الموضوع: مشكلة في التكييف هوندا سيفيك 92

هو كدة ياباشا فية عندك تسريب فى دورة الفريون , وغالبا جزء كبير جدا من الفريون اتسرب , وهو دة اللى عامل لخبطة فى تشغيل الكباس , لان الكباس مش هيلقط ومافيش فريون فى دورة التبريد

عموما هو لازم يعمل الاتى :

يكبس دورة التبريد هواء , ويسيبها لمدة نصف ساعة لو لقى اى تسريب يذكر لازم يتعمل فورا

ثانيا بعد التأكد من ان مافيش تسريب يتم شحن الفريون , ويسيب المحرك شغال لمدة نص ساعة اخرى وعليها جهاز الضغط عشان يتأكد ان مافيش اى مشكلة او تسريب نهائى , ولو ظهر تسريب يقوم بسحب الفريون ومعالجة التنفيث ثم اعادى شحنة وزيادتة مرة اخرى

- حاجة ممكن تعرف هل عندك هواء فى الدورة ولا لأ , قوم بتشغيل التكييف وفتحة الى اقوى سرعة , لمدة عشر دقائق , ثم طفأ المحرك والانتظار لمدة دقيقة , ثم فتح الكابوت , والنظر الى ال dryer هتلاقى فية عدسة من فوق لو لقيتها فيها فقاقيع هواء يبقى كدة دورة الفريون فيها تسريب ولازم يتعمل

اعمل الحاجة دية زى مانا قايل عشان تنتهى المشكلة دية تماما , عشان فية انواع من التسريب

1- تسريب لحظى

2- تسريب بطىء

3- تسريب مع تشغيل التكييف فقط

المشاركة الأصلية كتبت بواسطة engmesk2

تسلم يا سمسم ... بس لو فيه تنفيث اي بتاع تكييف هيعرف يعالجوا ؟ ولا ممكن تقف علي قطع غيار هوندا؟ ربنا يستر :)

اة طبعا مافيش اى مشكلة

لو مثلا عندك تنفيث فى خرطوم , بيقوم هو بتبديل الخرطوم بأخر جديد وتغير اللاواكير فقط ثم كبسها على المكنة فى الخرطوم الجديد وشكرا

لو لا قدر الله حصل من الكباس نفسة فلازم يتغير