقش هو مش غالى اوى وطقم الدبرياج بيعتمد على طريقه السواقه اكتر من عدد الكيلو اللى مشياه العربيه ولو العربيه فى الضمان مكانوش رضيو يغيروه
عموما هات الاصلى وركبه وان شاء الله خير
بس قبل ما تجيبه روح لمكانيكى يجرب معاك العربيه ويتأكد برضه ان الدبرياج هو اللى فيه المشكله

**cyber007** · 18-03-2013 11:43 PM

نغير طقم الدبرياج :)

**shur3000** · 20-03-2013 09:56 PM

حاول تنظف البوابة وتشوف سلوك البوجيهات

**mero100** · 21-03-2013 12:51 AM

عربيتي 2011 و عندي رعشه رخمه في الطلعه ...و بتزيد بعد ما العربيه تاخد مشوار ... تقريبا دي يا سوست اسطوانه يا اما الديسك .. مجموعه دبرياج يعني .... و دي خارج الضمان .

اظاهر موديل 2011 فيه العيب ده .

**friendship7897** · 21-03-2013 12:29 PM

واضح إن العيب دا في كل اللانوس مش 2011 بس
لأن الرجة دي عندي وأنا 2010
وكمان موضوع السحب ( ساعة تروح وساعة تيجي ) وملهاش أي أسس
يعني كتير أوي آلاقيها بتسحب بالعافية وساعات بتحسب عادي وكويس
يعني في المطالع مثلاً أقول ربنا يستر مش هتشد في المطلع دا ، وآلقيها عادي جداً
وممكن في شارع طوالي أحس إني سايقة سيات 133
ومع ذلك بحب لانوستي
ربنا يستر طريقها