السلام عليكم :

انا من فترة كنت شحنت التكييف والراجل جرب ع السلانسيه وفاللي زود كان التكييف شغال تمام .. بعدها باسبوع كنت مشغل التكييف وفجاة لاقيت صوت في الكبووت "فششششششششش" رحت قافل التكييف بسرعة ونزلت بصيت لاقيت سائل علي مروحة الكوندنسر .. فخمنت ان الفششش دي طالعة من مكان ما في الكومبريسسور ..

المهم لما شغلت التكييف تاني اشتغل بس حسيت ان البرودة بتاعته قلت شوية...

دلوقتي المشكلة اني لما اشغله يشتغل دقيقة وبعدين يفصل ويفضل فاصل ... اقفله وافتحه تاني احس ان ال rpm يعلي ثانية واحدة ويرجع يفصل تاني .. اكرر الموضوع يحصل نفس الحاجة ....!!

قلت يمكن الثموستات .. عملت شورت سيركت ع الدايرة عشان اطلع الثرموستات برة القصة برضه حصلت نفس النتيجة!!!


مش عارف ليه بيفصل بسرعة كده؟!! والفش دي سببها ايه؟!! ومش عايز اشحن تاني ويكون فيه تسرييب يبقي خسرت فلوس الشحن والمشكلة لسه قائمة!!!!